E va a ta’lim yo’nalishi bo’yicha amaliyot dasturlari to’plami

Korxona bilan tanishish, o’rganish, tahlil qilish. Bu bo’limda talaba korxonaning hisobot yili va o’tkan yillar uchun tuzilgan biznes rejalari bilan tanishib chiqadi. Biznes-rejada belgilangan ijtimoiy-iqtisodiy ko’rsatkichlarning dinamikasini tahlil qiladi. SHuningdek, korxonada biznes-rejani tuzish, ishlab chiqish, tasdiqlash, amalga kiritish va nazorat qilish jarayonlarini hamda bosqichlarini, metodikasini o’rganadi.
Xomashyo va material resurslar ta’minoti bilan tanishish va tahlil qilish. Bu bo’limda talaba xomashyo va material resurslarning tarkibi, mol yetkazib beruvchilar (kommunal tizim ham kiradi), ular bilan tuzilgan shartnomalar va ularning shartlarini o’rganadi. Shuningdek, xomashyoni izlash va narxlarini kelishish borasida korxona mutaxassislari tomonidan amalga oshiriladigan usullarni o’rganadi va kundaligida aks ettiradi, ta’minot jarayonida qo’llaniladigan me’yoriy-huquqiy xujjatlarni tahlil qiladi. Har bir huquqiy hujjatni amaliyotdagi aksini va uni bajarishda yuritiladigan korxona hujjatlari bilan tanishadi, statistik ma’lumotlarini tahlil qiladi.
Zavod, Korxonaning barcha sexlari bilan tanishish va ularning texnologik asoslarini o’rganish. Bu bo’lim orqali talaba 1 hafta davomida korxonaning asosiy ishlab chiqarishi (xizmat ko’rsatishi, ishlarni bajarishi) bilan tanishadi. Ishlab chiqarish (xizmat ko’rsatish, ishlarni bajarish) jarayonining ketma-ketligi, xomashyoni omborga kelib tushishidan boshlab, uni sotish va texnik xizmatlar ko’rsatish jarayoni bilan chuqur tanishadi, ishlab chiqarishning texnologik jarayonlarini o’rganadi. Bunda foydalaniladigan davlat va xalqaro standartlar, texnik shartlar bilan tanishadi. Ishchilarning mehnat talablariga rioya qilishlarini va texnologik karta bo’yicha bajaradigan operatsiyalarini tahlil qiladi. Bu jarayonda ishchini usta (master), brigadir, uchastka boshliqlari tomonidan boshqarilishini o’rganadi, tahlil qiladi va muammolarini izlaydi. Ishlab chiqarishning ketma-ket joylashuvi bo’yicha xaritani tuzadi.
Korxona raxbari va bo’lim boshliqlari faoliyatini o’rganish, kun tartibi bilan tanishish. Bu bo’lim orqali talaba rahbar mehnatini tashkil etish va kun tartibidagi masalalarni hal etish yo’nalishlarini o’rganadi. Talaba tomonidan quyi, o’rta va yuqori pog’ona rahbarlari nima ish qilishadi, vaqtni qanday boshqarishadi, kun tartibini hamda vaqtini qanday tasimlaydi, kommunikatsiyaga sarflanadigan vati va shu kabi rahbarning ishdagi vaqti bilan bog’liq amalga oshiradigan ishlarini o’rganadi, tahlil qiladi. Rahbarlarning kun tartibini bir-biridan farqini ajratadi.