Донишкадаи илмиву тадқИҚотии омӯзиши муаммоҳо ва муайян кардани истиқболи таълими халқ ба номи а. Авлонӣ

---

ДОНИШКАДАИ ИЛМИВУ ТАДҚИҚОТИИ ОМӮЗИШИ 
МУАММОҲО ВА МУАЙЯН КАРДАНИ ИСТИҚБОЛИ 
ТАЪЛИМИ ХАЛҚ БА НОМИ А.АВЛОНӢ 
 
ЛОИҲАИ “РИВОҶДИҲИИ КАСБИИ
БЕФОСИЛА – 2022” 
Оид ба модули
Навгониҳои фан, масъалаҳои асосии таълими фан 
 
Матни маърӯзаи курси таълимии
“Роҳҳои баланд бардоштани саводомӯзии забони модарӣ ва хониш дар 
синфҳои ибтидоӣ” оид ба мавзӯи
 
“Роҳҳои ба ҳуснихат омӯзондани хонандагони синфҳои 1-ум” 
 
 
 
 
 
Тошканд-2022 

---

Мавзӯи 2-юм. Роҳҳои ба ҳуснихат омӯзондани хонандагони синфи 1-ум 
Нақша: 
1. Мақсад ва вазифаҳои фанни ҳуснихат 
2. Асосҳои графикии таълими ҳуснихат 
3. Талаботи гигиении дарсҳои ҳуснихат
4. Шартҳои методии таълими ҳуснихат 
Ҳуснихат - санъати хушнависӣ буда, дар синфҳои ибтидоӣ методикаи 
таълими ҳуснихат дар хонандагон имконияти тез, бехато ва зебо навиштанро 
ҳосил кардан аст. Навиштан дар ҳаёти инсон аҳамияти педагогӣ ва иҷтимоӣ 
дорад.
Фанни ҳуснихат – фанни амалӣ буда, баробари хушнависӣ, вазифаҳои 
хонондан ва тарбия карданро низ иҷро мекунад.
-Бо ҳуснихат навиштан дар хонандагон маданияти меҳнатро ташаккул 
медиҳад. Маҳорати супоришҳоро бо маданият, тез ва тоза иҷро карданиро ҳосил 
мекунад.
-Муносибати беэътиборонаи хонанда ба дастхат ғалатҳои имлоиро ба миён 
меорад. Дар натиҷа хонандагон ба ғалатҳои худ эътибор надода мемонанд ва 
бесавод мешаванд.
- Бо ҳуснихат навиштан аҳамияти иҷтимоӣ касб карда, дар навиштани 
ҳуҷҷатҳои расмӣ аксарият ба он эҳтиёҷ дорад. Хонанда барои хондани хате, ки 
бо ҳуснихат навишта нашудааст, вақти бисёр сарф мекунад. Ва ҳол он ки 
омӯзгор дар як рӯз дафтари як чанд хонандаро месанҷад. Аз ин рӯ, хате, ки бо 
ғалатҳо ва хунук навишта шудаат, омӯзгор ба он вақти бисёр сарф мекунад. 
Дастхате, ки аниқ ва равон навишта шудааст, кори омӯзгорро сабук месозад ва 
барои ба амал баровардани мақсадҳои баъдина имконият медиҳад.
Ба ҳуснихат омӯзондан баробари қоидаҳои дидактикии умумӣ қоидаҳое, 
ки малакаи навиштанро ташаккул медиҳад, ба дохили худ мегирад.

---