Dinamik tiplashtirilgan

TASVIRLAR BILAN ISHLASH
Python tilida tasvirlar bilan ishlash uchun bir qator modullar ishlab chiqilgan boʻlib, ularning eng soddasi ‑ bu TURTLE (toshbaqa) moduli sanaladi.
Ushbu modul shaklidagi toshbaqa (uni odatiy qalam uchiga oʻxshatish mumkin) harakatlari yordamida tasvirlar yasash imkonini beradi. Tasavvur qiling, robot‑toshbaqa oʻz xarakatlarini ekranning markazi boʻlgan (0, 0) koordinatali nuqtadan boshlaydi va sodda harakatlar yordamida yetarlicha murakkablikdagi tasvirlarni (masalan, … ‑rasm) yasashni boshlaydi. Harakatlar toshbaqa (strelka) yoʻnalishida amalga oshiriladi.
Turtle moduli toshbaqa (qalam uchi) harakatlarini oʻzida mujassamlashtirgan quyidagi metod va funktsiyalarni qamrab olgan:

Harakatlanish va chizish uchun
forward(masofa) | fd()	oldinga qarab chizish
backward(masofa) | bk() | back()	orqaga qarab chizish.
right(burchak) | rt()	oʻng tomonga burchak ka burish.
left(burchak) | lt()	chap tomonga burchak ka burish.
goto(x, y) | setpos() | setposition()	koʻrsatilgan (x, y) koordinatali nuqtaga oʻtish.
setx(x)	toshbaqaning birinchi koordinatasini x ga oʻtkazadi, ikkinchi koordinatasi oʻzgarmaydi.
sety(y)	toshbaqaning ikkinchi koordinatasini y ga oʻtkazadi, birinchi koordinatasi oʻzgarmaydi.
setheading(burchak) | seth()	yoʻnalishni burchak ka oʻzgartiradi.
home()	toshbaqani (0, 0) koordinatali nuqtaga oʻtkazish.
circle(r)	joriy holatdan boshlab |r| radiusli aylana chizish. Agar r musbat boʻlsa, chizish soat strelkasiga teskari, aks holda soat strelkasi boʻyicha amalga oshiriladi.
circle(r, k)	joriy holatdan boshlab radiusi |r| hamda burchagi k boʻlgan yoy chizish.
dot(size, color)	kattaligi size , rangi color boʻlgan nuqta chizish.
stamp()	xolstning joriy pozitsiyasida toshbaqa shaklini (shtampini) qoldirish.
clearstamp(son)	stamp() ga avvalgi murojaat qaytarishi lozim boʻlgan butun son.
clearstamps(n)	Toshbaqaning barcha yoki dastlabki/soʻnggi shtamplarini oʻchirish. Agar n=None boʻlsa hammasi, agar n > 0 boʻlsa dastlabki, n < 0 boʻlganda soʻnggi b ta shtamp oʻchiriladi.
undo(n)	toshbaqaning soʻnggi n ta amalini bekor qilish. Bunday amallarning maksimal soni undobuffer ning hajmi bilan belgilanadi.