Қәдирли мектебимиз оқыўшыларының аталары ҳәм аналары !

Қәдирли мектебимиз оқыўшыларының аталары ҳәм аналары !

Ең дәслеп, сизлерди ҳәм сиз арқалы әзиз балаларымызды жаңа 2020/2021 оқыў жылы басланыў мүнәсибети менен шын жүректен қутлықлайман.

Мине бес айдан берли, елимизде коронавирус инфекциясы тарқалыўы ақыбетинде перзентлеримиз мектеплерге бара алмай, өз теңлеслери менен қарым-қатнастан шекленген.Оқытыўшылар балаларды, балалар болса, өз устазларын, досларын, қалаберсе, мектеп меҳрин жүдә сағынған.
Қәнигелердиң пикирине қарағанда, пандемияны қысқа ўақытларда жеңип өтиў жүдә аўыр. Сондай екен, бәршемиз дәстүрий емес шараятларда жасаў ҳәм мийнет ислеўге көнлигиўимиз, ең тийкарғысы перзентлеримизди сыпатлы билим алыўын даўам еттириўлери ушын бәрше имканиятларды сарыплаўымыз, жаратыўымыз лазым.
Мектебимиз жәмәәти бул мақсет жолында жуўапкер мекемелер ҳәм шөлкемлер менен биргеликте билим бериў процесинде бүгинги күн талаплары тийкарында қәўипсизлигин тәмийнлеў ушын күшли таярлықлар көрилмекте.Тийкарынан, санитария-гигиена қағыйдалары тийкарында оқытыўшы ҳәм оқыўшылар қәўипсизлигин тәмийнлеў ушын барқулла ис жүритетуғын медицина қәнигеси бекитиледи.
Сондай екен, мектеп жәмәәти ҳәм жеке мен перзентиңиз мектепке келгенде бәрше қәўипсизлик илажлары көрилиўин тәмийнлеўге кепиллик беремиз.
Өз нәўбетинде, сизден перзентиңиз саламатлығын бәрқулла бақлаўда ҳәмде ҳәр қандай кеселлик белгилери сезилген жағдайда, оны мектепке жибермей, тезлик пенен шыпакерлерге ҳәм мектеп жәмәәтине хабар бериўиңизди сорайман.
Умытпаң, перзентлеримиздиң билим ҳәм тәрбиясы ушын бәршемиз бирдей жуўапкермиз.
Ҳүрмет пенен

7-санлы
Мектеп директоры: М.Абзалиев