E. I. Musaboyev, A. Q. Bayjanov Yuqumli kasalliklar epidemiologiya va parazitologiya Tibbiyot kollejlari uchun o ‘quv qo ‘llanma «O‘zbekiston milliy ensiklopediyasi»

Surunkali dizenteriyali bemorlar oziq-ovqat obyektlariga: oshxonalar, oziq-ovqat do‘konlari va bolalar jamoalariga qo‘- yilmaydi.

Nazorat savollari

1. 
   Shigellalarning qanday turlari mavjud va ularning farqlari nimada?
   
2. 
   Dizenteriyada kimlar infeksiya manbai bo‘lishi mumkin?
   
3. 
   Dizenteriyaning og‘ir shakllarida ichak shilliq qavatlarida qanday o‘zgarishlar kuzatiladi?
   
4. 
   Klinik kechishi bo‘yicha dizenteriyaning qanday shakllari farq qilinadi?
   
5. 
   Tenezmlar va defekatsiyaga soxta qistovlar nima?
   
6. 
   Dizenteriyani davolash qoidalari qanday?
   

Salmonelloz (Salmonellosis)

Salmonelloz — salmonellalar guruhi qo‘zg‘atadigan yuqumli kasallik bo‘lib, asosan oshqozon-ichak yo‘llari zararlanishi va ko‘pincha gastrointestinal, ba’zan esa tarqalgan shakllarda o‘tishi bilan xarakterlanadi.

Etiologiyasi. Qo‘zg‘atuvchilari — hozirgi vaqtda 2000 ga yaqin serotipga ega bo‘lgan salmonellalarning katta guruhidir. Odamda uning 90 ga yaqin serotipi uchraydi.

Shulardan 10 ta tipi odamlarda uchraydigan 85—91% salmonel- lozlarning qo‘zg‘atuvchilaridir. Ayniqsa quyidagi serotiplar ko‘proq uchraydi: S. typhi murium, S. heidelberg, S. london, S. anatum,

S. derby, S. reading.

Salmonellalar grammanfiy tayoqchalar bo‘lib, uzunligi 2—3 mkm ga teng, xivchinlarga ega, harakatchan, spora va kapsulalar hosil qilmaydi, oddiy oziq muhitlarida yaxshi o‘sadi, endotoksin ishlab chiqarish qobiliyatiga ega. Salmonellalar tashqi muhitda uzoq vaqtgacha saqlanadi (suvda 120 kungacha, go‘sht va kolbasa mah- sulotlarida — 2 oydan 4 oygacha, muzlatilgan go‘shtda — 1 yilgacha, sutda 10 kungacha, tuproqda 18 oygacha). Ayrim mahsulotlarda (sut, go‘sht mahsulotlari) ular nafaqat saqlana oladi, balki ko‘pa- yadi, bunda mahsulotlarning tashqi ko‘rinishi va ta’mi o‘zgarmaydi. Tuzlash va dudlash kam ta’sir ko‘rsatadi, quritishga chidamli bo‘ladi.

Epidemiologiyasi. Infeksiya manbai asosan hayvonlar hisob- lanadi, lekin oxirgi yillarda odamlar ham salmonella bakteriyalarini tashuvchilar sifatida ko‘rsatilmoqda. Asosiy infeksiya manbai — uy parrandalari, ayniqsa o‘rdak hisoblanadi. Salmonellalar nafaqat ularning go‘shtida, balki tuxumlarida ham topiladi. Yuqumli bo‘lgan tuxumlar tashqi ko‘rinishi, hidi va ta’mi bilan odatdagi tuxum- lardan farqlanmaydi. Kasallangan qushlar bilan aloqada bo‘lish ham kasallik yuqishiga sabab bo‘lishi mumkin. Bu infeksiya kaptarlar orasida keng tarqalgan.

