Э. Шодмонов, Д. Бабабекова, Б. Турсунов корхона иқтисодиёти ва инновацияларни бошқариш

Иккинчи босқич –
1996-2002 йилларга тўғри келади. Бу даврда 
интеллектуал мулк бойликларини ҳуқуқий жиҳатдан муҳофаза қилиш 
соҳасидаги қонун ҳужжатлари такомиллаштирилди. 
Учинчи босқич –
2003 йилдан бошланиб, ҳозирги даврни қамраб олади. 
Ҳуқуқий муҳофаза қилинадиган интеллектуал мулк объектлари ҳақида 
жамоатчиликни хабардор қилиш, республикамизда олиб борилаѐтган соҳага 
оид ислоҳотларни дунѐ жамоатчилигига етказиш, соҳага оид миллий 
қонунчиликнинг қўлланиши, омма ўртасида тарғибот ишларини юритиш 
кучайганини шу йилларда кўриш мумкин. 
Кейинги йилларда иқтисодиѐтни модернизациялаш, ишлаб чиқариш 
соҳаларига инновацияларни кенг жорий қилиш, рақобатбардош маҳсулотлар 
ишлаб чиқариш, замонавий маҳсулотларни жаҳон бозорига чиқариш ва 
халқаро савдо тизимида муносиб ўринни эгаллаш йўлида улкан ишлар 

---

қилинмоқда. Президентимизнинг 2006 йил 7 августдаги «Фан ва техноло-
гиялар ривожланишининг мувофиқлаштириш ва бошқаришни такомиллаш-
тириш чора-тадбирлари тўғрисида»ги ҳамда 2008 йил 15 июлдаги 
«Инновацион лойиҳалар ва технологияларни ишлаб чиқаришга татбиқ 
этишни рағбатлантириш борасидаги қўшимча чора-тадбирлар тўғрисида»ги 
қарорларида яқин йилларга мўлжалланган йўналишлар белгилаб берилди. 
Айниқса, Юртбошимизнинг «Ўзбекистон Республикасининг Интеллектуал 
мулк агентлигини ташкил этиш тўғрисида»ги қарори юқорида кўрсатилган 
муҳим масалаларни ҳал этиш, интеллектуал мулк соҳасида ягона давлат 
сиѐсати юритиш йўлларини кўрсатиб берди.
Ўзбекистон Республикаси Вазирлар Маҳкамасининг 2011 йил 8 июнда 
қабул қилинган ―Ўзбекистон Республикасининг интеллектуал мулк агент-
лиги фаолиятини ташкил этиш чора-тадбирлари тўғрисида‖ги қарорига кўра, 
агентлик ЖИМТда ва интеллектуал мулк соҳасидаги бошқа халқаро ва 
минтақавий ташкилотларда мамлакатимиз номидан иш юритади.