Dehqonchilik ilmiy izlanish asoslari bilan fanidan ma’ruza ma'tinlari doc

Band shudgor. Bunday shudgor yozning birinchi yarmida ekinlar bilan band qilinadi. Band shudgor asosan kuzi issiq va uzoq bo’ladigan, yog’in yetarli miqdorda tushadigan tumanlarda tarqalgan.
Band shudgor qator oralari ishlanadigan va yoppasiga ekin ekiladigan shudgorga bo’linadi. Bund shudgor, O’zbekistonda ekish muddatlariga qarab ertagi, o’rtagi, kech bahorgi xillariga bo’linadi. Ekin bilan band qilinadigan erta bahorgi shudgorga no’xat, maxsar, kungaboqar, xashaki no’xat ekiladi. Maxsar va xashaki no’xatlarning kuzda

52

ekiladiganlari eng samaralidir. O’rta bahorgi band shudgorga oqjo’xori, so’dan o’ti, kungaboqar, ba’zi joylarda makkajo’xori, oqjo’xori, poliz ekinlari, kunjut, kungaboqar ekiladi.
Band shudgorli yerni ekin ekishgacha va ekin ekish oldidin ishlashga qo’yidagi agrotexnika tadbirlari kiradi: erta va o’rta bahorgi band shudgor uchun mo’ljallangan yerlar kuzda haydaladi. Ekin ekish oldidan bu shudgor 6-8 sm chuqurlikda kultivasiya qilinadi. Kech bahorgi shudgor bahorda- aprel oyining boshlarida haydaladi va ekin ekish oldidan yer otvalsiz plugda 16-18 sm chuqurlikda qayta haydaladi va bir yo’la mola bostiriladi.
Yaxlit shudgor qator oralari tor qilib (12-15 sm) ekiladigan ekinlar bilan band qilinadi. O’zbekistonda bu turdagi shudgorga pichan va ko’kat oziqa uchun bir yillik o’simliklar (javdar, suli, arpa va ular bilan aralashtirib xashaki no’xat, so’dan o’ti) ekiladi. Sideratlar ekilgan shudgor ham band shudgorga kiradi. Unga asosan dukkakli o’simliklar ekiladi. Ular to’plagan yashil massalar tuproqni azot va organik moddalar bilan boyitish hisobiga unumdorligini oshirish uchun tuproq bilan birga haydab yuboriladi. O’zbekiston sharoitida sug’oriladigan tumanlarda sideratlar kuzda g’o’za va sholi ekinlari orasiga yoki ulardan keyin ekiladigan oraliq ekin sifatida qo’llanilishi mumkin.
Oraliq ekinlar yerlarning agromeliorativ holatini yaxshilash va unumdorligini oshirish, barcha mikrobiologik jarayonlarni jadallashtiruvchi omillardan hisoblanadi. Oraliq ekinlar tuproqqa qo’shib haydab yuborilganda yerda gumus miqdorini oshiradi, tuproqlarni oziqa va suv rejimlari yaxshilanadi. Sideratlar sho’r yuvish samaradorligini oshiradi va tuproqni sho’rlanishini oldini oladi.

2.