Davlat va jamiyat

Mustaqillik yilnomasi 1998

DAVLAT VA JAMIYAT

 

7 yanvar. O‘zbekiston Respublikasi Qonuni bilan 1997 yil 26 dekabrda tasdiqlangan O‘zbekiston Respublikasi "Bojxona kodeksi" e’lon qilindi. Bojxona kodeksi Oliy Majlis qarori bilan 1998 yil 1 yanvardan kuchga kiritildi. 2 fevral. O‘zbekiston Respublikasi Vazirlar Mahkamasi "Oila" Respublika ilmiy-amaliy markazini tashkil etish to‘g‘risida" Qaror qabul qildi.

15 may. O‘zbekiston Respublikasining Oliy Majlis IX sessiyasida qabul qilingan "Vijdon erkinligi va diniy tashkilotlar to‘g‘risida"gi Qonuni e’lon qilindi va kuchga kiritildi.

16 iyun. Toshkentda "Xotin-qizlarning ijtimoiy hayotdagi roli" mavzuida Markaziy Osiyo mintaqaviy uchrashuvi bo‘ldi. Uchrashuvda davlat organlari, jamoat birlashmalari rahbarlari, Markaziy Osiyo mamlakatlari va Ozarbayjon parlamentariylari, xalqaro tashkilotlarning vakillari hamda O‘zbekistondagi bir qator davlatlarning favqulodda va muxtor elchilari, Buyuk Britaniya, Norvegiya, Rossiya, Turkiya, AQShdan xotin-qizlar masalalari bo‘yicha ekspertlar ishtirok etdi.

17 avgust. O‘zbekiston Respublikasi Prezidenti "El-yurt hurmati" ordenini ta’sis etish to‘g‘risida" Farmon chiqardi.

9 dekabr. O‘zbekiston Respublikasi Prezidenti Islom Karimov "Xotin-qizlarning oila, davlat va ijtimoiy qurilishdagi rolini kuchaytirish, ularning huquqiy, ijtimoiy, iqtisodiy va ma’naviy manfaatlarini himoya qilish tizimini takomillashtirish bo‘yicha aniq chora-tadbirlar dasturini ishlab chiqish maqsadida, 1999 yili Ayollar yili deb e’lon qilinishi munosabati bilan Respublika komissiyasi tuzish to‘g‘risida" Farmon chiqardi.

IQTISODIYOT

 

16 yanvar. Berlin Xalqaro kongress markazida "Xalqaro yashil haftalik" qishloq xo‘jaligi ko‘rgazmasi tantanali ravishda ochildi. Bu an’anaviy tadbir doirasida Germaniyaning qishloq xo‘jaligi mahsulotlari va oziq-ovqat sanoati sohasidagi sheriklari taqdimoti tashkil etildi. Uning ishida O‘zbekiston delegatsiyasi ishtirok etdi. Bu Xalqaro ko‘rgazma doirasida "O‘zbekiston iqtisodiy sherik - oziq-ovqat sanoati sohasida savdo va kooperatsiya imkoniyatlari" mavzuida konferensiya bo‘lib o‘tdi. Unda GFRning yuzdan ortiq firma va kompaniya vakillari qatnashdi.

 
Yanvar. Gulistonda "Lechiva farmsanoat" o‘zbek-chex korxonasi ishga tushirildi. U O‘zbekiston Ijtimoiy ta’minot vazirligi va Chexiyaning kardiologiya, nevrologiya, dermotologiyada foydalaniladigan dori-darmonlar hamda boshqa noyob dorilar ishlab chiqaradigan "Lechiva" aksionerlik jamiyati tomonidan tashkil etildi.

Yanvar. Namangandagi o‘zbek-german qo‘shma korxonasida yuqori sifatli qog‘ozning dastlabki sinov turkumi olindi. Bu Markaziy Osiyoda paxtani qayta ishlash sanoati chiqindisi - lint asosida ishlaydigan hozircha yagona korxonadir.

