Дўстов Ҳ. Б. Коррозиядан ҳимоя қилиш

Тўртинчи бобга тегишли мустақил таълим мавзулари 
1. Қўш электр қаватининг моҳияти ва унинг коррозия жараёнларига 
таъсирини изоҳланг. 
2. Қўш электр қаватининг металл-эритма чегарасидаги потенциалнинг 
сакрашидаги роли ва унинг электрод жараёнлари кинетикасига таъсири.
3. Электрод жараёнлари термодинамикасининг қонуниятлари.
4. Коррозия жараёнлари амалга ошишининг термодинамик шарти.
5. Электрокимёвий кинетиканинг асосий қонуниятлари. 
6. Концентрацион қутбланиш ва диффузиянинг чегаравий токи. 
7. Секинлашган разряд – ионизация босқичли электрод реакцияларининг 
асосий тенгламасини таҳлил қилинг.
8. Тафел тенгламаси ва унда қатнашувчи «
а
» ва «
b
» доимийларнинг физикавий 
маъноларини очиб беринг. 
9. Коррозия жараёнларининг асосий характеристикалари. Биргаликда 
борувчи реакциялар. 
10. Водород
ва кислород деполяризацияси билан борадиган коррозия 
жараёнлари.
11. Металлар ионизациясининг анод реакцияси. 
12. Коррозия жараёнлари реакцияларининг асосий босқичлари. 
13. Актив ҳолатдаги металлнинг эришидаги қонуниятлар. 
14. Коррозия жараёнларидаги назорат турлари.
15. Коррозия диаграммасини қуришдаги асосий тамойиллар. 
16. Пассив соҳада металлнинг ўзини тутиши. 
17. Металлни пассивлаштириш тамойиллари. 
18. Металлни пассив ҳолатга ўтказиш усуллари. 

---

102 
II ҚИСМ 
 
 
КОРРОЗИЯ КЎРИНИШЛАРИ.
 
 
КОНСТРУКТИВ ФАКТОРЛАРНИНГ МАШИНА 
ВА ЖИҲОЗЛАРДАГИ КОРРОЗИОН 
ЕМИРИЛИШНИНГ РИВОЖЛАНИШИГА ТАЪСИРИ 
 
«Материалларнинг кимёвий қаршилиги» тушунчаси материалларнинг 
ташқи муҳит билан таъсирлашиши натижасида борадиган кенг доирадаги 
ҳодисаларни қамраб олади. Коррозиянинг энг оддий кўриниши — металл 
сиртининг текис емирилиши. Бироқ, одатда турли қисмлардаги коррозия озми 
ёки кўпми барибир нотекис бўлиб чиқади. Масалан, нуқтавий коррозия ҳолида 
деярли шикастланмаган сирт фонида кўзга кўринмайдиган, деворларни тешиб 
ўтувчи ва аппаратларни ишдан чиқарувчи чуқур нуқтавий нуқсонлар — 
питтинглар катта тезлик билан ривожлана бошлайди. Баъзан металлар 
коррозияси «пичоқли» ёки «ариқчали» характерга эга бўлади: пайвандланган 
чоклар бўйлаб узун, чуқур ариқчалар ҳосил бўлади.
Кўп ҳолларда энг аввал металл доналарининг чегараси емирила 
бошлайди, доналар ўртасидаги боғланиш заифлашади ва булар ўз навбатида 
металл механик хоссаларининг кескин ёмонлашувига ҳамда жиҳозларнинг 
ёрилишига олиб келиши мумкин. Коррозиянинг бу кўриниши кристаллараро 
коррозия (КАК) дейилади. Агарда жиҳоз динамик ва механик юклама остида 
турган бўлса ёрилиш ёки синиб кетиш хавфи янада юқори юўлади. Баъзи 
ҳолларда муҳитнинг таъсири материал таркиби ва хоссаларининг чуқур 
ўзгаришига олиб келади. Масалан, водород миқдорининг ортиб кетиши 
(гидрогенация), углеродсизланиш, азотланиш — бундай ҳодисалар газ 
коррозиясида тез-тез учраб туради. 
Коррози жараёнлари ва ҳодисаларининг хилма-хиллиги уларни ўрганиш 
жараёнида синфларга ажратиш ва тизимлаштиришни тақозо қилади.