Dehqonova mahliyo shuhrat qizining

Mavzuni o‘rganilganlik darajasi. Boshlang‘ich sinf o‘quvchilarida tezkor hisoblash usullarini shakllantirish metodlarini takomillashtirishning turli yo‘nalishlari bo‘yicha S.T.Turg‘unov, R.X.Djuraev, U.I.Inoyatov, N.A.Muslimov, X.F.Rashidov, O‘.Q.Tolipov, SH.S.SHaripov, Z.K.Ismailova, Q.T.Olimov, M.B.Urazova, J.A.Hamidov, D.O.Ximmataliev va boshqalar tomonidan ilmiy tadqiqotlar olib borilgan. Umumta’lim maktablarining yuqori sinf ona tili darslarida o‘quvchilarning bilimlarini shakllantirish masalalari R.G.Safarova, SH.J.YUsupova, N.G.Alovuddinova, O.Oxunjonova, T.U.Ziyodova, M.Saidov, U.Masharipova kabilarning ilmiy tadqiqotlarida o‘z aksini topgan.

Mustaqil davlatlar hamdo‘stligi mamlakatlari olimlari O.A.Abdulina, E.M.Borisova, E.F.Zeer, I.A.Zimnyaya, N.V.Kuzmina, M.I.Lukyanova, A.S.Markova, S.N.Mironenko, V.A.Slastenin, T.M.Sarokina va boshqalar tomonidan esa o‘qituvchilarida kasbiy kompetentlikni rivojlantirish hamda shakllantirishda pedagogik texnologiyalarni qo‘llash, kasbiy-pedagogik tayyorlash samaradorligini oshirish texnologiyalarini takomillashtirish masalalari bo‘yicha ilmiy-tadqiqot ishlari amalga oshirilgan.

Xorijiy mamlakatlar olimlaridan G.Spenser, B.Blum, R.Mohan, H.Miyakawa, Jagatrahan, G.Kulanthaivel kabilarning tadqiqotlarida ta’limda ijodkorlik, pedagoglarning kasbiy salohiyatini rivojlantirish, kompetentlik masalalari, kasbiy-pedagogik etuklik muammolari, pedagogik dasturiy vositalardan foydalanish ko‘nikmalarini rivojlantirish hamda shakllantirish nazariyasi va amaliy yo‘nalishlariga alohida e’tibor qaratilgan.

Yuqorida keltirilgan ilmiy izlanishlarda kasbiy kompetentlikni shakllantirish faoliyatining muayyan tarmoqlari ko‘rsatib o‘tilgan bo‘lsa-da, bo‘lajak boshlang‘ich sinf o‘qituvchilarining kasbiy kompetentligini shakllantirish muammosi doirasida maxsus tadqiqot ishlari olib borilmagan.