Dunyoga kelar ekanmiz, har doim biz o`zimiz xohlagan va orzu qilgan narsalarga

---

Dunyoga kelar ekanmiz, har doim biz o`zimiz xohlagan va orzu qilgan narsalarga 

intilib yashaymiz.Yoshlikdagi orzular kelajakda kim bo`lishimiz va bunga qanday 

erishishimiz haqida qayg`uramiz. Zamon o`zgarib borar ekan va ulg`ayib borar 

ekanmiz, maqsadlarimiz ham o`zgarib boradi. O`zim haqimda gapiradigan bo`lsam, 

mening ham juda ko`p orzularim bo`lgan. Nega  “bo`lgan” deganimni sababi, agar siz 

orzularingiz sari harakat qilmasangiz, aniq maqsad qo`yib unga intilmasangiz ular 

shunchaki, orzu bo`lib qolaveradi. O`z orzuimizga ershish yoki erishmaslik faqat o`z 

qo`limizda. Hamma qatori o`qishni oddiy maktabda boshladim. 2013-yili 4-sinfni 

tugatib, uzimizni tumanda joylashgan davlat ixtisoslashtirilgan maktab internatiga 

o`qishga kirdim. O`sha vaqtlarda men ilk muvaffaqiyatim bo`lgan edi, chunki biz 

tomonlarda letsiyga kirgan va o`qayotgan o`quvchiga boshqachada e`tibor berishardi. 

Bu menga qo`shimcha motivatsiya berardi. Aniq fanlarni va chet tilini chuqur 

o`zlashtira boshladim. Va yildan yilga maqsadimga erishish uchun ko`plab yo`llarni 

bosib o`tdim. 2020-yilda TATU ga kontrak asosida o`qishga qabul qilindim. Qayerga 

o`qiyotganimga kimgadir aytganimda , hamma menga “dasturchimisan?” 

“kompyuterchimisan?” “kompyuter ustasimisan?” shunga o`xshash ko`plab savollar 

berishardi. Vaholanki, men TATUda iqtisodiyot yo`nalishida o`qiyman. Menga 

dasturchilikni nima ekanligini tushunishga va uni o`rganishga ruhalantirgan  ham 

aynan TATU va shu savollarga qo`rqmasdan javob beraolish bo`ldi. Hayotda 

maqsadlarim juda ko`p. Iqtisodiyot fakultetida o`qiyotgan bo`lsam ham, faqat 

iqtisodchi bo`lishni emas ,balki  yetuk dasturchi bo`lishni ham maqsad qilib quydim. 

Hozirgi 21 asrda hamma narsaning yechimi dasturlashga borib taqaladi. Va bu meni 

kelajakda muvaffaqiyatli dasturchi bo`lishga undaydi. 

PDP IT akademiyasi taklif etayotgan “UNICORN” granti juda ham muvaffaqiyatli 

loyihalardan biri bo`ladi deb o`ylayman. Chunki har tomonlama berilayotgan ishonch 

va keng imkoniyatlar yoshlarga katta turtki beradi deb hisoblayman. Men ushbu 

grantdan foydalanib, dasturlash sohasini jiddiy o`rganmoqchiman. Ushbu grantning 

yana bir asosiy sabablaridan biri bu grantning moliyaviy tomoni. Hammaga 

ma`lumki, talab yuqori bo`lgan sohani o`rganish ma’lum darajada moliyaviy mablag` 

kerak. Grantda esa bu faktor hisobga olinganligi ayni muddao. 

Agar shu grantni qo`lga kiritsam va kursni muvaffaqiyatli tamomlasam, xorijiy yoki 

yirik mahalliy kompaniyalarda faoliyat olib bormoqchiman. Faoliyatimni dastlabki 

yillarini ko`proq amaliy loyihalarga yo`naltirib ko`proq tajriba orttirmoqchiman. Va 

albatta FAANG kompaniyalariga ishga kirish uchun hamma skillarimni rivojlantirib 

portfolioimni boyitmoqchiman. Kelajakda esa oldin aytganimdek, faqat dasturchilik 

bilan ya’ni faqat kod yozish bilan band bo`lmoqchi emasman, balki tijorat sohasida 

ham uzimni sinab ko`raman.