7 fevral. O‘zbekiston Respublikasi Vazirlar Mahkamasi "Qishloq xo‘jalik korxonalari sanatsiyasini o‘tkazish chora-tadbirlari to‘g‘risida" Qaror qabul qildi.

Fevral. "Toshkent traktor zavodi" Davlat aksionerlik jamiyatida "Amerikan mobil grupp" firmasi bilan birgalikda 22 va 32 ot kuchiga ega bo‘lgan ikki turdagi mini traktorlar va ularga uskunalar komplektlarini ishlab chiqaradigan qo‘shma korxona tashkil etildi.

Fevral. Jizzaxdagi plastmassa zavodida polietilen plyonka ishlab chiqaradigan sex ishga tushirildi.

Fevral. "Buxoroagromashservis" aksionerlik jamiyatining ta’mirlash zavodida chigitni plyonka ostiga ekishga mo‘ljallangan seyalka va chizellar ishlab chiqarish yo‘lga qo‘yildi.

5-11 mart. Berlinda Xalqaro turistik yarmarka bo‘lib o‘tdi. Unda jahonning 170 mamlakati, shu jumladan, O‘zbekiston Rsepublikasi ham ishtirok etdi.

9 mart. Jenevada O‘zbekistonning "O‘zbekpaxtamash" korporatsiyasiga "Eng yaxshi savdo markasi uchun" Xalqaro sovrinini topshirish marosimi bo‘lib o‘tdi. Bu sovrin har yili Xalqaro "Savdo peshqadamlari klubi" tomonidan sanoat kompleksi korxonalariga berib boriladi.

9-10 mart. Toshkentda savdo-iqtisodiy hamkorlik bo‘yicha O‘zbekiston-Shveytsariya qo‘shma komissiyasining majlisi bo‘lib o‘tdi. Unda O‘zbekistonning Jahon savdo tashkiloti (JST)ga kirishiga tayyorgarlik ko‘rish, Orolning ekologik fojeasi oqibatlarini tugatish, Shveytsariya firmalari va kompaniyalarining qo‘shma loyihalardagi ishtirokini jadallashtirish, xalqaro tashkilotlar doirasidagi hamkorlik bilan bog‘liq masalalar muhokama qilindi.

Uchrashuv so‘ngida komissiya majlisi yakunlari bo‘yicha Protokol, shuningdek, Nukus shahrida kanalizatsiya tizimini qayta qurish loyihasini amalga oshirishda moliyaviy yordam ko‘rsatish to‘g‘risida O‘zbekiston va Shveytsariya hukumatlari o‘rtasidagi Bitim imzolandi.

Mart. Namangandagi "Nambum" o‘zbek-german qo‘shma korxonasi konveyyeridan yozuv qog‘ozining sinov turkumi chiqarildi. Qorxona yiliga besh ming tonna qog‘oz ishlab chiqaradi.

Mart. Toshkentda "Biznes va bank ishi sohasida yangi axborot texnologiyalari" mavzuida ikki kunlik Xalqaro seminar bo‘lib o‘tdi. Unda O‘zbekiston, Qozog‘iston, Qirg‘iziston, Tojikiston, Turkmaniston vakillari bilan bir qatorda Buyuk Britaniya, Fransiya, Belgiya va Gretsiyadan ham mutaxassislar ishtirok etdi.

Mart. Toshkent viloyatining Qibray tumanida sut mahsulotlari ishlab chiqaradigan o‘zbek-isroil qo‘shma korxonasi ishga tushirildi.

Mart. Qo‘qon elektr mashinasozlik zavodida Asakadagi "O‘zDEUavto" korxonasida tayyorlanadigan avtomobillar uchun ehtiyot qismlar, shu jumladan, "Neksiya" va "Tiko" avtomashinalariga davlat nomerlari o‘rnatish uchun maxsus moslamalar, "Damas" avtomobili uchun isituvchi pech korpusi, "Tiko" uchun akkumulyator tutqichlari ishlab chiqarish yo‘lga qo‘yildi.

