Диплом бўйича мутахассислиги: Физика, Информатика

Хулқ – атвор билан боғлиқ омиллар: манфаатлар, қизиқишлар, ўзига бўлган баҳога зид келадиган ёки хавф – хатар туғдирувчи вазият пайдо бўлиши билан гўёки, ҳимоя воситаси сифатида пайдо бўлувчи омиллар туркуми бўлиб, бу иккинчи томоннинг хубинлиги, адолатсизлиги, масъулиятсизлиги ёки лоқайдлик, бепарволик оқибатида келиб чиқади. Низокашлар бундай шароитда ўзларига нисбатан бўлаётган салбий муносабатни хатти – ҳаракатда кўриб сезиб турганлари боис хафагарчилик келиб чиқади ва бу очиқ конфликт, жанжал билан тугайди.
Қуйида ўқитувчи ва ўқитувчи ўртасида низоли вазият ва унинг ечимини кўриб чиқамиз.
2 та она тили ва адабиёти фани ўқитувчиси ўртасида низоли ҳолат келиб чиқди.
Ўқув йили бошида Маҳфуза Шарипова ва Акмал Қодиров ўзаро жанжаллашиб қолдилар.Улар ўқув режада берилган дарс соатини бўлишиб олиш устида ўзаро айтишиб бир – бирларини ҳақоратлар эдилар.Бошқа ҳамкасбларни огоҳлантиришларига қарамай баҳс давом этарди.
М.Шарипова: Мен сендан олдин бу ерга ишга келганман. Менинг билим салоҳиятим сеникидан юқори. Сен дарс ўтолмайсан.
А.Қодиров: Ёш бўлсамда ўқувчилар билан яхши муносабатда бўламан. Сиз эса ўқувчиларни менсимайсиз, улар билан қўпол муносабатда бўласиз. Болалар эса мени дарс ўтишимни талаб қилишади.Демак кўпроқ дарс соати олишга мен ҳақлиман.
М. Шарипова: Сен ўзингни мақтагунча иш ҳужжатларингни тўлиқ қил. Мен сенга ўхшаган ғийбатчи эмасман.
А.Қодиров: Ўзингиз ғийбатчисиз.
М.Шарипова: Ахмоқ.....
Ўқув ишлари бўйича директор ўринбосари ҳар иккаласини тинчлантиролмагач психологга мурожаат қилади.
Ушбу низоли вазиятни бартараф этиш учун мен аввало ҳар иккала устозни тинчлантиришга ва икки томонга тарқатишга ҳаракат қиламан. Ёш жиҳатдан кичик А.Қодировга мақомлари бир хил бўлсада, у кишининг аввало аёл киши эканликлари, ёшлари улуғлиги, устоз сифатида ҳурмат қилиш кераклигини тушунтираман. Шунингдек, М.Шариповага ҳам Акмалжон ҳали ёш, қизиққон, қолаверса, шогирд қаторида эканлиги, уни тўғри тарбиялашда ҳамма жамоа аъзолари бирга ҳаракат қилиши кераклиги, уни тўғри йўлга бошлашда сиз йўлбошчилик қилишингиз керак деган сўзлар билан тинчлантираман.
Шундан сўнг, ҳар иккалаларидан бир – бирларидан яширин тарзда сўровномалар оламан.