Infeksiya manbai odamlar — «sog‘lom» bakteriya tashib yuruv­chilar ham bo‘lishi mumkin. Surunkali tashuvchanlik 2—2,5% kasallanib tuzalganlarda kuzatiladi. Bakteriya tashuvchilar oziq-ovqat mahsulotlarini ifloslantirishlari orqali yoki ayrim hollarda aloqa yo‘li bilan yuqishda infeksiya manbai bo‘lishlari mumkin. Lekin bevosita bakteriya tashuvchilardan kasallik yuqtirish ehtimoli juda kam. Bunga sabab, kasallik vujudga kelishi uchun mikroblarning katta miqdori zarur. Shuning uchun kasallik yuqtirish hollari asosan kichik yoshdagi bolalarda ko‘p kuzatiladi.

Keyingi vaqtda shifoxona ichi infeksiyasi (asosan bolalar tibbiy muassasalarida) ko‘paydi. Bunday infeksiya sababchilari ko‘pincha ko‘p dori preparatlariga chidamli va boshqa alohida xususiyatlarga ega bo‘lgan salmonellalar shtammlaridir. Infeksiya maishiy aloqa yo‘li bilan tarqaladi. Kasallik qo‘zg‘atuvchi bolalarga asosan ko‘rpa-to‘shak anjomlari, parvarishlash buyumlari va ularni parvarishlaydigan kishilarning qo‘llari orqali yuqadi.

Ko‘pincha kasallik tarkibida ko‘p miqdorda salmonellalar bo‘lgan mahsulotlarni ovqatga ishlatish natijasida alimentar yo‘l bilan yuqadi. Odatda bu noto‘g‘ri pazandalik ishlovlari sababli kuzatiladi, natijada mikrob tushgan mahsulotlar, asosan go‘shtli mahsulotlar salmonellalar ko‘payishi va to‘planishini ta’minlaydigan sharoitlarda qoladi. Bunda sutli va baliqli mahsulotlar ham zararlanishi mumkin. Salmonelloz bilan kasallanish yilning issiq oylarida ancha yuqori bo‘ladi, chunki bu vaqtda oziq-ovqat mahsulotlarini saqlash qiyinlashadi. Salmonellozlar sporadik kasallik sifatida ham uchrashi mumkin. Keyingi yillarda salmonellozlar bilan kasallanishning sporadik hollari ko‘p uchramoqda. Epidemiyaning bunday ko‘rinishi savdo tarmog‘i hamda jamoa ovqatlanish joylariga qo‘zg‘atuvchi bilan zararlangan mahsulotlarning tushib qolishi tufayli kuzatilishi mumkin.

Patogenezi va patologik anatomiyasi. Salmonellalar — klassik oral infeksiya. Ammo infeksiya yuqtirishdan tashqari, kasallik vujudga kelishi uchun odatda qo‘shimcha sharoit ham sabab bo‘ladi, masa­lan, bunda qo‘zg‘atuvchining ko‘p miqdorda bo‘lishi yoki orga­nizmning kasalliklar bilan kurashish qobiliyatining pasayganligi katta rol o‘ynaydi.

Salmonellalar oshqozon-ichak yo‘llariga tushgandan so‘ng ingichka ichak epitelial to‘sig‘ini yengib o‘tadi va to‘qimalarga chuqur kiradi. U yerda makrofaglar yordamida ushlab qolinadi. Makrofaglar ichida mikroblar nafaqat ko‘payadi, balki qisman parchalanadi (o‘ladi), natijada endotoksin ajralib chiqadi. Endotoksin ichakdan qonga so‘rilib, birinchi navbatda vegetativ va markaziy nerv sistemasiga ta’sir qiladi.

Natijada intoksikatsiya rivojlanadi — isitmalash, qayt qilish, ich ketishi, arterial bosimning pasayishi, moddalar almashinuvining buzilishi, tana vaznining kamayishi va boshqalar kuzatiladi. Mahalliy o‘zgarishlardan biri ichak sekretsiyasining oshishidir — ichak bo‘shlig‘ida katta miqdorda suyuqlik, kaliy, natriy va xloridlar yig‘iladi. Bemorda qayt qilish va ich ketishi kuzatiladi. Organizmning suvsizlanish belgilari paydo bo‘ladi. Og‘ir holatlarda haddan ziyod suyuqlik yo‘qotish natijasida gipovolemik shok kuzatilishi mumkin.

