Davolash va Tibbiy pedagogika fakulteti 5

differenstial diagnostikasi. Profilaktikasi va reabilitastiyasi. 
 
BAChADONDAN TASHQARI HOMILADORLIK 
         Uruglangan  tuxum  hujayra  odatda  bachadon  nayi  orqali  bachadon  bo‘shligiga  tushib,  uning  tana 
qismi shilliq qavatiga o‘rnashadi va shu joyda rivojlana boshlaydi. U bachadondan tashqriga payvandlansa, 
bachadondan tashqari homiladorlik vujudga keladi. 
Bachadondan  tashqari  homiladorlik  ayol  hayotini  xavf  ostida  qoldiradigan  ogir kasallikdir.  Homila 
bachadondan tashqarida uning o‘sib rivojlanishi uchun yetarli sharoit yo‘qligidan u o‘zi o‘rnashgan a‘zoni 
yemiradi, qon tomirlari buzilib, ayol qorin bo‘shligiga ko‘p miqdorda qon oqadi. Oqayotgan qonning shu 
erda to‘planishi esa ayol  hayotini xavf  ostida  qoldiradi,  natijada  gemorragik  shok  ro‘y  berishi  ko‘pincha 
zudlik bilan  tibbiy yordam ko‘rsatishni talab qiladi. 

---

82 
 
Bachadondan  tashqari  homiladorlikning  asosiy  klinik  belgilarini  umumiy  amaliyot  shifokorlarining 
bilib  qo‘yishlari  juda  muxim.  Chunki  ular  bunday  ogir  asorat  bilan  kasallangan  ayollarni  o‘z  vaqtida 
vrachga yuborib, ularning haytini saqlab qolishga o‘z hissalarini qo‘shgan bo‘ladilar. 
Bachadondan  tashqari  homiladorlik  5-8%  hollarda  uchraydi.  Ayrim  vaqtlarda  urugangan  tuxum 
hujayra  nayga,  tuxumdonga(0,1-0,2%),  qorin  pardasiga(0,2-0,4%),  qorin  bo‘shligidagi  turli  a‘zolarga 
payvandlanishi  mumqin.  Bachadondan  tashqari  homiladorlik      ko‘pincha  bachadon  naylarida 
joylashadi(98-99%). 
Homila bachadon nayining har xil joyida:  ampulyar, istmik va interstistial (bachadon devoriga kirib 
turgan) qismlarida joylashishi mumqin. Nayning istmik (o‘rta) qismida homila ko‘proq (49,6%),  ampulyar 
qismida ozroq (40,3%),  interstistial qismida eng kam (9,45%)  uchraydi  (Gryaznova I.M. 1980)  
Ko‘pincha bachadon nayining surunkali yalliglanishi naydagi homiladorlikka  sabab bo‘ladi. Yalliglanish 
natijasida  bachadon  nayi  devorlarining  bir-biriga  yopishib  qolishidan  tashqari,  uning  bo‘shligi  torayadi 
hamda  nayning  qisqarish    qobiliyati    sustlashadi.    Natijada  uruglangan  tuxum  hujayra  bachadonga  o‘ta 
olmaydi yoki o‘tishga ulgurmay, nay bo‘shligiga yopishadi va shu joyda taraqqiy eta boshlaydi.  Bunday 
ayollarning  hayot  tarzini    so‘ralganda      ular  ilgari  sun‘iy  abort  qildirgan,  o‘z-o‘zidan  bola  tashlagan, 
birlamchi  yoki  ikkilamchi  befarzand,    umumiy  organizmi  yoki  jinsiy  a‘zolari  chala  rivojlangan 
(infantilizm)  bo‘lib  chiqadi. 
  Bachadondan  tashqari  homiladorlik  (gr.extranterina)  yoki  o‘z  o‘rnida  joylashmagan  homiladorlik 
deb,  uruglangan tuxumning  bachadondan  tashqari-homilaning  tugilishi  uchun tabiiy  yo‘llardan  tashqarida 
joylashishiga aytiladi.