Е. Б. Бабский, А. А. Зубков, Г. И. Косицкий, Б. И. Ходоров

Темир алмашинуви. Организмдаги темирнинг деярли ҳаммаси оқсиллар билан комплскс бирикмалар ҳосил қилган ҳар хил органик бирикмалар шаклида; фақат озгинаси ион ҳолида бўлади. Темир гемоглабин ва миоглобин таркибига, шунингдек каталаза ва пероксидаза ферментлари билан цитохром таркибига киради. Бу моддалар қоннинг кислород ташишида ва оксидланиш процессларида қатнашади. Темирнинг оқсиллар билан ҳосил қилган бошқа бирикмаларидан трансферрин билан ферритинни айтмб ўтамиз; трансферрин — тсмирни қон оқими билан ташийдиган оқсил, ферритин эса жигар билан талоқдаги оқсилдир. Ферритиндаги темир запас бўлиб, гем синтезига кетади.
Темир асосан ўн икки бармоқ ичакнинг юқори қисмида сўрилади. «Нишонли» радиоактив темирни овқатга қўшиб бериш тажрибаларининг кўрсатишича, нормал итда темир ёмон сўрилар экан. Қон йўқотишдан сўнг эса темир тез сўрилади ва бир неча соатдап кейин уни ферритин ва гемоглобин таркибида топиш мумкин.
Одамга бир суткада 10—30 мг тсмир керак. Айниқса ўсмир организмда ва ҳомиладор аёлларда темирга эҳтиёж катта бўлади.
Хлор алмашинуви. Организмда хлор асосан натрий хлорид шаклида тўпланади. Организмга хлор кўп киритилганда организмдаги жами миқдорнинг 1/3 қисми терида бўлиши мумкин. Шунинг учун терини организмда хлорнинг асосий депоси деб ҳисоблаш мумкин.
Хлор организмдан сийдик ва ахлат билан, шунингдек озгинаси тер билан доим чиқиб туради. Ташқи температура юқори бўлганда тер безлари орқали хлор чиқиб кетиши кескин даражада кучаяди.
Фосфор алмашинуви. Фосфор кўпгина органик моддаларнинг оралиқ алмашинувида иштирок этади. Айниқса углеводлар алмашинувида ва мускулнинг қисқариш механизмида. фосфатланишнинг аҳамияти катта. Фосфор организмнинг химиявий динамикаси ва организм фаолиятида ғоят катта аҳамиятга эга бўлган макроэргик (энергияга бой) бирикмалар таркибига киради.
Фосфор натрийли ва калийли тузлар шаклида, шунингдек осон сўрилувчи фосфорли эстерлар шаклида ўзлаштирилади. Фосфор буйраклар ва ичак орқали чиқиб кетади. Суякларда фосфор йиғилиши ғоят катта аҳамиятгв эга.
Одамга бир суткада 1—2 г фосфор зарур. Организмга киритилган фосфорнинг кўпчилиги суяк ва мускул тўқималарида тўпланади. Организмга радиоактив фосфоризотопи юборилгандан 4 соат кейин, киритилган миқдорининг 48% суяк тўқимасида ва 25% мускул тўқимасида топилади.