22 aprel. O‘zbekiston Respublikasi Vazirlar Mahkamasi "Dehqon va fermer xo‘jaliklari Assotsiatsiyasi faoliyatini tashkil etish to‘g‘risida" Qaror qabul qildi.

19-21 may. Toshkenta "Neft va gaz-98" va "O‘zMIN-98" ikkinchi O‘zbekiston Xalqaro ko‘rgazmsi bo‘lib o‘tdi.

26 may. Andijon "Tiko", "Neksiya" avtomobillari va "Damas" mikroavtobuslari uchun benzobaklar, shuningdek, buyumlar ishlab chiqaradigan "O‘zSEMYUN K" o‘zbek-koreys qo‘shma korxonasining ochilish marosimi bo‘ldi.

May. Navoiy viloyatida Qizilqum fosforit kombinatining birinchi navbati ishga tushirildi.

May. Andijon viloyatining Jalolquduq tumanida elektr dvigatellar va qishloq xo‘jalik texnikasi uchun yopiq podshipniklar ishlab chiqaradigan "Topaz" O‘zbekiston-Rossiya qo‘shma korxonasi tashkil etildi.

16 iyun. Toshkent aeroportiga "Buxoro" Yevroaerobusi birinchi marta qo‘ndi. Bu "O‘zbekiston havo yo‘llari" aviakompaniyasi uchun Tuluza aviatsiya zavodida qurilgan uchinchi "A-310" layneridir.

24-27 avgust. Toshkentda "Xalq iste’moli mollari ishlab chiqarish va qishloq xo‘jalik mahsulotlarini qayta ishlash bo‘yicha mini-texnologiya va kompakt jihozlar" Xalqaro ko‘rgazmasi bo‘lib o‘tdi.

avgust. O‘zbekiston Respublikasi Milliy banki Osiyo-Tinch okeani mintaqasining 200 ga yaqin yetakchi banklarini birlashtiruvchi osiyo banklari Assotsiatsiyasining haqiqiy a’zosi sertifikatini oldi.

avgust. Qashqadaryo viloyati Muborak tumanida 45 ming tonna xom ashyoni qayta ishlashga qodir paxta tozalash zavodi foydalanishga topshirildi.

28 sentyabr. Toshkentda osiyo Taraqqiyot bankining doimiy vakolatxonasi ochildi.

30 sentyabr. Hazoraspdagi qo‘shma o‘zbek-turk qand zavodida dastlabki tonna mahsulotlar olindi.

Sentyabr. Qohirada "Sahroyi Kabir-98" yillik Xalqaro ko‘rgazma bo‘lib o‘tdi. Unda O‘zbekiston qishloq xo‘jalik mashinasozligining yetakchi korxonalari, chunonchi, Traktor, "Toshqishloqmash""kabi zavodlar ishtirok etdi.

5-6 oktyabr. Toshkentda "Bozor iqtisodiyoti asoslarini yaratishning o‘zbekcha modeli" mavzuida Xalqaro ilmiy-amaliy konferensiya bo‘lib o‘tdi. Unda BMT, Jahon banki, Xalqaro valyuta jamg‘armasi vakillari, Finlyandiya, Gollandiya, AQSH, Yaponiya, Rossiyadan mutaxassislar ishtirok etdi. Konferensiya davomida vatanimiz hamda xorijlik olim va mutaxassislar mustaqillik yillarida O‘zbekistonning bosib o‘tgan yo‘li, bozor iqtisodiyoti asoslarining shakllanish jarayonini atroflicha tahlil qildilar va bozor islohotlarini chuqurlashtirishning bundan keyingi yo‘nalishlarini belgilab oldilar.

14 oktyabr. Transosiyo-Yevropa tolali-optik kabelli magistralini tijorat maqsadida foydalanishga topshirish marosimi bo‘lib o‘tdi. Magistral 27 ming kilometr uzunlikda bo‘lib, 20 ta davlat, shu jumladan, Markaziy Osiyo respublikalari hududlaridan o‘tadi va Xitoyning Shanxay shahrini Germaniyaning Frankfurt-na-Mayn shahri bilan ulaydi. Magistralning O‘zbekiston shaharlari (Toshkent-Jizzax-Samraqand-Buxoro-Olot) bo‘ylab o‘tgan milliy bo‘g‘ini 900 kilometrdan oshiqroqni tashkil etadi.