Patologoanatomik ma’lumotlar bo‘yicha ingichka ichak shilliq qavatida ekssudativ kataral yallig‘lanishdan tortib yarali zarar- lanishlargacha aniqlanadi. Ichak devorida shish, ayrim hollarda qon quyilishlar va shilliq qavatning yuza nekrozi qayd etiladi. Ichki a’zolarda—jigar, taloq, buyrak, yurakda degenerativ o‘zgarishlar kuzatiladi.

Klinikasi. Yashirin davr o‘rtacha 12—24 soatga teng, ayrim hollarda bu davr 6 soatgacha qisqarishi yoki 2 kungacha uzayishi mumkin. Klinik ko‘rinishi salmonellozning shakllariga bog‘liq. Bugungi kunda salmonellozning quyidagi shakllari farq qilinadi:

1. 
   Gastrointestinal shakli:
   

1. 
   gastritik;
   
2. 
   gastroenteritik;
   

3 ) gastroenterokolitik.

2. 
   Tarqalgan shakli:
   

1. 
   ) tifga oid;
   
2. 
   ) septikopiyemik.
   

3. 
   Bakteriya tashuvchanlik:
   

1. 
   ) o‘tkir;
   
2. 
   ) surunkali;
   
3. 
   ) tranzitor.
   

Gastrointestinal shakli. Kasallikning bu shakli o‘tkir boshlanadi, bemorning eti uvushib, tana harorati 38—39°C gacha ko‘tariladi, umumiy darmonsizlik kuzatiladi. Ko‘ngli aynib qusadi. Epigastral va kindik sohalarida og‘riq paydo bo‘ladi, keyinchalik ich keta boshlaydi. Bu belgilarning namoyon bo‘lish darajasi kasallikning og‘irligiga bog‘liq.

Salmonellozning yengil shaklida tana harorati subfebril bo‘lib, bemor bir marta qayt qilishi mumkin. Najas suvday bo‘lib, ich sutkasiga 5 martagacha ketadi. Bunday holat 1—3 kun davom etadi. Salmonelloz o‘rta og‘irlikda o‘tganda harorat 38—39°C gacha ko‘ta- riladi, isitma 4 kungacha cho‘ziladi, bemor ko‘p marta qusadi, ich ketishi sutkada 10 martagacha yetadi. Bunday holat 7 kungacha kuzatiladi; tomir urishi tezlashadi, arterial bosim pasayadi. Salmo­nellozning og‘ir kechishi yuqori harorat (39°C dan yuqori) bilan xarakterlanib, u 5 kundan ortiq davom etadi, kuchli intoksikatsiya kuzatiladi. Bemor bir necha kungacha qayt qiladi. Ich sutkasiga 10 martagacha ketadi, najas ko‘p miqdorda bo‘lib, suvday suyuq, badbo‘y hidli, shilliq aralash bo‘lishi mumkin. Jigar va taloq kattalashadi, teri va sklera sarg‘ayishi mumkin. Tomir urishi tezlashadi, arterial bosim ancha pasayadi. Buyrakdagi o‘zgarishlar oliguriya, albuminuriya va siydikda eritrositlar paydo bo‘lishi bilan namoyon bo‘ladi. O‘tkir buyrak yetishmovchiligi rivojlanishi mumkin. Teri quruq bo‘lib, sianoz va talvasa kuzatiladi.

Tarqalgan shaklining tifga oid ko‘rinishi. Kasallik ko‘pincha o‘tkir boshlanadi. Harorat ko‘tariladi va yuqoriligicha qoladi, umumiy intoksikatsiya belgilari kuchayadi. Bemorda kasallikning kechishi tif- paratif kasalligini eslatadi. Yuz terisi oqargan bo‘ladi. Ayrim bemor- larda ko‘pincha qorin terisida rozeola toshmalari paydo bo‘ladi. Nisbiy bradikardiya va arterial bosimning pasayishi aniqlanadi. Qorin dam bo‘ladi. Kasallik boshlanganidan bir hafta keyin jigar va taloq kattalashadi. Kasallikning bu shaklida isitma o‘rtacha 1—3 hafta davom etadi.

