Dvigatel, transmissiyasi va yurish qismini diagnostika qilish

 

IV. Qisqacha nazariy ma’lumotlar 

1.Dvigatel texnik holatini diagnostika qilish 

Dvigatel ekspluatatsiyasi jarayonida detallarning tabiiy yeyilishlari, to’satdan 

ishdan chiqishi, ish qobiliyatini yo’qotishi natijasida silindr porshen guruhi (SPG), 

krivoship shatun mexanizmi (KShM) va gaz taqsimlash mexanizmi (GTM) hamda 

boshqa birikma va agregatlarda turli nosozliklar paydo bo’ladi. 

SPGning  asosiy  nosozliklariga  silindrlarning,  porshen  halqalari  va 

ariqchalarining,  porshen  bobishkasidagi  devor  va  teshiklarning,  shatun  kallagi 

vtulkalarining,  tirsakli  val  bo’yinchalaridagi  vkladishlarning  yeyilishi,  porshen 

halqalarini  qurum  bosib  qolishi  kiradi.  Asosiy  ishdan  chiqishlarga  esa  porshen 

halqalarining  sinishi,  silindr  yuzasining  yeyilishi,  porshenning  tiqilib  qolishi, 

podshipniklarning erishi, silindr bloki va uning kallagida darzlar hosil bo’lishi misol 

bo’la oladi. 

KShM  nosozligining  alomatlariga  dvigatel  silindrlaridagi  kompressiyaning 

yo’qolishi va uning shovqin bilan ishlashi, ko’p miqdorda gazlarning karteiga o’tib 

ketishi va moy quyish bo’g’zidan quyuq tutun chiqishi misol bo’ladi. 

GTM ning asosiy nosozliklariga turtgich va vtulkalarning, klapan tarelkalari 

va orindiqlarining, shesternyalarning, gaz taqsimlash vali tayanch bo’yinchalarining 

va  kulachoklarining  yeyilishi,  klapan  va  koromisla  orasidagi  tirqishning  buzilishi 

kiradi.  Ishdan  chiqishlarga  esa  klapan  prujinalari  elastikligining  yo’qolishi  va 

sinishi,  gaz  taqsimlash  shesternyasining  sinishi  va  klapanlarning  kuyishi  misol 

bo’ladi. 

Gaz taqsimlash mexanizmining shovqin bilan ishlashi, karbyuratordan alanga 

chiqishi va tutun so’ndirgichdan shovqin chiqishi nosozlik alomatlari hisoblanadi.