Диссертация илмий раҳбар: т ф. д. Э. Р. Тураев Тошкент-2021 йил. Мундарижа

Тадқиқот натижаларининг жорий қилиниши.
Полимерларни шиша ва базалть тола ёрдамида физик-механик хоссаларини модификациялаш технологиясини яратиш бўйича олинган илмий натижалар асосида:
турли хил толалар ёрдамида модификацияланган полиэтилен ва полипропилен олиш технологияси «INNOVATIVE CHEMICAL TECHNOLOGIYES» ва «POLYMER PIGMENTS» МЧЖ корхоналарида мустаҳкам полимер буюмлар ишлаб чиқаришда жорий қилинган («O’zkimyosanoat» АЖнинг 2020 йил 21-июлдаги 24-3125-сон маълумотномаси). Натижада, полимерга қўлланилган модификаторлар асосида ишлаб чиқарилган полимер маҳсулотларининг мустаҳкамлигини ва иссиқбардошлилигини ошириш имконини берган;
ишлаб чиқилган технология бўйича модификацияланган полиэтилен ва полипропиленлардан «WOOD POLYMER» МЧЖ ва «RUNO PLASTIK» МЧЖ корхоналарида термик барқарор полимер буюмлар олишда жорий қилинган («O’zkimyosanoat» АЖнинг 2020 йил 21-июлдаги 24-3125-сон маълумотномаси). Натижада, олинган модификаторлардан фойдаланиб янги турдаги модификацияланган термик барқарор полимерлар буюмлар олиш имконини берган.
Тадқиқот натижаларининг апробацияси. Тадқиқот натижалари маъруза кўринишида 2 та ҳалқаро ва 4 та Республика илмий-техник анжуманларда апробациядан ўтказилди.
Тадқиқот натижаларининг эълон қилиниши. Диссертация мавзуси бўйича жами 13 та илмий ишлар чоп этилган, шулардан, Ўзбекистон Республикаси Олий аттестация комиссиясининг фалсафа докторлик (PhD) диссертациялари асосий илмий натижаларини чоп этиш тавсия этилган илмий нашрларда 7 та, шу жумладан, 5 таси республика ва 2 таси хорижий журналларда нашр этилган.
Диссертациянинг тузилиши ва ҳажми. Диссертация таркиби кириш, тўртта боб, хулоса, фойдаланилган адабиётлар рўйхати ва иловалардан иборат. Диссертациянинг ҳажми 98 бетни ташкил этади..

1^ Ўзбекистон Республикаси Президентининг ПҚ-4947 «2017-2021 йилларда Ўзбекистон Республикасини ривожлантиришнинг бешта устувор йўналишлари бўйича Харакатлар стратегияси» тўғрисидаги қарори