Dehqon fermer xujaligi iqtisodiyoti. Dehkan farming economy

 

11.5. Chоrvachilik va bоg‘dоrchilikka investitsiya jalb etish 

 

Mamlakatimiz dehqon va fermer xo‘jaliklarining chorvachilik 

tarmog‘ini kompleks rivojlantirish dasturlarida asosiy e’tibor chorva 

mollarining naslini yaxshilash, mahsuldorligini oshirish, tarmoqda servis 

xizmatini rivojlantirish va chorvachilikning ozuqa bazasini mustahkam-

lashga qaratilgan. Buning uchun:  

- chorvachilik tarmog‘ining moddiy-texnikaviy bazasini mustah-

kamlash;  

- naslchilik-seleksiya ishlarini tubdan yaxshilash;  

- tarmoqda servis xizmati, jumladan, zooveterinariya xizmatlari 

ko‘rsatish sifati va assortimentini oshirish;  

- parrandachilik, baliqchilik, asalarichilik va pillachilik sohalarini 

rivojlantirish;  

- chorva mollarini yuqumli kasalliklardan muhofaza qilish tizimini 

yanada takomillashtirish;  

- ozuqa ekin maydonlarini kengaytirish va optimal joylashtirish, 

bunda lalmi yerlarda chorva mollari uchun ozuqa yetishtirish ko‘lamini 

kengaytirish tadbirlari amalga oshirilmoqda.  

Keyingi yillarda chorvachilik rivojlangan mamlakatlardan zotdor 

mollarni olib kelib, urchitishni tashkil etishga jiddiy e’tibor berilmoqda. 

O‘zbekiston Respublikasi Qishloq va suv xo‘jaligi vazirligining 

ma’lumotlariga qaraganda, 2006–2012-yillar mobaynida Ukraina, 

Belorus, Polsha, Avstriya, Germaniya, Gollandiya va boshqa Yevropa 

mamlakatlaridan 28174 bosh naslli golshtinfriz (Germaniya, Polsha), 

qora-ola (Belorus, Ukraina), qizil-cho‘l (Ukraina), simental (Avstriya) 

zotlariga mansub zotdor qoramollar keltirildi.  

---

 

262