Duragay gibiskus o’simligini ko’payish xususiyatlari

Duragay gibiskus o’simligini ko’payish xususiyatlari

Annotatsiya: maqolada duragay gibiskus o’simligi haqida ma’lumot,uning botanik tavsifi, qanday iqlim sharoitlarida tarqalganligi, uning turlari, gibiskusni uyda saqlash, parvarish qilish va ko’paytirish usullari, kimyoviy tarkibi, u haqda to’qilgan ko’plab afsonalar va insonlar uchun foydali xususiyatlari haqida ma’lumot beriladi.

Kalit so’zlar:duragay,marsh gibiskus, Suriya gibiskus, gibiskus arnotti, omad yoki o’lim guli, mineral moddalar,urug’, qalamcha, tuproq komasi.

Gibiskus malvalar oilasiga mansub o’simliklarning keng tarqalgan vakili. Bu gulning vatani janubiy Xitoy hisoblanadi. Tropik va subtropik mintaqalarda tarqalgan va bog’bonlar tomonidan qattiq kontinental iqlim sharoitlarida yetishtiriladi. Yovvoyi va xonaki sharoitlarda o’sadi. Ko’pincha bir yillik va ko’p yillik butalar, shuningdek yovvoyi tabiatda daraxt shaklida ham uchraydi. Tabiatda gibiskus o’simligining yigirma metr bakandlikda va besh metr kenglikka ega namunalari topilgan. O’simlikning uch 250 dan ortiq turi mavjud va bu o’simlik uzoq gullash davri bilan ajralib turadi.
Uyda gibiskus yetishtirish, umuman gul yetishtirish juda yoqimlidir. Bu yorug’likda yaxshi o’sadigan va tez-tez suv quyishni talab qilmaydigan juda oddiy o’simlik hisoblanadi.Gibiskus o’simligi qalamcha yoki urug’idan ko’paytiriladi. Doimiy yashil buta yaxshi parvarish bilan bir necha metrgacha o’sadi. O’simlikning poyasi yalong’och bo’lib, to’q yashil barg plastinkasi barglarda joylashgan. Turli xil katta yorqin rangli gullar diametri 25 sm ga yetadi. Niholning eng yaxshi salomatligi, doimiy o’sishi, gullashi uchun mo’l-ko’l sug’orish kerak. Sug’orishdan tashqari, barglarni nam mato bilan artib turish kerak. Biroq, ortiqcha sug’orish bilan shugu’llanmang. Agar suv tuvakda to’planib qolsa, bu ildizlarning chirishiga olib kelishi mumkin. Eng yaxshi sug’orish rejimi yozda har ikki kunda, qishda har to’rt kunda amalga oshirilishi kerak. Butaning uch yoshga to’lgunga qadar har yili ko’chirilishi, keyin esa har ikki-uch yilda bir marta ko’chirib o’tqizish lozim. Muhimi idish qanchalik qattiq bo’lsa, Xitoy atirgulining o’sishi sekinroq bo’ladi. Shu tarzda o’sish sur’atini tartibga solish mumkin. O’stirish uchun yengil va sodali tuproq mos keladi.