Дешифровка қилишнинг контраст-аналогли методи

3.4. Геологик образларнинг спектрал классификаторларини аниқлаш методи
Визуал дешифровка қилиш методларини яхши эгаллаган ва регионнинг геологик маълумотлари билан таниш бўлган юқори малакали тадқиқотчи КСКТТ да (3.4.1-3.4.4 расмлар) кўп сонли геологик объектларни ажратиши мумкин. Шу билан бирга, у тасвирнинг асосий дешифровка қилиш белгилари бўлган, фототонга ва расм шаклига таянади (3.3.5-3.3.8 расмлар). Тажриба шуни кўрсатадики, кўпспектрал космик тасвирлар тўпламида дешифровка қилинган фототонлар геоморфологик, геологик ва геофизик маълумотлар билан яхши қиёсланади. Шу йўсинда талқин қилинган фотомайдонлар ва структуравий ахборот дешифровка қилишнинг якуний натижалари ҳисобланади ва улар космогеологик ва космоструктуравий схемалар тузиш учун асос бўлиб хизмат қиладилар. Бундай кўп омилли ёндошиш, биринчидан, спектрал диапазонга боғлиқ ҳолдаги кўпспектрал космик тасвирлар тўпламларининг нисбий геологик информативлигини аниқлашда қийинчилик тўғдиради. Иккинчидан эса, ЭҲМ ёрдамида визуал дешифровка қилиш натижаларини текширишга имкон бериши мумкин бўлган математик дастурлар тузишни мураккаблаштиради. Бундай ёндошишдан фарқли равишда тақдим қилинаётган ишнинг вазифаси ва методик хусусияти шундан иборатки, КСКТТ да нисбий геологик ахборотни умумлаштириш моҳиятини аниқлаш жараёнида, спектрал диапазонининг ўзгаришига боғлиқ ҳолда, спектрал равшанлик коэффициенти (СРК) нинг қийматлари, яъни табиий умумлашган геологик объектларнинг қуёш нурини қайтариш қобилияти асос қилиб олинади. Биз шунга ишонамизки, турли тадқиқотчилар СРК га айнан ўхшаш (мос) бўлган фототонларни фарқлай олишлари, уларни чегаралашлари ва ЭҲМ ёрдамида дифференциациялашлари мумкин.
Бизнинг тадқиқотларимизда геологик ва бошқа табиий объектларни бир-бирига тенглаштириш (ўхшашлик даражасини аниқлаш) учун миқдорий методдан фойдаланилган бўлиб, унинг
3 .4.1-расм. Ўрта Осиё ва унга туташ бўлган ҳудудлар 1977 йил
26 августа 28-чи «Метеор» сунъий йўлдошидан олинган
(спектр диапазони 0,5-0,6 мкм)