Oktyabr. Farg‘ona mexanika zavodida Asaka shahrida chiqadigan "Neksiya", "Damas" va "Tiko" avtomobillari uchun to‘rt xil disk ishlab chiqarish bo‘yicha yangi sex ochildi.

Noyabr. Parijda O‘zbekistonning bir qator korxona va tashkilotlari, shu jumladan, "Sharq" nashriyot-matbaa konserni, "O‘zulgurjibirjasavdo" aksionerlik assotsiatsiyasi, "O‘zkimyofarm", "Biznes-fond", "Transbank" birlashmalari Fransiya sanoat hamkorligi assotsiatsiyasining oltin medallari bilan taqdirlandi.

Noyabr. O‘zbekistonning "Farmed" xususiy firmasiga xalqaro mukofot - "Sifat oltin yulduzi" topshirildi. Mukofotlash tantanali marosimi jahonning 60 mamlakatidan bir qator firmalar faoliyatini tahlil qilgan saralash komissiyasi natijalari yakuniga muvofiq Parijning "Konkord-Lafayen" zalida bo‘lib o‘tdi.

Dekabr. Shahrisabzda "O‘zdonrobita" O‘zbekiston-Amerika korxonasining uyali telefon stansiyasi foydalanishga topshirildi. U Kitob, Shahrisabz, Yakkabog‘ va Chiroqchi tumanlaridagi hamda qisman Qamashi va G‘uzor tumanlaridagi abonentlarga xizmat qiladi. Shunday qilib, "O‘zdonrobita"ning xizmat ko‘rsatish tarmog‘i viloyatning deyarli barcha mintaqalarini qamrab oladi.

Dekabr. Pekinda savdo-iqtisodiy hamkorlik bo‘yicha O‘zbekiston-Xitoy hukumatlararo komissiyasining majlisi bo‘ldi. Unda ikki tomonlama aloqalarni bundan keyin ham rivojlantirish, chuqurlashtirish va kengaytirish tadbirlari ko‘rib chiqildi.

TASHQI SIYOSAT

 

5-6 yanvar. O‘zbekiston Respublikasi Prezidenti Islom Karimov Ashgabadda bo‘ldi. U yerda Markaziy Osiyoning besh mustaqil davlati - O‘zbekiston, qozog‘iston, qirg‘iziston, Tojikiston va Turkmaniston Prezidentlarining uchrashuvi bo‘lib o‘tdi.

 
Uchrashuv yakuni bo‘yicha qabul qilingan Ko‘shma Bayonotda tomonlar uzoq muddatli sheriklikka asoslangan va besh davlat milliy manfaatlariga javob beradigan do‘stona, tenghuquqli va o‘zaro foydali munosabatlarni rivojlantirishni hamda mintaqada xavfsizlikni va barqarorlikni chu-qurlashtirishga og‘ishmay amal qilajaklarini tasdiqladilar.

26 yanvar. Toshkentda O‘zbekiston Respublikasi Prezidenti Islom Karimovga G. Plexanov nomidagi Rossiya Iqtisodiyot Akademiyasi faxriy doktori diplomini topshirish marosimi bo‘lib o‘tdi. Rossiya Iqtisodiyot Akademiyasi prezidenti Vitaliy Bidyapin Islom Karimovning ilmiy sohadagi buyuk xizmatlari to‘g‘risida so‘zlab berdi va unga ana shu xizmatlari uchun bu yuksak ilmiy unvon berilganligini ma’lum qildi. Davlatimiz rahbariga G. Plexanov nomidagi Rossiya iqtisodiyot Akademiyasining faxriy doktori diplomi, shuningdek, an’anaga ko‘ra, doktorlik mantiyasi va esdalik medali topshirildi.

