Dunyo mo’jizalari yetti mo‘jiza

DUNYO MO’JIZALARI

Yetti mo‘jiza — qadimgi dunyoda mashhur boʻlgan meʼmorlik va haykaltaroshlik obidalari. Ulkanligi, katta mahorat bilan yaratilgani, jozibadorligi tufayli asrlar mobaynida "Dunyoning yetti moʻjizasi" hisoblangan: 1) Misr ehromlari — yoʻnib tayyorlangan katta toshlardan piramida shaklida qurilgan qad. misr firʼavnlarining maqbaralari (mil. av. 2—3-ming yilliklar). Ularning eng yirigi — Xeops ehromi (bal. 146,6 m, asosi 233X233 m)ning har biri 2,5 t lik 2300000 blok bilan (baʼzi qismlarida 30 t lik bloklar ham bor) 30 y. mobaynida qurilgan, goʻrxonadan tashqari ikki qavatli ibodatxonasi ham bor; 2) "Semiramida osma bogʻlari" — Ossuriya malikasi Semiramida (Shammuramat) Bobilga maxsus inshootlar qurdirib bunyod etgan (mil. av. 6-asr); 3) Rodos o.dagi Artemida ibodatxonasi (taxminan mil. av. 550 y.); 4) Zevsning Yunonistonning Olimpiya sh.dagi ulkan haykali (taxminan mil. av. 430 y., haykaltarosh Fidiy oltin va fil suyagidan ishlagan); 5) Rodos o. koʻrfazidagi yunonlarning quyosh maʼbudi Gelios haykali (taxminan mil. av. 292—280 y., haykaltarosh Haros misdan ishlagan); 6) Kariya shohi Mavsol (mavzoley uning nomidan) oʻzi uchun qurgan Galikarnas (hoz. Turkiya hududi)dagi maqbara — monument (taxminan mil. av. 377— 352 y.); 7) Iskandariya (Aleksandriya) sh.dagi ulkan mayoq (taxminan mil. av. 280 y., meʼmori Sostrat). Ye.m. dan faqat Misr exromlari deyarli butun holda saqlangan, baʼzilari (Artemida ibodatxonasi, Galikarnasdagi Mavsol maqbarasi)ning ayrim boʻlaklaridan, qolganlari qadimiy yozma manbalardangina maʼlum.

Dunyoning yangi yetti moʻjizasi unvoniga nomzodlar

• 
  Afina Akropoli, Afina, Yunoniston;
  
• 
  Algambra, Granada, Ispaniya;
  
• 
  Angkor, Kamboja;
  
• 
  Chichen Itsa ehromi, Yukatan yarim oroli, Meksika;
  
• 
  Isoning haykali, Rio de Janeyro, Braziliya;
  
• 
  Kolizey, Rim, Italiya;
  
• 
  Moai, Pasha oroli;
  
• 
  Eyfel minorasi, Parij, Fransiya;
  
• 
  Buyuk Xitoy devori, Xitoy;
  
• 
  Aya Sofiya, Istanbul, Turkiya;
  
• 
  Kiyomidzu dera ibodatxonasi, Kioto, Yaponiya;
  
• 
  Moskva Kremli va Qizil maydon, Moskva, Rossiya;
  
• 
  Machu Pikchu, Peru;
  
• 
  Noyshvanshtayn, Fyussen, Olmoniya;
  
• 
  Petra, Iordaniya;
  
• 
  Gizadagi ehromlar, Misr;
  
• 
  Ozodlik haykali, Nyu York, AQSh;
  
• 
  Stounhenj, Amesberi, Buyuk Britaniya;
  
• 
  Sidney opera teatri, Sidney, Avstraliya;
  
• 
  Toj Mahal, Agra, Hindiston;
  
• 
  Timbuktu, Mali.