Дўстов Ҳ. Б. Коррозиядан ҳимоя қилиш

5.1.3. Тирқиш коррозияси ва
конструктив факторларнинг
бу турдаги коорозияга таъсири.
Конструкцияларда ингичка тирқишлар, зазорлар, жуда кичик ўлчамли 
оралиқлар бўлганда ёки металл материал микротирқишлар ва микроёпиқлар 
кўринишидаги технологик деффектларга эга бўлган ҳолларда тирқиш 
коррозияси кузатилади (5.2-расм). Кўп ҳолларда кўрсатилган дефектларда 
коррозион питтингларнинг ривожланиши оқибатида тирқиш коррозияси 
бошланади. 
Тирқиш коррозиясининг жадаллашуви тирқиш ва зазорлардаги эритма 
хоссаларининг ўзгаришига олиб келади — вақт ўтиши билан у оксидланади, 
агрессив анионларга янада бойийди. Бундай коррозияга кўпгина металлар ва 
металл буюмлар маҳкумдирлар.
Агар буюмнинг асосий юзасида кислород деполяризацияси орқали 
кечадиган бўлса, тирқиш ва зазорлар жойларига кислород етиб боришининг 
диффузион қийинчилиги сабабли у ердаги эритмада кислород танқислиги
 
 
5.2-расм. 
Тирқишли 
коррозия 
авж 
оладиган (стрелкалар билан кўрсатилган) 
жойларнинг схематик кўриниши. 
П – изоляцияловчи қоплама; Г – газ пуфаги; 
О – ингичка тешик; В – шайба, фланц, 
прокладкали резбали бирикма; М – металл 
буюм билан эритманинг туташ чегараси;
вужудга келади. Бу пассив ҳолатда бўлган жиҳозлар коррозиясини, айниқса 
зангламайдиган 
пўлатдан 
тайёрланган 
кимё 
саноати 
жиҳозлари 
коррозиясинини ўрганишда жуда муҳимдир. Эритмадаги кислород 
концентрациясини камайтириш орқали катод реакциясининг тезлигини 
камайтириш – металлнинг фаол ҳолатга ўтишига, яъни металл эриш 
тезлигининг кескин ортишига (бир неча тартибга) сабаб бўлиши мумкин. 
Пўлатларнинг легирланганлик даражаси ортиши билан уларнинг тирқиш 
коррозиясига мойиллиги камаяди бироқ, питтинг коррозияси ҳолидагидек, 
таркиби бир русумли пўлатлар локал коррозиянинг кўрилаётган турига 
нисбатан кескин фарқ қиладиган турлича чидамлиликни намоён қилиши 
мумкин. Энг чидамли материаллар қаторига таркибида кўп миқдордаги хром, 
никел ва молибден бўлган суперқотишмалар, шунингдек никел асосидаги 
қотишмалар киради. 

---

111