Septik shakli — kasallikning eng og‘ir ko‘rinishidir. Kasallik o‘tkir boshlanib, birinchi kunlari tifga oid kechadi. Keyinchalik bemor ahvoli og‘irlashadi. Tana harorati noto‘g‘ri namoyon bo‘ladi

• 
  ertalabki va kechqurungi harorat oralig‘idagi farq katta bo‘lib, bemor et uvushishi va ko‘p terlashdan shikoyat qiladi. Kasallik odatda og‘ir kechadi, antibiotiklar yaxshi foyda bermaydi. Yiringli o‘choq- lar — osteomiyelitlar paydo bo‘ladi. Ba’zan tonzillitlar, xolesistitlar va meningitlar kuzatiladi. Ayrim bemorlarda jigar abssessi va dumba sohasida abssess paydo bo‘ladi. Salmonellozning bu ko‘rinishi uzoq vaqt davom etishi va ko‘pincha o‘limga sabab bo‘lishi bilan xarak- terlanadi.
  

Kolitik shakli. Kasallik tana haroratining ko‘tarilishi bilan o‘tkir boshlanadi. Bosh og‘rig‘i, uyqusizlik, kuchli terlash va ishtahaning pasayishi paydo bo‘ladi. Ko‘p hollarda et uvushadi. Ayrim bemorlarda ko‘ngil aynishi va qusish, epigastral sohada og‘riq kuzatiladi. Shilliq aralash ich ketadi. Ich kuniga 3—15 marta ketishi mumkin. Tenezm- lar bo‘lishi mumkin. Sigmasimon ichak spazm holatida bo‘ladi.

Bakteriya tashuvchanlik. Bu shaklda klinik belgilar kuzatilmaydi, u bakteriologik va serologik tekshirishlarda aniqlanadi. O‘tkir, surunkali va tranzitar tashuvchanlik farqlanadi. O‘tkir tashuv- chanlikda salmonellalar 15 kundan 3 oygacha ajraladi. Surunkali tashuvchanlikda salmonellalar 3 oydan ortiq vaqt ajralib chiqadi. Surunkali tashuvchanlikni tasdiqlash uchun 6 oydan kam bo‘lma- gan vaqt oralig‘ida doimiy kuzatib borish zarur, bunda axlat, siydik, 12 barmoq ichak ichidan olingan tekshirish materiali qayta-qayta bakteriologik tekshiruvlardan o‘tkazib turiladi. Tranzitor tashuv- chanlikda bakteriologik tekshirishlarning ijobiy natijalari 1—2 marta kuzatiladi (bir kun oraliq bilan olingan tahlillarda), keyinchalik ijobiy natijalar kuzatilmaydi.

Tashxisi. Bunda anamnez (kasallikning ovqat iste’mol qilish bilan bog‘liqligi yoki bir guruh kishilarning bir xil mahsulotlardan ovqatlanishi natijasida bir vaqtda kuzatilishi), klinik belgilar (qusish, ich ketishi) hamda laboratoriya ma’lumotlari katta ahamiyatga ega. Bemorni laboratoriya usulida tekshirish — kasallikka tashxis qo‘yish- da muhim hisoblanadi.

Tashxis qo‘yishning umumklinik usullari. Ko‘p suyuqlik yo‘qotish natijasida qonning quyuqlashishi va eritrositoz kuzatilishi mumkin. Leykositlar va ECHT odatda normada bo‘ladi, kam hollardagina ularning ko‘tarilishi aniqlanishi mumkin. Kasallik og‘ir kechganda toksik albuminuriya va silindruriya kuzatiladi. Yo‘g‘on ichak zarar- langanda najas shilliq aralash bo‘lib, unda leykositlar bo‘ladi.

Bakteriologik tekshirish uchun bemor qoni (tarqalgan shak­lida), qusuq, oshqozon yuvilgan suv, huqna qilingandagi suv, najas, siydik, o‘t suyuqligi, yiring va yallig‘lanish o‘choqlaridagi (septik shaklida) ekssudat, ovqat qoldiqlari (kasallik sababchisi bo‘lgan), idish-tovoqlarning yuvindi suvlari olinishi mumkin.

