Dori vositalarining sanoat texnologiyasi

O’rtacha og’irlik va massaning bir xil tarqalganligi.
20 ta flakondagi modda massasi 
aniqlanadi. O’rtacha og’irlik va massaning bir xil tarqalganligi aniqlanadi. 
1 ta flakondagi modda og’irligining o’rtacha og’irlikdan farqlanishi ±5% dan oshmasligi 
kerak. 
Eritmaning tiniqligi. Preparatni inyeksiya uchun suvdagi 10% li eritmasi inyeksiya uchun suv 
bilan solishtirilganda tiniq bo’lishi kerak.
Preparatning 10 ml 10% li eritmasiga 1 ml muzlatilgan sirka kislotasi qo’shilganda, yangi 
tayyorlangan eritma tiniq bo’lishi kerak. 

---

157 
Eritmaning tiniqlik va loyqalik darajasini aniqlash uchun yassi tubli, ichki diametri 15 mm 
dan 25 mm gacha bo’lgan, rangsiz, shaffof neytral shishadan yasalgan bir xil lrobirkalar olinadi. 40 
mm qatlamli tekshiriluvchi eritmani 40 mm qatlamli yangi tayyorlangan etalon bilan solishtiriladi. 
Eritmalarni solishtirish sochiluvchi kun yorug’ligida etalon eritmasi tayyorlanganidan 5 daqiqa 
o’tganidan so’ng, qora fonda namunalarga tik o’q bo’yicha qaragan holda aniqlanadi. Nurning 
sochiluvchanligi shunday bo’lishi kerakki, I etalon suvdan, II etalon esa I etalondan oson farqlanishi 
kerak. 
Tekshiriluvchi eritmani tiniqligi suvdan kam bo’lmasa yoki etalon I dan loyqaligi yuqori 
bo’lmasa tiniq deb hisoblanadi. 
I etalonni tayyorlash. 
5,0 ml asosiy suspenziyani 95,0 ml suv bilan aralashtiriladi va ishlatishdan avval 
chayqatiladi. 
Gidrazin sulfat eritmasi.
1,0 g gidrazin sulfatni suvda eritiladi va hajmi suv bilan 100,0 ml ga yetkaziladi, eritmani 4-6 
soatga qoldiriladi. 
Geksametilentetramin eritmasi. 
2,5 g geksametilentetraminni qopqog’i zich yopiladigan 100 ml hajmli kolbaga solib, 25 ml 
suv bilan eritiladi. 
Dastlabki suspenziya. 
25,0 ml gidrazin sulfat erritmasiga tayyorlangan geksametilentetramin eritmasini qo’shib, 
aralashtiriladi va 24 soatga qoldiriladi. Suspenziya tashqi nuqsonga ega bo’lmagan shisha idishlarda 
2 oy davomida saqlanishi mumkin. Suspenziya idish devoriga yopishib qolmasligi va ishlatishdan 
oldin yaxshilab chayqatilishi kerak. 
Asosiy suspenziya. 
15,0 ml boshlang’ich suspenziyani hajmi 1000,0 ml bo’lgan kolbaga solinadi va suv bilan 
belgisigacha yetkaziladi. Asosiy suspenziyaning yaroqlilik muddati 24 soat.