28 yanvar. Samarqandda "Xalqaro inson huquqlari va O‘zbekiston sharoitida ularning qo‘llanishi" mavzuida Xalqaro seminar bo‘lib o‘tdi. Unda sud, prokuratura, ichki ishlar idoralari vakillari, shuningdek, BMT mutaxassislari ishtirok etishdi.

5 fevral. Amerikaning "Shattl-Endever" kosmik kemasi parvozi muvaffaqiyatli yakunlandi va unda Amerika astronavtlari bilan birga o‘zbek kosmonavti Solijon Sharipov ham ishtirok etdi. Prezident Islom Karimov uni bu tarixiy parvozi va yerga eson-omon qaytib tushganligi munosabati bilan tabrikladi.

3 aprel. O‘zbekiston Respublikasi Prezidenti Islom Karimov Yevropa Tiklanish va taraqqiyot bankining direktorlar kengashi ijrochi direktori Vilgelm Yaggi boshchiligqdagi delegatsiyani qabul qildi.

Suhbat chog‘ida O‘zbekiston bilan YETTB o‘rtasvdagi aloqalarni yanada kengaytirish, birgalikda amalga oshiriladigan loyihalar, shuningdek, ikki tomonlama hamkorlikning ustuvor yo‘nalishlari bilan bog‘liq ma|salalar yuzasidan fikr almashinildi.

15 aprel. O‘zbekiston Respublikasi Prezidenti Islon Karimov AqSH kongressi senatori Sem Braunbekni qabul qiddi.

Suhbat davomida Buyuk Ipak yo‘li strategiyasi bilan bog‘liq masalalar, shu loyiha doirasida mintaqaviy xavfsizlik muammolarini hal etish hamda o‘zaro munosabatlarni mustahkamlash masalalari muhokama qilindi.

28-29 aprel. O‘zbekiston Respublikasi Prezidenti Islom Karimov Moskvada Mustaqil Davlatlar hamdo‘stligiga a’zo davlatlar boshliqla-rining navbatdagi uchrashuvida ishtirok etdi.

5-7 may. O‘zbekiston Respublikasi Prezidenti Islom Karimov Prezident Boris Yelsinning taklifiga binoan rasmiy tashrif bilan Rossiya Federatsiyasida bo‘ldi.

Muzokaralar ikki Prezidentning suhbati bilan boshlandi. Ular ikki davlatning hozirgi siyosiy va iqtisodiy ahvoli, ularni yanada rivojlantirish yo‘llari, xalqaro vaziyat, jumladan, Tojikiston va Afg‘onistondagi vaziyat bilan bog‘liq masalalar bo‘yicha fikrlar almashdilar.

So‘ngra kengaytirilgan tarkibda O‘zbekiston va Rossiya rasmiy delegatsiyalarining muzokaralari bo‘lib o‘tdi.

19 may. Bonnda O‘zbekiston Respublikasi hukumati bilan Germaniyadagi eng nufuzli va qadimiy Fridrix Ebert nomli jamg‘arma o‘rtasida Bitim imzolandi.

Bitim iqgisodiyot, ilm-fan, ta’lim, ijtimoiy sohadagi, atrof-mu-hitni muhofaza qilish, ommaviy axborot vositalarini rivojlantirish, davlat xizmatchilari va jurnalist kadrlar tayyorlash, qo‘shma loyihalarni amalga oshirish kabi hamkorlikning turli shakl va vositalarini rivoj-lantirishni nazarda tutadi.

10 iyun. Prezident Islom Karimov boshliq O‘zbekiston delegatsiyasi Qozog‘istonning yangi poytaxti - Ostona shahrining Xalqaro taqdimotida ishtirok etdi. Islom Karimov tantanali yig‘ilishda nutq so‘zladi va qozog‘iston xalqini yangi poytaxti bilan samimiy qutladi.

