Dilnavoz Yusupova

«
Sen bahorni sog‘inmadingmi?
»

Uyg‘onguvchi bog‘larni kezdim, 
Topay dedim qirdan izingni. 
Yonog‘ingdan rang olgan dedim – 
Lolazorga burdim yuzimni, 
Uchratmadim ammo o‘zingni, 
Sen bahorni sog‘inmadingmi? 
 

Bahor kunlarida kuzning havosi, 
Tanimni junjitar oqshomgi shamol.
Nega muncha g‘amgin nayning navosi,
Nega qalbim to‘la o‘kinch va malol?
 

Yana dalalarga boshlaydi havas,
Bog‘larda xazonlar yonadi lov-lov.
Do‘stlarim, bu kuzning barglari emas,
Mening yuragimdan to‘kilgan olov. 
 

Yiroq-yiroqlardan mungli va uzun
Turnalar tovushin tinglardim faqat 
(pokiza yoshlik davri).
 
 

Sonsiz egatlarga sochilmish, ana,
Mening orzularim, mening o‘ylarim 
(o‗zbek xalqining yig‗ma obrazi). 
 

---

389 

Shabnam shovullaydi bog‘lar qo‘ynida,
Salqin tuman ichra bo‘zarar tonglar,
Quyoshning erinchak yog‘dularida
Nafis yaltiraydi bargi xazonlar 
(vatan timsoli).
 
 

Oyoqlangan qo‘ziday dovdirar yelda maysa,
Ko‘m-ko‘k moviy osmonda kezib yurar oq bulut. 

Qizg‘aldoq bargidek uchar dildan g‘am,
Toshqinlar kiradi qalbimga manim 
(quvonch va g‗amning birgalikdagi tasviri
)
 
Rauf Parfi O‘zturk 
(1943 – 2005) 
Hayotiga doir muhim ma’lumotlar 
Rauf Parfi, taxallusi – O‗zturk. 1943-yilning 27-sentyabrida Toshkent viloyatining 
Yangiyo‗l tumaniga qarashli Sho‗ralisoy qishlog‗ida dehqon oilasida tug‗ildi. Otasi – 
Parfi Muhammadamin o‗g‗li savodli, anchagina o‗qimishli kishi bo‗lib, sho‗rolar quvg‗ini 
davrida Farg‗onaning Vodil qishlog‗idan Sho‗ralisoyga kelib qolgan. Onasi – 
Sakinaxonim Isabek qizi farg‗onalik bo‗lib, mumtoz adabiyotni biladigan ayol edi.
Rauf Parfi 1950-yili Sho‗ralisoydagi yetti yillik maktabga o‗qishga boradi va u yerda 
1956-yilgacha saboq oladi. So‗ng qo‗shni qishloqdagi maktabga o‗tib, bu yerda 1958-
yilgacha tahsilni davom ettirdi. Sakkizinchi sinfni tugatgach o‗qishni Yangiyo‗l shahridagi 
kechki maktabga o‗tqazib, mehnat faoliyatini boshlaydi. U dastlab Yangiyo‗l tuman 
gazetasida musahhih bo‗lib ishlaydi. O‗rta ma‘lumot olgach 1960-yili Toshkent davlat 
universiteti (hozirgi O‗zbekiston Milliy universiteti)ning jurnalistika fakultetiga o‗qishga 
kiradi. U yerdagi saboqlar 1965-yili bitgan bo‗lsa-da, shoir «Markscha-lenincha falsafa» 
deb atalmish fandan o‗tolmagani va qayta imtihon topshirishni istamagani uchun 
universitet diplomini ololmaydi.
Rauf Parfi 1966 – 1967-yillarda Yangiyo‗lda chiqadigan «Kolxoz haqiqati» gazetasi 
muxbiri bo‗lib ishladi. 1967-yili Toshkentga kelib Kinematografiya davlat qo‗mitasida 

---

390 
muharrir bo‗lib ishladi. 1971 – 1977-yillarda G‗afur G‗ulom nomidagi Adabiyot va san‘at 
nashriyotida muharrir lavozimida faoliyat ko‗rsatdi. So‗ng «Oydin» gazetasida, 1987-
yilgacha yana G‗afur G‗ulom nomidagi Adabiyot va san‘at nashriyotida mehnat qildi. 
1987 – 1989-yillarda O‗zbekiston yozuvchilar uyushmasida adabiy maslahatchi, 1989-
yildan 1997-yilgacha O‗zbekiston yozuvchilar uyushmasi targ‗ibot markazida katta 
muharrir, 1997 – 1999-yillarda «Jahon adabiyoti» jurnali bo‗lim mudiri vazifalarida 
ishladi. Unga 1999-yil «O‗zbekiston xalq shoiri» unvoni berilgan.
Rauf Parfi 2005-yili Toshkentda vafot etdi.
Ijodiy faoliyati 
Rauf Parfining birinchi she‘ri 1953-yilning 5-martida o‗n yoshida Stalin vafotiga 
bag‗ishlab yozilgan marsiya bo‗ldi. Universitetning birinchi bosqich talabasi ekanida 
«Laylo» she‘ri millat yoshlarining eng sevimli qo‗shig‗iga aylandi.
I. She‘rlari 

«Diloromning ko‗zlari»

«Yoshlik zangor fasl...»

«Xato qildim...»

«Og‗riq»

«Tavba»

«Sensiz»

«Shoir»

«Assalomu alaykum, dorning og‗ochi»
II. She‘riy to‗plamlari 

«Karvon yo‗li» (ilk she‘riy to‗plami,1968) 

«Aks sado» (1970) 

«Tasvir» (1973) 

«Xotirot» (1975) 

«Ko‗zlar» (1977) 

«Qaytish» (1978) 

---

391 

«Sabr daraxti» (1986) 

«Sukunat» (1989) 

«Tavba» (2000) 

«Turkiston yodi» (2013) 

«Sakina» (2013)