Дераза кондиционерларининг вазифаси; Дераза кондиционерларининг тузилиши ва ишлаш принципи; Дераза кондиционерларининг хисобий тахлили

4-МОДУЛЬ. ТУРАР –ЖОЙ ВА МАЙИШИЙ ҲЎЖАЛИКЛАРДА ЭНЕРГЕТИК АУДИТНИНГ АСОСИЙ МАҚСАДЛАРИ ВА ҚОЙИДАЛАРИ.
15-МАЪРУЗА. Турар –жой ва майиший ҳўжаликларда энергетик аудитнинг асосий мақсадлари.
Режа

1. 
   Республиканинг коммунал секторида энергия истеъмолининг ҳолати
   
2. 
   Республикада энергияни тежаш сиёсати
   
3. 
   Энергоаудитга кириш
   
4. 
   Энергоаудитни ўтказиш усуллари
   
5. 
   Энергоаудиторларга қўйиладиган талаблар
   

Энергияни тежаш Ўзбекистон Республикасида уй-жой-коммунал сферани ислоҳ қилишнинг калит звеноси бўлиб ҳисобланади.
Уй-жой-коммунал секторда энергияни тежаш сиёсатининг охирги мақсади коммунал хизматларни ишлаб чиқариш харажатларини камайтириш ва таннархни пасайтириш, ва шундан келиб чиққан ҳолда, аҳолининг бу хизматларга ҳақ тўлаш юкини енгиллаштириш бўлиб ҳисобланади.
Уй-жой-коммунал сектор ёқилғи ва энергиянинг йирик истеъмолчиси бўлиб ҳисобланади – у мамлакатда истеъмол қилинадиган энергиянинг тахминан 49% ини истеъмол қилади. Шу билан биргаликда коммунал секторда иссиқлик ва электр энергиясини, шунингдек сувни тежашнинг катта резервлари мавжуд.
Умуман Республика бўйича битта одамга тўғри келадиган солиштирма энергоресурслар истеъмоли Европа мамлакатларидаги худди шу кўрсаткичдан 2-3 мартага ошиқ, бироқ бунда хизмат кўрсатиш ва қулайлик даражаси анчагина паст. Шу боис Ўзбекистон Республикасининг 1997 йилда қабул қилинган “Энергиядан рационал фойдаланиш тўғрисида” ги Қонуни энергия истеъмолининг самарадорлигини оширишга йўналтирилган.
Каттагина тежаш потенциали ва энергоресурслар нархининг ўсиши коммунал секторда энергияни тежаш муаммосини янада долзарблаштиради.
Ушбу муаммони ҳал қилишга Ўзбекистон Республикаси Вазирлар Маҳкамасининг 2009 йилда қабул қилинган № 13 «Иссиқлик таъминоти тизимини ислоҳ қилиш концепцияси ва 2009-2015 йилларда Республикада иссиқлик таъминоти тизимини модернизациялаш ва ривожлантириш дастурини ишлаб чиқиш чоралари тўғрисида” ги Қарори ва Ўзбекистон Республикаси Ҳукуматининг ПРООН ГЭФ билан биргаликдаги кенг кўламли “Ўзбекистонда ижтимоий мўлжалланишдаги биноларнинг энергия самарадорлигини ошириш” лойиҳаси йўналтирилган, мазкур ўқув қўлланмаси шу лойиҳа асосида ишлаб чиқилган.
Энергияни тежаш дастурларини ишлаб чиқиш ва амалга оширишнинг асоси уй-жой-коммунал секторнинг объектларини энергетик текшириш, мавжуд энергияни тежаш резервларини баҳолаш, энергияни тежаш бўйича таклиф қилинган чора-тадбирларнинг техник-иқтисодий самарадорлигини аниқлашни ўз ичига оладиган энергоаудитдан ўтказиш бўлиши лозим.