8 sentyabr. Bokuda "Buyuk Ipak yo‘li"ni tiklashga bag‘ishlangan Xalqaro konferensiya bo‘lib o‘tdi, unda o‘ttizdan ortiq mamlakatlar va bir qancha xalqaro tashkilotlar vakillari qatnashdi. Konferensiyada O‘zbekiston Respublikasi Prezidenti Islom Karimov nutq so‘zladi. Konferensiya yakuni yuzasidan bir qator hujjatlar, jumladan, xalqaro transport to‘g‘risidagi, Yevropa-Kavkaz-Osiyo transport yo‘lini rivojlantirish bo‘yicha ko‘p tomonlama Bitim, Boku Deklaratsiyasi imzolandi.

14-16 sentyabr. O‘zbekiston Respublikasi Prezidenti Islom Karimov davlat tashrifi bilan Isroilda bo‘ldi.

Ikki mamlakat rasmiy delegatsiyalari muzokaralari yakuni bo‘yicha Prezident Islom Karimov va Bosh vazir Benyamin Netanyax ikki yoqlama soliq undirishga barham berish, daromad va kapitalga soliq to‘lashdan bosh tortishning oldini olish, savdo-iqgisodiy hamkorlik to‘g‘risidagi Bitimlar, shuningdek, ikki davlat o‘rtasida atrof-muhitni himoya qilish, qishloq xo‘jaligi, texnika, soliq va sog‘liqni saqdash sohalarida ham-korlik qilish to‘g‘risidagi Bitimlarni imzolashdi.

11-12 oktyabr. Rossiya Federatsiyasi Prezidenti Boris Yelsin davlat tashrifi bilan O‘zbekistonda bo‘ldi. Do‘rmon qarorgohida yuksak martabali mehmonni rasmiy kutib olish marosimi bo‘lib o‘tdi, so‘ngra Prezident-larning yakkama-yakka uchrashuvi bo‘ldi. Suhbat davomida davlatlarimiz o‘rtasidagi har tomonlama aloqalarni, mintaqaviy va global xavfsizlikni yanada kengaytirish, shuningdek, boshqa muhim masalalar yuzasidan fikr almashuvlar bo‘ldi.

12 oktyabr. Muzokaralar yakunida O‘zbekiston Respublikasi Prezidenti Islom Karimov va Rossiya Federatsiyasi Prezidenti Boris Yelsin 1998-2007 yillarga mo‘ljallangan O‘zbekiston va Rossiya Federatsiyasi o‘rtasidagi iqtisodiy hamkorlikni chuqurlashtirish to‘g‘risidagi Shartnoma, Afg‘onistondagi vaziyat bo‘yicha O‘zbekiston Respublikasi va Rossiya Federatsiyasi Prezidentlarining qo‘shma Bayonoti imzolandi. Shuningdek, Rossiya Federatsiyasi Prezidentining mamlakatimizga qilgan rasmiy tashrifi yakunlari bo‘yicha qo‘shma Kommyunike qabul qilindi.

29 oktyabr. Turkiyada turk xalqining milliy bayrami - mamlakat Respublika deb e’lon qilinganligining 75 yilligi nishonlandi. Bu tantanalarda O‘zbekiston Respublikasi Prezidenti Islom Karimov qatnashdi.

6 noyabr. Toshkentda 19 oktyabrda Parijda ochilgan YUNESKO Ijroiya kengashi 155-sessiyasining yakunlovchi majlisi bo‘lib o‘tdi. Majlisni YUNESKO Ijroiya kengashining raisi Pal Pataki ochdi. Sessiyada O‘zbekiston Prezidenti Islom Karimov nutq so‘zladi. Sessiyada so‘zga chiqqan YUNESKO Bosh direktori Federiko Mayor Islom Karimovni Abu Ali ibn Sino nomidagi Oltin medalga sazovor bo‘lganligi bilan tabrikladi hamda O‘zbekiston Prezidentiga medalni topshirib, davlatimiz boshlig‘i insoniy g‘oyalarni sharaflagani, madaniy boyliklarni saqlashdagi va ilmiy merosni o‘rganishdagi xizmatlari uchun ushbu mukofotga sazovor bo‘lganligini ta’kidladi.

