Davlat xavfsizlik xizmati akademiyasiga nomzodlarni saralash test sinovlari

---

Davlat xavfsizlik xizmati akademiyasiga nomzodlarni saralash test sinovlari 
2023-2024-o‘quv yilida Amir Temur nomidagi O‘zbekiston Respublikasi 
Davlat xavfsizlik xizmati akademiyasiga nomzodlarni saralash uchun test sinovlari 
2022-yil 15-noyabrdan 15-dekabrga qadar kuniga ikki smenada o‘tkaziladi. 
Nomzod o‘zi tanlagan hududda tashkil etiladigan test sinovlarida ishtirok 
etish va test sinovlarini o‘zbek, rus, qoraqalpoq tilida topshirish huquqiga ega 
bo‘lib, bularni ro‘yxatdan o‘tish davomida qayd etadi. 
Test sinovlarini o‘tkazishning aniq sanasi va joyi nomzodlarni ro‘yxatga olish 
yakunlangandan so‘ng Davlat test markazi tomonidan Davlat xavfsizlik xizmati 
bilan kelishilgan holda e’lon qilinadi. 
Test sinovlari ona tili (o‘zbek, rus, qoraqalpoq), matematika, O‘zbekiston 
tarixi va chet tili (nomzod tomonidan ro‘yxatdan o‘tish vaqtida tanlanadi) fanlaridan 
o‘tkaziladi. 
Bunda nomzodlarga jami 90 ta test topshirig‘i va ularni ishlash uchun javoblar 
varaqasini to‘ldirish bilan birga 3 soat (har 30 ta test topshirig‘iga 1 soat) vaqt 
ajratiladi. 
Chet tili bo‘yicha B2 va undan yuqori darajadagi milliy va xalqaro sertifikatga 
ega nomzodlar chet tili bo‘yicha imtihondan ozod qilinadi va ularga shu fan 
doirasida olish mumkin bo‘lgan maksimal ball beriladi. Test sinovi vaqtida esa 60 
ta test topshirig‘i uchun 2 soat vaqt ajratiladi. 
Test sinovida to‘plash mumkin bo‘lgan maksimal ball – 249 ball bo‘lib, test 
sinovi o‘tkaziladigan fanlar bo‘yicha quyidagicha taqsimlanadi: 

ona tili – 15 ta test topshirig‘i (1-qiyinlik darajasida), har bir tog‘ri javob 
uchun 2,1 balldan (jami 31,5 ball); 

matematika – 15 ta test topshirig‘i (1-qiyinlik darajasida), har bir tog‘ri javob 
uchun 2,1 balldan (jami 31,5 ball); 

O‘zbekiston tarixi – 30 ta test topshirig‘i (1-2-3-qiyinlik darajalarida), har bir 
tog‘ri javob uchun 3,1 balldan (jami 93 ball); 

chet tili – 30 ta test topshirig‘i (1-2-3-qiyinlik darajalarida), har bir tog‘ri 
javob uchun 3,1 balldan (jami 93 ball). 
Davlat test markazi tomonidan beriladigan umumta’lim fanini bilish darajasi 
to‘g‘risidagi sertifikatga ega bo‘lgan nomzodlarga test sinovlarida sertifikatdagi 
o‘zlashtirish foiziga mos ravishda ushbu umumta’lim fanidan belgilangan maksimal 
ballga nisbatan tabaqalashtirilgan (proporsional) ball beriladi hamda ular ushbu 
fandan test sinovi topshirmaydi.