Denov tadbirkorlik va pedagogika instituti tadbirkorlik va boshqaruv fakulteti xalmuratov m. A

TAShQI BO’YINTURUQ VENA Tashqi bo’yinturuq vena - v. jugularis externa jag’ning orqa venasi (v. retromandibularis). Ó quloq suprasining orqasidan bir-biri bilan qo’shiluvchi ensa venasi - v. occipita;is va quloq orqa venasi - v. auricularis posterior ning qo’shilishidan hosil bo’ladi va bo’yindagi teri osti venalarining eng yirigi hisoblanadi. Bu vena juda yuza joylashgan bo’lib, uni teri osti muskuli - mus. platysma va bo’yinning yuza fassiyasi berkitib turadi. Tashqi bo’yinturuq venaning boshlangan joyi - mus. sternocleidomastoideus ning yuqori tomoniga to’g’ri kelib, undan quyi jag’ burchagi sohasida pastga yo’naladi. Taxminan o’mrov suyagining yuqorirog’ida bo’yinning o’ziga xos fassiyasini teshib o’tadi va chuqurlashadi, oxiri mus. omohyoideus pastki qorinchasining naq tagida o’mrov osti venasiga yoki shu venaning ichki bo’yinturuq venasi bilan qo’shilgan burchagiga quyadi. Tashqi bo’yinturuq venasining ham klapanlari bo’lib, ular venaning quyilish joyida va venaning o’rta qismlarida joylashgan. Bu venaning devori yuqori bo’yin fassiyasi bilan bog’langan. Shu sababli, vena kesilgan taqdirda ham uning bo’shlig’i puchayib, berkilib qolmaydi. Aksincha, doimo ochiq qoladi.
Tashqi bo’yinturuq venasiga quyidagi venalar quyadi:
1. Quloqning orqadagi venasi - v. auricularis posterior quloq orqasidagi yuza chigaldan boshlanadi va emissarium mastoideum bilan qo’shiladi.
2. Ensa venasi - v. occipitalis ensa sohasidagi vena chigallaridan qon yig’adi va quloqning orqa vena tarmoqchalari bilan qo’shiladi.
3. Bo’yinning orqadagi teri osti venasi - v. subcutanea colli posterior ensa sohasining yuza venalaridan boshlanadi. Pastga tomon yo’nalib, mus. sternocleidomastoideus ning orqa tomonidan tashqi bo’yinturuq venasiga quyadi.
4. Bo’yinning ko’ndalang venasi - v. transversa colli va kurak usti venasi - v. suprascapularis bir-biri bilan qo’shilib, umumiy shox hosil qiladi yoki har bir alohida-alohida holatda tashqi bo’yinturuq venasiga quyadi. Ba’zan to’g’ridan-to’g’ri v. subclavia ga quyishi ham mumkin. Bu ikkala vena shu nomidagi arteriyalar bilan birga yo’naladi.