Koprokultura olish uchun najas defekatsiyadan keyin bevosita tuvaklardan, bolalar tagidagi tagliklardan olinadi. Ekma najasning oxirgi suyuq porsiyalaridan olinadi. Chunki u ichakning yuqori bo‘limlaridan keladi, unda mikroblar ko‘proq bo‘ladi. Bunda tuvakda dezinfeksiyalovchi moddalar qoldig‘i bo‘lmasligi kerak. Najas probirkalarga konservant bilan solinadi. Uning miqdori konser- vantning uchdan bir qismini tashkil etishi lozim (glitserinli aralash- ma). Najas steril probirkalarga konservantsiz olinishi ham mumkin, lekin u paytda laboratoriyaga yuborgunga qadar 4—8°C sovuqda saqlanishi lozim.

Qusuq va oshqozon yuvilgan suv (50—100 ml) steril bankalarga yig‘iladi va zudlik bilan laboratoriyaga yuboriladi. Oshqozonni yuvish uchun ishlatilgan suv tarkibida kaliy permanganat va boshqa dezinfeksiyalovchi moddalar bo‘lmagan taqdirdagina tekshirish uchun undan birinchi porsiyalarni olish mumkin.

Siydik (20—30 ml) ekma uchun steril bankalarga yig‘iladi.

O‘t suyuqligi ekma uchun steril probirkalarga rekonvalessensiya davrida duodenal zondlash orqali olinadi. Iloji boricha o‘t suyuq- ligining uchta porsiyasi ham olinadi (A, B va C). O‘t suyuqligi bakteriya tashuvchanlikni aniqlash va nazorat qilish uchun tek- shiriladi.

Bakteriologik tekshirishning yakuniy natijasini 4—5 kundan keyin olish mumkin.

Klinik tashxisni tasdiqlash uchun serologik reaksiyalar 5—7 kunlik interval bilan kamida ikki marta o‘tkaziladi. Birinchi marta qon kasallikning birinchi haftasida, ikkinchi marta — ikkinchi haftaning oxirida yoki uchinchi haftaning boshida olinadi. Takror o‘tkazilgan reaksiyada antitelolar titrining oshishi diagnostik ahamiyatga ega. Serologik reaksiyalardan, odatda Vidal reaksiyasi tipidagi AR, bilvosita gemagglutinatsiya hamda komplementni bog‘lash reaksiyasi qo‘llanadi. Minimal tashxis titri — AR da — 1:200, BGAR da 1:160 va KBR da — 1:80 ni tashkil qiladi.

Ekspress tashxis. Keyingi yillarda tekshirishning immuno- flyuoressent usuli keng qo‘llanila boshladi. Bu usul flyuoroxromlar bilan ishlangan immun zardoblarning tegishli antigenlar bilan o‘zaro ta’siriga asoslangan. Bu usul yordamida qo‘zg‘atuvchini istalgan tekshirish materialida toza kultura ajratilmasdan turib aniqlash mumkin.

Demak, salmonelloz tashxisi odatda bakteriologik tasdiqlanishi shart. Lekin kasallikning xarakterli klinik belgilari aniqlansa va serologik reaksiyalarda antitelolar titrining oshishi aniq namoyon bo‘lsa, salmonelloz tashxisi bakteriologik tasdiqlanmasdan ham qo‘- yilishi mumkin. Bunday hollarda kasallikning bir guruh kishilarda uchrashi va bularning ichidan ayrim bemorlarda qo‘zg‘atuvchining topilishi ahamiyatga egadir.

Davolash. Zudlik bilan oshqozonni yuvish zarur. Kasallikning yengil shaklida davolash oshqozonni yuvish, parhez va tuzli eritmalar ichish bilan chegaralanadi. Odatda quyidagi tarkibda eritma ishlatiladi: natriy xlorid — 3,5 g, kaliy xlorid — 1,5 g, natriy gidrokarbonat — 2,5 g, glukoza — 1 litr ichimlik suviga 20 g. Organizmga kiritiladigan suyuqlik miqdori uni yo‘qotish miqdoriga mos kelishi kerak.

