Davolash fakulteti fakultet va gospital jarroxlik kafedrasi «tasdiqlayman»

MA'RUZANING TEXNOLOGIK KARTASI

Bosqichlar, davomiyligi	Faoliyat
	O‘qituvchi	Talabalar
1 bosqich Kirish (5 minut)	1. Mavzuning nomi, maqsadi, ma'ruzadan kutilayotgan natija-lar va uni o‘tkazish rejasini aytadi.	1. Tinglaydilar.
2 bosqich Bilimlar aktualizasiyasi (20 minut)	2.1. Talabalar bilimlarini aktualizasiya qilish maqsadida yo‘naltiruvchi savollarni berish. Blis-so‘rov o‘tkazadi. 2.2. Ma'ruzaning maqsadini ekranga chiqaradi va u bilan tanishib chiqishni so‘raydi. Slaydlarni ta'riflaydi.	2.1. Savollarga javob beradilar. 2.2.Slaydlarda ko‘rsatilgan ma'lumotlarni o‘rganadilar.
3bosqich Informasion (55 minut)	3.1. Ma'ruza materiallarini ketma-ketlik bilan rejadagi savollar bo‘yicha izohlaydi, vizual ma'lumotlar va yo‘naltiruvchi savollar tizimini qo‘llaydi. Mavzuning muhim tomonlarini alohida e'tibor bilan yoritib beradi, ularni yozib olishni taklif qiladi.	3.1. Berilgan ma'lumotlar-ni mazmunini muhokama qiladilar, aniqlik kiritadilar, savollar beradilar. Asosiylarini yozib oladilar.
4 bosiq Yakuniy (10 minut)	4.1. Ma'lum bir klinik xolatlardan foydalangan xolda bir qator savollar beradi. 4.2. Mustaqil ishlash uchun vazifalar beradi.	4.1. Savollarga javob beradilar. 4.2. Tinglaydilar, yozib oladilar.

Mavzuni asoslash: Oyoq venalarining varikoz kasalligi (varicus venus cruris) – deganda ular bo‘shlig‘ining qopsimon kengayishi, teri osti venalari uzunligining oshishi va ilonsimon egri-bugri bo‘lib qolishi tushuniladi. Bu kasallikda zarar-langan oyoqda venoz qon aylanishining buzilishi va trofik o‘zgarishlar kuzatiladi. Ushbu xastalik yuzaki venalarning butun uzunligida joylashuvi mumkin, chuqur venalarning zararlanishi mumkinligi ham aniqlangan.

Oyoq venalarining varikoz kengayishi aholining 17-37% da kuzatiladi. Shifoxonalarda u xirurgik bemorlarning umumiy sonini nisbatan 2,0-3,3% ni tashkil etadi. Ayollar erkaklarga qaraganda 3 marta ko‘proq kasallanadilar. V.S.Savelev va E.P.Dumpe (1970) aholining 15-20% vena kasalliklari bo‘yicha operasiya usulida davo qilinishga muhtoj deb hisoblaydilar.

Ma'ruza maqsadi: talabalarga varikoz kasalligi bo‘yicha tushuntirish berish, uning epidemiologiyasi va etiopatogenezi, ushbu kasallikning klinik manzarasi va asoratlarini yoritish, diagnostika va differensial diagnostikasi, zamonaviy davolash usullari bilan tanishtirish.
Tarbiyaviy maqsadlar: Varikoz kasalligi, uning bo‘lishi mumkin asoratlari va ularni oldini olish xamda davolash bo‘yicha talabalarni bor bilimlari diapazonini kengaytirish, klinik fikrlash kobiliyatini rivojlantiradi, talabalarni amapliy mashgulotlarga tayerlashdan iborat.
Ma'ruza masalalari: Varikoz kasalligi bo‘yicha tushuntirish berish, varikoz kasalligi etiopatogenezi va tasnifi, ushbu kasallikning klinik manzarasi va asoratlarini yoritish, diagnostika va differensial diagnostikasi, varikoz kasalligi zamonaviy davolash usullarini yoritish.

Muhokamaga muxtoj bo‘lgan savollar va ularga ajratilgan vaqt:

1. 
   Motivasiya, mavzuni asoslash – 5 min.
   
2. 
   Qisqacha anatomo-fiziologik ma'lumotlar – 15 min.
   
3. 
   Oyoq venalarining holatini aniqlash uchun sinamalar – 10 min.
   
4. 
   Varikoz kasalligining etiopatogenezi – 10 min.
   
5. 
   Varikoz kasalligining klinik manzarasi – 10 min.
   
6. 
   Diagnostika va differensial diagnostika – 10 min.
   
7. 
   Varikoz kasalligini davolash – 15 min.
   
8. 
   Varikoz kasalligining asoratlari – 10 min.
   
9. 
   Kasallik profilaktikasi – 5 min.
   

Qayta aloqa o‘rnatish uchun auditoriyaga beriladigan savollar:

1. Venoz tizimning qanday anatomik xususiyatlari mavjud?

2. Venalarda qon oqimining mexanizmi.

3. Troyanov-Trendelenburg sinamasi.

4. Gakenbrux sinamasi.

5. Pratta-1 sinamasi.

6. Pratta-2 sinamasi.

7. Uch jgutli sinama.

8. Delbe-Pertes marsh sinamasi.

9. Varikoz kasalligining tasnifi.

10. Varikoz kengaygan venalar skleroterapiyasini bajarish texnikasi.