Dunyo miqyosida sellyuloza asosidagi kompozitsion polimer materiallar

---

Kirish 
 
Dunyo miqyosida sellyuloza asosidagi kompozitsion polimer materiallar 
hamda qogʻoz va qogʻoz mahsulotlarga boʻlgan taʼlab tobora ortib bormoqda. 
Organik va noorganik tolalar asosida kompozitsion materiallar olish, qogʻoz va 
qogʻoz mahsulotlari tarkibidagi chetdan keltiriladigan ingradiyentlarni 
mahalliylashtirish, ularni qoʻllanilish sohalarini oʻrganish, texnologiyalarini yaratish 
hamda amaliyotga qoʻllash muhim vazifalardan biri boʻlib qolmoqda. 
Jahonda tabiiy polimerlar asosida yangi qogʻoz kompozitsiyalarni yaratish, ular 
assortimentlarini faqatgina oʻsimlik tolalaridan emas balki, noanʼanaviy tolalardan 
foydalangan xolda noyob va kamyob xususiyatga ega boʻlgan mahsulotlarni qoʻllash 
sohalarini kengaytirish, bu sohadagi ustuvor yoʻnalishlarga anʼanaviy qogʻoz ishlab 
chiqarish va mavjud uskunalar asosida mineral tolalardan qogʻoz kabi materiallar 
ishlab chiqarish boʻyicha intensiv ravishda ilmiy-tadqiqotlar olib borilmoqda.
Respublikamizda oxirgi yillarda kimyo sanoati korxonalarini modernizatsiya 
qilish, raqobatbardosh mahsulotlar turlari va hajmining kengaytirish, mahalliy 
xomashyolar asosida qogʻoz va qogʻoz mahsulotlari ishlab chiqarish 
texnologiyalarini rivojlantirish boʻyicha maʼlum natijalarga erishilmoqda. 
Oʻzbekiston Respublikasini yanada rivojlantirish boʻyicha Harakatlar strategiyasida 
“sanoatni sifat jihatdan yangi bosqichga koʻtarish, mahalliy xom ashyo manbalarini 
chuqur qayta ishlash, tayyor mahsulotlar ishlab chiqarishni jadallashtirish, yangi 
turdagi mahsulotlar va texnologiyalarni oʻzlashtirish” vazifalari belgilab berilgan. 
Bu borada tabiiy polimerlar asosida samarali polimer kompozitsion materiallar
yaratish, ular asosida yuqori termik, kimyoviy va biologik barqarorlik, 
izolyatsiyalash xususiyatlarga ega qogʻoz va qogʻoz mahsulotlar ishlab chiqarish 
texnologiyalarini va tarkibini yaratish boʻyicha ilmiy tadqiqotlar olib borish 
dolzarbdir.