Kasallik o‘rtacha og‘irlikda kechib, qayt qilinsa va gemodinamika- ning kuchli buzilishlari kuzatilmasa ko‘proq suyuqlik ichishning o‘zi yetarlidir. Lekin tez-tez qayt qilib, suvsizlanish kuchaysa venaga eritmalar yuboriladi. Eritmalar ilitilgan holda minutiga 40—50 ml tezlik bilan yuborilishi kerak. Asesol, kvartasol, trisol va boshqa eritmalar ayniqsa foydalidir.

Kasallik og‘ir kechganda bemor intensiv davolash palatasiga yotqiziladi. Kuchli suvsizlanganda venaga 80—100 ml/min tezlikda ilitilgan holda poliion eritmalar (kvartasol, asesol) yuboriladi.

Yuboriladigan suyuqlikning umumiy hajmi suvsizlanish darajasi bilan aniqlanadi. Qayt qilishning to‘xtashi, gemodinamik ko‘r- satkichlarning stabillashishi va buyrakning ajratish funksiyalarining tiklanganligi venaga eritmalar yuborishni to‘xtatish mumkinligini ko‘rsatadi. Og‘ir hollarda umumiy yuborilgan eritmalar miqdori ko‘pincha 4—10 l atrofida bo‘ladi.

Infeksion-toksik shok rivojlanganda poliion eritmalardan tashqari sintetik kolloid eritmalar: gemodez, poliglyukin, reopoliglyukin 400—1000 ml dan venaga tomchilab yuboriladi. Infuzion terapiya samara bermagan taqdirda venaga oqim bilan qo‘shimcha ravishda 60— 90 mg prednizolon yoki 125—250 mg gidrokortizon yuboriladi, 4—

6. 
   soatdan keyin tomchilab yuborishga o‘tiladi (prednizolon bir sutkada 120—300 mg gacha).
   

Tifga oid shakllarda levomitsetin (0,5 mg dan sutkada 4 mahal 8—

10. 
    kun davomida) tayinlanadi. Septik shakllarida davolash ampit- sillin bilan kombinatsiyalanadi. Yiringli o‘choqlar jarrohlik yo‘li bilan davolanadi. Barcha hollarda organizm himoya kuchini oshira- digan preparatlar (vitaminlar, pentoksil) buyuriladi va qo‘shimcha kasalliklar davolanadi.
    

Salmonelloz bilan kasallanganlarni to‘liq klinik sog‘aygandan va etiotrop davolash tugagandan 2 kun keyin olingan najasni bir martalik bakteriologik tekshirgandan so‘ng qo‘zg‘atuvchilar aniq- lanmasagina shifoxonadan chiqarish mumkin. Oziq-ovqat obyektlari ishchilari esa klinik sog‘aygandan va yuqoridagi shartlar asosida 1—2 kunlik interval bilan ikki marta olingan najasni bakteriologik tekshirgandan so‘ng unda qo‘zg‘atuvchilar topilmasa shifoxonadan chiqariladi.

Profilaktikasi va o‘choqda o‘tkaziladigan tadbirlar. Profilaktika veterinar-sanitar-gigiyenik va epidemiyaga qarshi tadbirlarni o‘z ichiga oladi. Veterinar-sanitar tadbirlari uy sutemizuvchilari va qushlar orasida salmonelloz tarqalishining oldini olish hamda go‘sht-sut kombinatlarida sanitar rejimni tashkil qilishga qaratilgan bo‘ladi. Sanitar-gigiyenik tadbirlardan maqsad — oziq-ovqat mahsulotlarini qayta ishlashda, transportirovka qilishda va sotishda salmonelloz qo‘zg‘atuvchilari bilan zararlanishning oldini olishdir. Oziq-ovqat mahsulotlariga to‘g‘ri pazandalik ishlovi va yetarli darajada termik ishlov berish katta ahamiyatga ega. Epidemiyaga qarshi tadbirlar infeksiya tarqalishining oldini olishga yo‘naltirilgan bo‘ladi. Kasallik paydo bo‘lgan taqdirda infeksiyaning yuqish yo‘llarini aniqlash lozim. Bemor shifoxonaga yotqizilgandan keyin o‘choq bir hafta davomida kuzatiladi. Oziq-ovqat mahsulotlari obyektlari ishchilari, bolalar muassasalariga tashrif buyuruvchilar bir martalik bak- teriologik tekshiruvdan o‘tishlari shart.