Dunyo tillari tizimida o‘zbek tilining tutgan o‘rni hozirgi kunda yer yuzida o‘n milliarddan ko‘proq

LEKSIKOLOGIYA
Ma’lum bir tildagi so‘zlar yig‘indisi shu tilning lug‘at tarkibini tashkil qiladi.

Leksika atamasi ikki ma’noda qo‘llaniladi:

a) tilning lug‘at tarkibi, so‘zlar yig‘indisi;

b) lug‘at tarkibini o‘rganuvchi tilshunoslikning alohida bo‘limi.

Leksika atamasining ikkinchi ma’nosi uchun leksikologiya atamasi ham qo‘llaniladi.

Yunoncha “lexikos” – “lug’at”, “logos” – “ta’limot” – so’z ma’nolari haqidagi fandir. So’zning lug’aviy ma’nosi, lug’aviy ma’no turi, so’zning shakl va ma’no munosabati, lug’at tarkibidagi faol va nofaol so’z, tarixiy jihatdan o’zbek tili leksikasi, so’zning hissiy va uslubiy xususiyati kabilarni o’rganadi.

SO‘Z VA LEKSEMA
So‘zning ikki tomoni: moddiy tomoni (tovush yoki harflar ketma-ketligi) va ma’no tomoni mavjud. Ma’lum ma’no bilan bog‘langan va morfologik shakllangan tovush yoki tovushlar birikmasi so‘z sanaladi. So‘z ikki xil ma’no bildiradi: leksik(atash) va grammatik

Leksik ma’no – “opa” so’zini eshitganimizda uni tinglovchiga bizdan katta qarindosh, ayol jinsiga mansub, ota-onaning qizi ekanligini ayta olamiz. Mana shu hayot tajribalari vositasida so’z ma’nosini izohlay bilishimiz bu uning leksik(atash) ma’nosidir.