Дераза кондиционерларининг вазифаси; Дераза кондиционерларининг тузилиши ва ишлаш принципи; Дераза кондиционерларининг хисобий тахлили

Уй-жой-коммунал секторда энергетик аудитнинг умумий услубияти
Энергоаудитни ўтказиш қуйидаги олтита кетма-кет босқичларни бажаришдан ташкил топади:

1. 
   Кўриб чиқилаётган вақт оралиғи учун энергия истеъмолининг ҳажми ва унинг қийматини аниқлаш.
   
2. 
   Объектдаги ёқилғи-энергия оқимларини тадқиқ қилиш.
   
3. 
   Энергия ва энергия ташувчилардан фойдаланишнинг самарадорлигини таҳлил қилиш.
   
4. 
   Энергоресурслардан самарали фойдаланиш бўйича тавсияларни ишлаб чиқиш.
   
5. 
   Таклиф қилинадиган тавсияларни иқтисодий асослаш.
   
6. 
   Ҳисоботни тайёрлаш.
   

Энергоаудитни ўтказишда аудитор мижоз нимани талаб қилаётганлиги ва мавжуд вақт ҳамда пул ресурсларини эсдан чиқармаслиги лозим. Аудитор мижозга у ҳоҳлаган нарсани, бироқ у ҳақ тўлайдиганидан ошиқ бўлмаган нарсани бериши муҳим бўлади. Бундай фикрлар энергоаудитнинг деталлилиги, фойдаланиладиган ўлчагичларнинг сони, маълум бир асбоб-ускуналарга урғу бериш ёки энергияни тежаш бўйича чора-тадбирлар ва ҳоказоларга таъсир кўрсатиши мумкин. Бир томондан, энергоаудит шунчаки энергия истеъмолининг корхонадаги счетчикларнинг кўрсаткичларига таянадиган шарҳи бўлиши мумкин. Бошқа томонлама эса, энергоаудит янги ўлчайдиган асбоб-ускуналарни ўрнатиш (доимий ёки вақтинча), узоқ вақт давомида тестдан ўтказиш ва ўлчашни кўзда тутиши мумкин. Деталли текшириш оқибатида аудитор асосланган тавсияларни бериши мумкин. Табиийки, энергоаудитнинг кўрсатилган иккинчи усули анчагина қиммат бўлади.
Энергоаудитни ўтказиш усули энергоаудиторнинг малакаси ва маҳоратига боғлиқ бўлади.
"Етакчи маҳсулот ёндашуви" – бу эндигина бошлаётган энергоаудиторлар учун мўлжалланган оддий техник приемдир. Бошлаётган аудитор энергиядан фойдаланишни ўрганиш бўйича бир нечта дастлабки ҳисоботларни тайёрлаш билан энергияни тежаш бўйича тавсияларнинг, масалан, кам энергия истеъмол қиладиган ёритгичлардан фойдаланиш, кучайтирилган иссиқлик назорати ва кучайтирилган изоляция каби тавсияларнинг қанчалик долзарблиги ва муҳимлигини англайди. Шундан кейин аудитор шунга ўхшаш объектларни қийинчиликсиз текширувдан ўтказиши ва ўзи муваффақиятли фойдаланган ўша энергияни тежаш технологияларини қўллаш имкониятларини аниқлаши мумкин. Бу техник приемдан энергияни тежовчи асбоб-ускуналарни сотадиган компания учун сотиш бозорларини қидиришда фаол тарзда фойдаланилади. Бундан ташқари, бу приемдан унинг барча объектлари бир хил энергетик тавсифларга эга бўлган энергия истеъмол қилувчи компанияларнинг “ички” энергоменежерлари фойдаланишлари мумкин. Масалан, меҳмонхоналар тармоғига эга бўлган компаниянинг энергоменежери тармоқнинг барча меҳмонхоналарида жорий қилиш мумкин бўладиган энергияни тежаш чора-тадбирлари рўйхатини тузиши мумкин. Бу ёндашувдан энергетика масалалари бўйича профессионал аудиторлар фойдаланиши тавсия қилинмайди.