Дўстов Ҳ. Б. Коррозиядан ҳимоя қилиш

7.11-расм. Алюминий учун 24 соатда 
коррозия тезлигининг – (1) ва электрод 
потенциалининг хлоридли эритма рН 
ига боғлиқлиги

---

177 
жиҳозлар тайёрланади. Формалдегид эритмаларини ажратиш учун 
алюминийдан тайёрланган колонналар 0,01 дан 0,05 МПа гача бўлган босим 
интервалида ишлайди. Катта босим остида ишлайдиган аппаратлар учун 
легирланган қотишмалар (таркиби % ларда) 3,5 Mg; 0,25 Сr; 0,1 Сu; 0,1 Мn; 0,2 
Zn; 0,45 Fe + Si қўлланилади. Бундай қотишмаларнинг хизмат қилиш муддати 
соф алюминийники каби 10 йил сифатида баҳоланади. 
Газ муҳитларидаги олтингугуртли бирикмалар алюминийга таъсир 
қилмайди. Шу сабабли алюминий каучук вулканизациялаш ва олтингугуртли 
нефтларни қайта ишлаш аппаратларини ясашда ишлатилади. Қуруқ водород 
хлориди ва газ ҳолидаги NH
3 
ҳам
алюминийга таъсир қилмайди.
Алюминий сиртидаги ҳимоя плёнкаси ишқорли муҳитларда эриганлиги 
боис бундай шароитларда коррозия водород деполяризацияси орқали амалга 
ошади. 
Алюминийнинг коррозион бардошлилиги кўп ҳолларда унинг таркиби-
даги аралашмаларга боғлиқ. Кимё саноатида ишлатиладиган қурилма ва 
жиҳозлар, плакирланган материаллар тайёрлашда максимал коррозион 
бардошлилика эга бўлган юқори даражадаги соф алюминийдан фойдаланиш 
зарур. Масалан таркибидаги алюминийнинг миқдори 99,90 % ва 99,85 % 
бўлган АВ1 АВ2 маркали ёки жуда юқори талаблар қўйилмаган ҳолларда 
алюминийнинг миқдори 99,7 % ва 99,6 % бўлган А00 ва АО маркаларидан 
фойдаланиш тавсия этилади. 
Алюминий қотишмалари
 – дюралюминлар
қуйидаги таркибга эга: 
(2,0-7,0)% Сu; (0,4-1,8)% Mg; (0,3-0,9)% Мn (маркалар Д1, Д6, Д8, Д16, Д20). 
Дюралюминий юқори механик мустаҳкамликка ва паст коррозион 
бардошлиликка эга. Уни соф алюминий билан плакирлаш орқали кимёвий 
саноатда ишлатиш мумкин. 
Алюминий қотишмалари