Djumayeva n

Izohlash, tushuntirish - og’zaki izoh, yoritilishi lozim bo`lgan turli materiallarni izohlash, isbotlash, tahlil qilish.

Individuallik - shaxsning betakror biosotsiologik xususiyatlari.

Intellekt (aql) - shaxsning turli faoliyat turlarini muvaffaqiyat bilan o`zlashtirishini belgilaydigan tug’ma va o`zlashma barcha aqliy qobiliyatlar to`plami.

Ishontira olish - axborot oqimining shaxs tomonidan tanqiddan holi, erkin ravishda o`zlashishiga erishishni ko`zlagan ruhiy ta’sir etish uslubiyoti.

Ishonch hosil qilish - shaxsning muayyan qoida va talablarini ongli ravishda o`zlashtirish vositasida tarbiyalash uslubiyoti. Tegishli ma’lumotlar va dalillarga asoslanib, shaxsning o`z hukmi va xulosalari to`g’riligiga ishonchni yuzaga keltirish jarayoni va natijalari.

Innovatsiya - lotincha so`z bo`lib, “yangilik kiritaman” ma’nosini bildiradi.

Institut - lotincha so`z bo`lib, “mahkama”, “idora” ma’nosini bildiradi, oliy ma’lumot beruvchi muassasa.

Interfaol - inglizcha so`z bo`lib, “o`zaro ta’sir” ma’nosini bildiradi. Biror faoliyat yoki muammoni o`zaro muloqatda, o`zaro bahs-munozara usulida, fikrlashishida hamjihatlik bilan hal etish ma’nosini anglatadi.