IJTIMOIY HAYOT

 

Ta’lim. Fan 24 fevral. O‘zbekiston Respublikasi Vazirlar Mahkamasi "Akademik litseylar va kasb-hunar kollejlarini tashkil etish hamda boshqarish to‘g‘risida" Qaror qabul qildi.

Fevral. "Sharq" nashriyot-matbaa konserni "Inson baxt uchun tug‘iladi" to‘plamini chiqardi. Kitobga Prezident Islom Karimovning asarlari va nutqlaridan shunday iboralar jamlanganki, ular o‘zining obrazliligi, lo‘ndaligi bilan ajralib turadi va hikmatli so‘zlarga aylanib qolgan. Ular O‘zbekiston mustaqillikka erishgandan so‘ng, keng ko‘lamli o‘zgarishlar yo‘liga qadam qo‘ygan jamiyatimiz hayotining barcha jihatlarini o‘zida aks ettiradi. To‘plam Oliy va o‘rta maxsus ta’lim vazirligining bir guruh mutaxassislari tomonidan tuzilgan va nashrga tayyorlangan.

Fevral. Toshkentda bir qator vazirliklar va idoralar, viloyat hokimiyatlari, xalqaro tashkilotlar va chet davlatlarning Toshkentda faoliyat ko‘rsatayotgan elchixonalarining rahbarlari ishtirokida "Ekoturizm va Buyuk ipak yo‘li" ilmiy konferensiyasi bo‘lib o‘tdi.

Mart. Jenevada bo‘lib o‘tgan ixtirolar, yangi texnologiyalar va mahsulotlarning XXVI Xalqaro ko‘rgazmasida O‘zbekiston o‘zining o‘nta ilmiy-texnikaviy ishlanmasini namoyish etdi va ularning barchasi nufuzli medallarga sazovor bo‘ldi.

Mart. Toshkentda Ahmad al-Farg‘oniyning 1200 yilligiga bag‘ishlangan ilmiy konferensiya bo‘lib o‘tdi. Unda olimlar, mutaxassislar, talabalar, Toshkentdagi Misr madaniy markazining xodimlari hamda diplomatik korpus vakillari qatnashdilar.

16 aprel. Buxoroda "Mustaqillik va ma’naviyat" mavzuida ilmiy-amaliy konferensiya bo‘lib o‘tdi.

Aprel. Dehlida "Ahmad al-Farg‘oniy va uning davri" mavzuida ilmiy-amaliy konferensiya bo‘lib o‘tdi. Unda Hindistonning yetakchi olimlari, diplomatik korpus vakillari, jurnalistlar, shuningdek, mazkur mamlakat o‘quv yurtlarida ta’lim olayotgan o‘zbek stajyorlari, aspirantlari va talabalari ishtirok etishdi.

13 may. O‘zbekiston Respublikasi Vazirlar Mahkamasi "O‘zbekiston Respublikasida umumiy o‘rta ta’limni tashkil etish to‘g‘risida" Qaror qabul qildi.

20-21 may. Toshkentda Prezident Islom Karimov "O‘zbekiston XXI asr bo‘sag‘asida: xavfsizlikka tahdid, barqarorlik shartlari va taraqqiyot kafolatlari" kitobida "Markaziy Osiyo xalqalri tarixi va tarixshunosligi masalalari" mavzuida ilmiy konferensiya bo‘lib o‘tdi.

avgust. O‘zbekiston Fan va texnika Davlat qo‘mitasi mukofotiga taqdim etilgan ilmiy ishlarning Respublika tanloviga yakun yasaldi.

2 sentyabr. Toshkentda O‘zbekiston Respublikasi Davlat bojxona qo‘mitasining bojxona kolleji ochildi.

16 sentyabr. Beruniy shahrida Abu Rayhon Beruniy hayoti va ilmiy faoliyatiga bag‘ishlangan Xalqaro simpozium bo‘lib o‘tdi. Unda Germaniya, Qozog‘iston va Qirg‘izistondan kelgan olimlar ishtirok etishdi.

