Е lectric flat iron

Amerikalik ixtirochi Genri Sili 1882 yil 6 iyunda " Еlectric flat iron" deb nomlangan ilk elektr dazmolni patentladi. Garchi dazmol vazni 6 kilogrammdan yuqori va uzoq vaqt davomida qizdirilishiga qaramay, bu ixtirochilik g'oyasining muhim yutug'i edi.

Sili ixtirosidan 200 yil oldin, dazmollar temirdan quyilib, pechlarda qizdirilgan. Ular tezda sovib ketar va yengil choyshab yoki baxmalni dazmollash uchun mutlaqo yaroqsiz edi. Bir ko'ylak yoki kamzulni dazmollash uchun kir yuvuvchilar har xil o'lchamdagi bir nechta dazmollardan foydalanishga majbur bo'lishardi va bir vaqtning o’zida ularni qizitish uchun doimiy ravishda pechning yonida turishardi. Ko'p o'tmay, ular pechda dazmolni isitish o'rniga, ichiga ko'mir solish orqali qizdira boshladilar.

XIX asrning ikkinchi yarmida Yevropada gaz va suyuq yonilg'i: kerosin, alkogol va neft dazmollari paydo bo'ldi.  Ular yong'inga xavfli edi, ammo issiqlikni o’zida ancha ko’proq saqlardi. Zamonaviy elektr dazmollar ko'p jihatdan o’tmishdoshlaridan ustun edi. Ularda isitish elementi elektr yoyi bo’lib, ular doimiy elektr toki yetkaziladigan ko’mir elektrodlari orasida joylashgan.

Biroq, barcha yangiliklarga qaramay, bunday dazmollar bilan ishlash qiyin va xavfli edi. Dastlabki elektr dazmollarida haroratni nazorat qiluvchi moslama yo'q edi, natijada ular ko'pincha qizib ketar va kiyimlarni kuyishiga olib kelardi.

1920 yilda birinchi termostatik boshqariladigan dazmollar paydo bo'ldi. Tavsiya etilgan uchta - jun, lyon va ipak mato turiga qarab, dazmol istalgan haroratda qizdirilardi.  XX asrning ikkinchi yarmida bug’ funksiyali birinchi dazmollar paydo bo'ldi.

Maishiy texnikaning keyingi evolyutsiyasi bosqichma-bosqich rivojlandi: ular issiqqa chidamli Teflon izolatsiyali elektr shnurlar, kiyimlarga bug’ bilan ishlov beruvchi turlari paydo bo’ldi. Zamonaviy dazmollar bug’ni boshqaruvchi, o'z-o'zini tozalovchi, avtomatik o'chirish tizimi va boshqa foydali funksiyalarga ega.