Dehqonchilik ilmiy izlanish asoslari bilan fanidan ma’ruza ma'tinlari doc

Ikkinchi hisobot xujjatiga tajribaning birlamchi xujjati – dala jurnali asosida to’plangan raqamli ma’lumotlarning statistik taxlillari (dispersion, korrelyasion, regression, kovariasion, probit taxlillar) yoziladi, ishlov berilgan ma’lumotlar esa jadval shaklida umulashtiriladi. Tajribada tuplangan, olingan ma’lumotlarga matematik ishlov beriladi. Bu jurnal xonada saqlanadi.
Uchinchi hisobot xujjati, ya’ni ishning yakuni bo’yicha yozilgan hisobot bir yil davomida bajarilgan ilmiy ishning yakunlovchi qismidir. Keyingi yillar bo’yicha ham yig’ilgan ma’lumotlar shu tartibda ishlanadi va yakunlanadi. Har yillik ma’lumotlardan hisobot yoziladi hamda tugallangan mavzu yakuni bo’yicha umumiy hisobot yoziladi va uning bir nusxasi tegishli ma’muriyatga topshiriladi.
Ilmiy ishning hisoboti – texnik xujjat bo’lib, kilingan ishlar haqida yakuniy ma’lumotlarni (yoki uning ma’lum bir davri uchun) o’z ichiga oladi. Hisobotni tayyorlash vaqtida, javobgar shaxs davlat ilmiy ishlarni qayd qilish tartibiga binoan tasdiqlangan ma’lumotnoma kartochkasini to’ldiradi.
Har qanday tajriba ishining yakuniy xujjatlari bo’lib ilmiy makola, ilmiy hisobot, bitiruv ishi, dissertasiyalar hisoblanadi.
Ilmiy maqola – ilmiy tadqiqotning muhim bir natijasini (yoki natijalarni) o’z ichiga oluvchi dolzarb muammo bo’yicha muallifning fikrlar bayoni hisoblanadi. Ilmiy maqolada tadqiq etilayotgan muammo (yoki masalani) asoslanishi, uning dolzarbligi, asoslangan masalani yechishga boshqa mualliflar yondashuvi, muallif taklif etilayotgan usul, asosiy natijalarning tasdiqlovchi faktlar, xulosalar va boshqa ma’lumotlarni o’z ichiga oladi.
Maqolada ijtimoiy hayot hodisalari chuqur tahlil qilinib, nazariy jihatdan umumlashtiriladi, yutuqlar va nuqsonlar tanqid qilindi.
Ilmiy maqolaning vazifasi fan, madaniyat, texnik yutuqlarini tushuntirish, ommalashtirish, o’quvchining g’oyaviy, ilmiy saviyasini oshirishdan iborat bulib, ilmiy jurnal yoki ilmiy anjuman xabarnomasida ko’rsatilgan talablar asosida chop etishga tayyorlanadi.
Dissertasiya (lotin tilidan olingan bo’lib tadqiqot, mulohaza) ilmiy daraja olish uchun taqdim etilgan va jamoatchilik oldida yakka tartibda himoya qilinadigan ilmiy asar.