Диний толерантлик маданияти, унинг жамият ривожидаги аҳамияти. Кибермаконда дин омили. Режа

Download 4,58 Mb.

1 2 3 4 5 6 7

Bog'liq
14 мавзу Диний ба рикенглик мад

Толерантлик тафаккури

Толерантлик тафаккури миллатлар, элатлар, халқлар, маданиятлар, қарашлар, мафкуралар хилма-хиллиги шароитида ўзаро ҳамкорлик ва бир-бирини қабул қилиш, англаш жараёни ҳамда ўзаро барқарорлик тафаккурини билдиради. Ўзбекистонда турли динларга мансуб қадриятларни асраб-авайлашга, барча фуқароларга ўз эътиқодини амалга ошириш учун зарур шароитларни яратиб беришга, динлар ва миллатлараро ҳамжиҳатликни янада мустаҳкамлашга, улар ўртасида қадимий муштарак анъаналарни ривожлантиришга алоҳида эътибор қаратиб келинмоқда.

Толерантликни замонавий тушуниш ва англаш жараёнлари XX асрнинг сўнгги чорагидан бошланган. 1995 йили 16 ноябрда Париж шаҳрида ЮНЕСКО ташкилотининг йигирма саккизинчи Сессиясида 185 дунё давлатлари иштирокида “Толерантлик тамойиллари Декларацияси имзоланди. Ушбу декларация ЮНЕСКО ташкилотининг Бош Ассамблеяси конференциясининг Резолюцияси билан тасдиқланди. Мазкур ҳужжат толерантликни дунё рангбаранглиги асосидаги эркинлик ҳуқуқи сифатида баҳолайди. Шу даврдан бошлаб ҳар йили 16 ноябрни дунё миқёсида толерантлик куни сифатида нишонлаш анъанага айланди.

“Бағрикенглик” тушунчаси илмий фаолият ва ижтимоий ҳаётнинг турли соҳалари, жумладан, сиёсат ва сиёсатшунослик, социология, фалсафа, илоҳиёт, қиёсий диншунослик каби соҳаларда кенг ифода этиладиган тушунчалардан бири ҳисобланади. Лотинча “толераре”, яъни “чидамоқ”, “сабр қилмоқ” маъносини англатган бу сўз, асосан бир инсоннинг бошқа инсон дунёқарашига тоқат қилишини билдирса-да, этимологик таҳлил ҳар доим ҳам унинг том маъносини очиб беравермайди.

Download 4,58 Mb.

Do'stlaringiz bilan baham:

1 2 3 4 5 6 7