Договор страхования транспортного средства выставляемого в залог

2.10. Шартсиз франшиза – муайян сумма бўлиб, унинг доирасида Суғурталовчи суғурта қопламасини тўлаш бўйича мажбуриятларга эга бўлмайди. Кўрсатилган франшиза суммаси тўланиши керак бўлган суғурта қопламаси суммасидан айириб қолинади.
2.11. Суғурта қилинган транспорт воситаси – мазкур Шартномага 1-Иловада кўрсатилган ва лизингга бериладиган ишлаб чиқарувчи завод комплектациясидаги транспорт воситаси (қуйида – “суғурта қилинган ТВ” ёки “ТВ”).
2.12. Ҳайдовчи –транспорт воситасини бошқариш ҳуқуқини берувчи рухсат этилган тоифага эга ҳайдовчилик гувоҳномасига, ҳамда Ўзбекистон Республикасининг амалдаги қонунчилигига мувофиқ расмийлаштирилган суғурта қилинган ТВни бошқаришга ёзма рухсатнома (ишончнома ва/ёки йўл варағи)га эга бўлган шахс.
2.13. Суғурта шартномасининг амал қилиш даври – суғурта шартномаси амал қиладиган давр.
2.14. Суғурта даври – суғурта полисида кўрсатилган давр. Мазкур Шартнома билан шартланган суғурта, суғурта шартномаси кучга кирганидан кейин юз берган суғурта ҳодисаларига татбиқ этилади ва суғурта полисида кўрсатилган суғурта даври давомида амал қилади.
2.15. Географик зона – Суғурта полиси амал қиладиган ҳудуд. Мазкур Шартнома бўйича, агар қўшимча равишда бошқаси келишилмаган бўлса, Ўзбекистон Республикаси Географик зона ҳисобланади.
2.16. Учинчи шахсларнинг ғайриқонуний ҳаракатлари – ТВни ёки унинг алоҳида қисмларини ёқиб юбориш, синдириш, бузиш, ўғирлаш оқибатида ҳамда учинчи шахсларнинг қонунга тўғри келмайдиган / ғайриқонуний / ноқонуний ҳаракатлари натижасида суғурта қилинган ТВнинг йўқотилиши ёки шикастланиши.
2.17. Учинчи шахслар – Суғурта қилдирувчи/Наф олувчи/Ҳайдовчидан ташқари исталган шахс.
2.18. Йўл-транспорт ҳодисаси – транспорт воситаси йўлда ҳаракатланиши жараёнида юзага келган, оқибатда фуқароларнинг ўлими юз берган ёки уларнинг соғлиғига зарар етказган, транспорт воситалари, иншоотлари, юклар шикастланган ёки бошқа моддий зарар етказган воқеа.
2.19. Товар кўринишининг йўқотилиши – мазкур кичик бўлимда тилга олинган суғурта ҳодисаси натижасида ҳамда об-ҳаво ва/ёки доимий таъсир қилувчи омиллар натижасида олинган шикастланишларни бартараф этиш мақсадида таъмирлаш-тиклаш ишларини бажариш натижасида юз берган суғурта қилинган ТВ ҳақиқий қийматининг камайишини ва/ёки бошқа зарарни билдиради.