Давлатчилик тарихи. Маъруза матни 3-курс 1-Мавзу. Сўнги ўрта асрларда Ўзбек хонликлари

4-машғулот
1.Таълим тизими ислоҳатлари ва кадрлар тайёрлаш
Умумий, ўрта, ўрта махсус таълим тизими

Мустақилликнинг илк йилларида таълим тизими. Маданий-маънавий ривожланишнинг энг муҳим пойдевори - таълим тизимидир. Чунки, замон талабларига жавоб берадиган, илғор фан-техника, технология ютуқларини эгаллаб олган кадрларни етиштирмасдан жамиятни юксалтириб бўлмайди. Ўзбекистонда 1992 йил 2 июлда “Таълим тўғрисида”ги қонун қабул қилинди. бу дастуриламал ҳужжатда таълим соҳасидаги давлат сиёсатининг асосий тамойиллари, таълим тизими, унинг бошқарув таркиби, педагог ходимларнинг бурч ва масъулиятлари аниқ белгилаб берилди. Мустақилликнинг дастлабки йилларида 10 мингдан ортиқ халқ таълими ходимларига давлат уйлари, 22 мингдан ортиқ ходимга эса ташкилот ва муассаса тасарруфидаги уйлар бепул хусусийлаштириб берилди. 50 мингдан ортиқ педагог ходимга шахсий қурилиш учун ер майдонлари ажратилди. Қишлоқларда истиқомат қиладиган педагог ходимларнинг ҳаммаси коммунал хизмат учун тўловлардан озод этилди, шаҳарликлар унинг 50 %и миқдорида тўлаб бордилар. Кейинчалик коммунал хизмат бўйича бу имтиёзлар ойлик маошларига қўшиб бериладиган компенцсация билан алмаштирилди.

Умумий таълим 1992 йилдаги қонунга мувофиқ 3 босқичда амалга оширила бошланди: I босқич - бошланғич таълим (1-4 синф); II босқич – асосий (таянч) мактаб (4-9 синф); III босқич – юқори ўрта мактаб (10-11 синф).
Ўзбекистон Республикаси Олий Мажлисининг 1996 йил декабрдаги қарори билан 1-октябр – “Ўқитувчилар ва мураббийлар куни” деб белгиланди, бу кун байрам сифатида дам олиш куни деб эълон қилинди. 1997 йилдан бошлаб ҳар йили 1 октябр “Ўқитувчилар ва мураббийлар куни” сифатида нишонланиб келинмоқда. Ўзбекистонда барча жинси, тили, ёши, ирқий, миллий мансублиги, эътиқоди, динга мансублиги, ижтимоий келиб чиқиши, хизмат тури, ижтимоий мавқеи, турар жойидан қатъий назар, ҳар кимга билим олишда тенг ҳуқуқлар кафолатланди.