Dinda savolim bor. 3-kitob

tortishgan kimsalar uning (o‘ldirilgan-o‘ldirilmagani)  haqida shubhada qolganlar. 

U haqda hech qanday bilimlari yo‘q. Faqat gumonlarga beriladilar, xolos. Uni 

o‘ldirmaganlari aniqdir. Balki uni Alloh osmonga ko‘targandir» (Niso surasi, 157-

158-oyatlar). 

Iso alayhissalom qiyomatdan oldin Dajjolni o‘ldirganlaridan keyin Islom shariati bilan 

hukm yuritadilar. Xochni sindirib, to‘ng‘izlarni o‘ldiradilar, jizyani bekor qiladilar. Yer 

yuzida Alloh xohlaganicha yashab, keyin vafot etadilar. Musulmonlar u zotga janoza 

o‘qib, dafn qilishadi. 

 

Dajjol qanday maxluq? 

 

Savol: Yaqinda bir kitobda qiyomat yaqinlashganda Dajjol, degan maxluq 

tushishi haqida o‘qib qoldim. Shu haqda batafsilroq ma’lumot bera 

olmaysizlarmi? 

Javob: Qiyomat qoim bo‘lishining alomatlaridan biri Dajjol degan maxluqning chiqib, 

yer yuzidagi odamlar o‘rtasida fasod tarqatishi va ularni yo‘ldan ozdirishidir. Dajjol 

haqida Payg‘ambarimiz Muhammad alayhissalomdan bir necha sahih hadislar rivoyat 

qilingan. 

Arabchada «Dajjol» - «Ashaddiy yolg‘onchi, aldamchi, firibgar» ma’nolarini anglatadi. 

Hadislarda keltirilishicha, Dajjolning bir ko‘zi ko‘r, sog‘ ko‘zi esa uzum donasiday 

bo‘rtgan, peshonasida ortiqcha eti bo‘ladi. Ikki ko‘zining o‘rtasida «kofir» degan yozuv 

bor, o‘qishni bilgan mo‘minlar bu yozuvni o‘qiy oladilar. Dajjol ilohlikni da’vo qiladi. Alloh 

taoloning izni bilan g‘ayritabiiy ishlar va mo‘‘jizalar ko‘rsatib, odamlarni yo‘ldan 

ozdirmoqchi bo‘ladi. Ba’zi odamlar unga aldanadilar ham. Imom Navaviyning 

yozishlaricha: «Alloh Dajjol bilan ham bandalarini imtihon qiladi. O’zi qodir ishlarga uni 

ham layoqatli qilib qo‘yadi: masalan, u bir yosh yigitni o‘ldirib-tiriltiradi, yerlarni hosildor 

qilib qo‘yadi, uning ham jannati, do‘zaxi, ikki daryosi bo‘ladi. Yer xazinalari unga 

bo‘ysunadi, buyursa, osmondan yomg‘ir yog‘ib, yerdan o‘simliklar unadi. Bularning 

hammasi albatta Alloh taoloning xohish-qudrati bilan bo‘ladi». 

Mo‘minlar unga aldanishmaydi, dinlarida sobit qolishadi. Ma’lum vaqt o‘tgach, 

ko‘kdan Iso alayhissalom tushib uni o‘ldiradilar.