Диссертация мавзусининг асосланиши ва унинг долзарблиги

Тадқиқотнинг асосий масалалари ва фаразлари. Тадқиқот ишининг фарази, - бўлиб, давлат статистика қўмитасида ахборот-коммуникация технологияларидан фойдаланган ҳолда инфляция даражасини ҳисоблаш жараёнлари ва услубларини тадқиқ қилиш асос бўлади. Тадқиқот бўйича қисқача адабиётлар таҳлили. Мазкур масаланинг айрим жиҳатлари республикамизнинг қатор йирик олимлари, шулар жумласидан С.С. Ғуломов, Р.Х. Алимов, Б.Ю. Ходиев Б.А. Бегалов, Р.Х. Жўраев, Б.К.Ғоибназаров, И.Е.Жуковская, Ш.Ў.Джанадилов, О.С.Умаров, Ш.Ғ.Одилов ишларини ажратиб кўрсатиш мумкин. Бироқ бу муаммонинг қатор жиҳатлари етарлича ишлаб чиқилмаган. Жумладан, давлат статистика қўмитасида ахборот-коммуникация технологиялари ёрдамида инфляция даражасини ҳисоблаш жараёнларини такомиллаштириш, иқтисодиёт ва тадбиркорлик соҳасида статистик маълумотлар ёрдамида ижтимоий-иқтисодий жараёнлар ва ҳодисалар ривожланишининг доимийлиги, содир бўлиш ўрни, вақти ва муайян шароитларнинг ўзаро боғлиқлигини аниқлаш ва баҳолаш усуллари ҳамда электрон кўринишдаги инфляция даражасини ҳисоблаш ва инфляция бўйича давлат статистика ҳисоботларини йиғиш масалалари тадқиқ этилмаган.
Тадқиқотда қўлланилган услубларнинг қисқача тавсифи. Илмий изланишнинг назарий ва услубий асосларини Ўзбекистон Республикаси қонунлари ва меъёрий ҳужжатлари, Ўзбекистон Республикаси Президентининг Фармонлари, Ўзбекистон Республикаси Вазирлар Маҳкамасининг қарорлари, Ўзбекистон Республикаси ахборот агентлиги, Ўзбекистон Республикаси Давлат Статистика Қўмитаси меъёрий ҳужжатлари ва маълумотлари, мамлакатимиз ва хорижлик иқтисодчи олимларнинг асарлари, шунингдек, Интернет ресурслари ташкил қилади.
Тадқиқот натижаларининг назарий ва амалий аҳамияти Ўзбекистон Республикаси Давлат статистика қўмитаси томонидан инфляция даражасини хисоблашда ахборот-коммуникация технологияларини жорий қилиш ва ривожлантириш жараёнлари ишлаб чиқишдан иборат.
Жумладан, инфляция даражасини янада пасайтириш борасидаги чора-тадбирларнинг амалга оширилиши аҳоли турмуш даражасини яхшилаш ва барқарор иқтисодий ўсиш учун шароитлар яратишга қаратилган иқтисодий ислоҳотлар самарадорлигини таъминлашда қўлланилиши мумкин.