Dvigatel, transmissiyasi va yurish qismini diagnostika qilish

2.1-rasm. Transmissiyadagi aylana lyuftni aniqlaydigan K-428 asbobi 

 

Mexanik yuritmali ilashmalardagi tepkining erkin yo’lini rostlash (2.2- rasm) 

uchun tepki o’qining richagi hamda ajratish ayrisini tutashtirib turuvchi tortqining 

(2)  uzunligi  o’zgartiriladi.  Ko’pchilik  yuk  avtomobillarida  bunday  rostlash  ishlari 

tortqi yuritma detallaridan ajratmagan holda bajariladi, ya’ni tortqidagi gaykani (1) 

burashning o’zi kifoya qiladi. Bunda gayka bo’shatilsa tepkining erkin yo’li ortadi, 

qotirilsa erkin yo’li kamayadi. 

Gidroyuritmali  ilashish  muftasidagi  tepkining  erkin  vo’lini  rostlash 

yuqoridagilardan jiddiy farq qiladi. Chunki tepkining erkin yo’li asosiy silindrdagi 

porshenni, kompensatsiyalovchi teshikni berkitgunga qadar bosib o’tgan yo’lidan, 

asosiy  silindrdagi  porshen  va  turtkich  orasidagi  tirqishdan  hamda  ajratish 

podshipnigi  va  ilashmani  ajratuvchi  richag  uchlari  orasidagi  tirqishdan  iborat 

bo’ladi. 

Ilashish  muftasi  me’yoriy  ishlashi  uchun  ajratish  podshipnigi  va  ajratish 

richagi orasida 2,5-3 mm li tirqish, asosiy  silindr turtkichi va porshen orasida esa 

0,5-1,5 mm li tirqish bo’lishi kerak. Ko’rsatilgan tirqishlarga tepkining 32- 44 mm 

li  erkin  yo’li  mos  keladi.  Ilashish  muftasining  tepkisi  to’liq  bosilganda  ishchi 

silindrdagi turtkichning yo’li 23 mm dan kam bo’lmasligi lozim. Agar turtkichning 

yo’li  ko’rsatilgan  qiymatdan  kichik  bo’lsa,  ushbu  holat  tepki  erkin  yo’lining 

noto’g’ri  rostlanganligidan  yoki  gidroyuritma  tizimiga  havo  kirib  qolganligidan 

darak  beradi.  Bunday  vaziyatda  gidroyuritmadan  havoni  chiqarib  yuborish  yoki 

tepkining erkin yo’lini rostlash zarur.