Дўстов Ҳ. Б. Коррозиядан ҳимоя қилиш

7.2-расм. Турли металлар учун эриш тезлигининг потенциалга боғлиқлиги 
1–темир; 2–хром; 3–никел. Эритма 1 н. H
2
SO
4
, хона ҳароратида. 
Хромнинг пассивлиги унинг сиртида ҳосил бўладиган Cr
2
O
3 
оксид 
қатлами билан таъминланади. 
Темир ва хром ҳажмий марказлашган бир хил кристалл панжара 
тузилишига эга бўлиб, панжара параметрлари ҳам бир-бирига жуда яқинлиги 
сабабли улар узлуксиз қатор қаттиқ эритмалар ҳосил қилади. Қаттиқ фазалар 
кўпинча α-фаза (феррит) кўринишида бўлади. Хромнинг миқдори 11,5 – 12 % 

---

160 
бўлган 865-1400 °С дан юқори бўлмаган ҳароратли муҳитларда γ-фаза 
(аустенит) ҳосил бўлади. Хромнинг концентрацияси 20–75 % бўлганда 800-
850 °С дан юқори бўлмаган ҳароратларда Fe-Cr интерметалл бирикма 
ҳисобланган σ-фаза ҳосил бўлишини кузатиш мумкин (7.3-расм). 
Fe-Cr системасида Тамман қоидаси ўринли бўлади. Бу қоидага кўра, 
нодир ёки коррозияга чидамли атомларнинг қотишмадаги ҳиссаси 
n
/8 га тенг 
бўлганда (бунда
n 
= 1, 2, 3, 4, 6 – бутун сонлар) қотишма чидамлилигининг 
сакраб ортиши кузатилади. 
7.3-расм. Fe-Cr системасининг ҳолат диаграммаси 
Таркибида 11,8 масс.% Сr бўлган темир-хром қотишмаларининг қаттиқ 
эритмаси панжарасида 1/8 ҳисса Сr атомлари бўлади. Бунда совуқ HNO
3 
қўшилган эритмада қотишманинг мустаҳкамлигини характерловчи биринчи 

---

161 
чидамлилик чегараси ҳосил бўлади. Қотишмадаги хромнинг атом ҳиссаси 2/8 
га мос келадиган 23,7 масс. % Сr ли таркибда қайноқ HNO
3 
қўшилган эритмада 
қотишманинг мустаҳкамлигини характерловчи иккинчи чидамлилик чегараси 
пайдо бўлади. Қотишмадаги хромнинг атом ҳиссаси тахминан 3/8 га мос 
келадиган 35,8 масс. % Сr ли таркибда эса актив муҳитларда ҳам чидамлилик 
чегараси юзага келади.
Темирга хромнинг қўшилиши Fe–Cr қотишмаларининг пассивланиш 
хоссасини яхшилайди, унинг коррозион бардошлилигини оширади. 
Қўшиладиган хромнинг концентрацияси 12 % га етганда қотишмалар 
пассивланиш критик потенциалининг соф хромнинг критик Е
кр 
потенциали 
қийматигача манфий томонга силжиши кузатилади (7.4-расм). Хромнинг 
бундай миқдорда бўлиши пассивланиш критик токининг кескин сакраш билан 
пасайишига олиб келади, яъни металлнинг эриш тезлиги камаяди (7.5-расм).
Темирга 12 % хромнинг қўшилиши Fe–Cr қотишмаларининг питтинг 
коррозиясига бардошлилигини етарлича оширади (7.6-расм). Графикдан 
кўринадики, хромнинг концентрацияни 17% гача оширганда қотишманинг 
питтинг коррозиясига бардошлилиги иккинчи марта кескин ортади. 40% дан 
ортиқ хром қўшилган қотишмалар худди соф хромга ўхшаб сувли муҳитларда 
умуман питтинг коррозиясига учрамайди.
Fe–Cr қотишмаларида хромнинг миқдори 12 % га етиши билан улар 
коррозиябардошлилигининг сакраб ортиши бундай концентрацияда пассив-
лаштирувчи плёнка таркиби ва хоссаларининг ўзгариши орқали изоҳланади.