Davriy sistemaga sayohat

"Metallmaslar" guruhi

Hshtirokchi: Istiqlol mash'ali qalbiga singgan

Baxtiyor tengdoshlar sizni xush ko'rdik.

Ozod mamlakatning kimyogarlari,

Shuurlari yorug', dilin xush ko'rdik.

2-ishtirokchi: Kimyo fanidir ko'zimiz ochgan

llmga, samoga bizga yo'l ochgan

Ma'rifat olamin quyoshin sochgan,

Yosharar o'tsada zamonlar, bu fan.

3-ishtirokchi: Bugun aziz do'stlarim

So'z aytaylik kimyodan,

Ko'rinmas vodorod-u

Hayotbaxsh kisloroddan.

4-ishtirokchi: Keling do'stlar davramizga, davramizga marhabo

Kuch sinashar mana bugun "metallar"-"metallmaslar".

Elementlar olamiga qilajakmiz sayohat

Kimyogarlar kechasiga xush kelibsiz marhamat.

Shundan so'ng sahnaga boshlovchilar chiqadi.

Qiz: Alp o'g'lonlar o'lkasi bu ko'hna Turon

Qalqonlari qanotlari ilm istang,

Yarim jahon bunyod etgan Sohibqiron

Alisherning avlodlari ilm istang.

Yigit: Ilm istang, izingizdan ibrat yog'sin.

Ixlosingiz shaxdingizdan shiddat yog'sin.

Ortingizdan mag'rur-mag'rur millat yog'sin.

Mulki turon najotlari ilm istang.

Qiz: Endi navbat 2-shartimizga. Bu shartimiz "Davriy sistemaga sayohat" deb atalib, guruhlarimiz kimyoviy elementlarga she'riy tarzda tavsif beradilar.

Yigit: Sahnaga guruhlarni taklif qilmasdan oldin, hay'at a'zolarimiz-dan 1-shart baholarini e'lon qilishlarini iltimos qilamiz va bu bilan 2-shartni kim boshlab borishini bilib olamiz.