6 noyabr. YUNESKOning O‘zbekistonda bo‘lib o‘tgan 155-sessiyasi ishtirokchilarining YUNESKO Bosh birektori Federiko Mayor boshchiligidagi bir guruhi Toshkent Davlat universitetida Mirzo Ulug‘bek nomidagi YUNESKO kafedrasi ochilishi marosimida ishtirok etishdi

Noyabr. Buxoroda viloyatda birinchi akademik litsey ochildi.

Madaniyat va ijtimoiy hayot

10 yanvar. 1997 yil 26 dekabrda qabul qilingan "Ommaviy axborot vositalari to‘g‘risida"gi O‘zbekiston Respublikasi Qonuni e’lon qilindi va kuchga kiritildi.

12 yanvar. O‘zbekiston Respublikasi Prezidenti Islom Karimov "Muzeylar faoliyatini tubdan yaxshilash va takomillashtirish to‘g‘risida" Farmon chiqardi.

13 yanvar. O‘zbekiston Respublikasi Vazirlar Mahkamasi "Alpomish" dostonining 1000 yilligini bayram qilish" to‘g‘risida Qaror qabul qildi.

15 yanvar. Moskvadagi yirik "Drofa" nashriyoti Islom Karimovning "O‘zbekiston XXI asr bo‘sag‘asida: xavfsizlikka tahdid, barqarorlik shartlari va taraqqiyot kafolatlari" kitobini nashr etdi.

30 yanvar. O‘zbekiston Respublikasi Oliy Majlisi "O‘zbekiston Respublikasi Prezidenti Islom Karimovni "Amir Temur" ordeni bilan mukofotlash to‘g‘risida" Qaror qabul qildi.

9 fevral. Toshkentda buyuk o‘zbek shoiri va mutafakkiri Alisher Navoiy tavalludining 557 yilligiga bag‘ishlangan an’anaviy konferensiya bo‘lib o‘tdi.

13 fevral. O‘zbekiston Respublikasi Prezidenti Islom Karimovning "Islohotlar va barqarorlik" nomli kitobi Anqarada "XX asr rahbarlari" turkumida turk tilida chop etildi. Turkiya Respublikasi Prezidenti Sulaymon Demirel va Turkiya Respublikasi Buyuk millat majlisi raisi Hikmat Chetin kitobga so‘z boshi yozishgan.

13 fevral. Toshkentda O‘zbekiston Respublikasi xalqaro madaniy-ma’rifiy aloqalar assotsiatsiyasida "O‘zbekiston - Daniya" do‘stlik jamiyatining ta’sis yig‘ilishi bo‘lib o‘tdi.

17 fevral. Toshkentda "O‘zbekiston - Slovakiya" do‘stlik jamiyatining ta’sis yig‘ilishi bo‘lib o‘tdi.

26 mart. O‘zbekiston Respublikasi Prezidenti Islom Karimov "O‘zbekiston teatr san’atini rivojlantirish to‘g‘risida" Farmon chiqardi.

Mart. Dehli va Chandigarh shaharlarining Javoharlal Neru va Kurukshetra nomli universitetlarida "Hindiston bilan O‘zbekiston madaniy aloqalari tarixi" mavzuiga bag‘ishlangan ikki kunlik seminar o‘tkazildi. Seminarda sharqshunoslik ilmiy-tadqiqot instituti direktori, akademik M.Xayrullayev boshchiligidagi o‘zbek olimlari delegatsiyasi qatnashdi.

1 aprel. Chet el mamlakatlari bilan do‘stlik va madaniy-ma’rifiy aloqalar jamiyati Kengashida "O‘zbekiston - Fransiya" do‘stlik jamiyatining ta’sis yig‘ilishi bo‘lib o‘tdi.

9 aprel. Mamlaktda Sohibqiron Amir Temur tug‘ilgan kuni keng nishonlandi. Poytaxtdagi tantanalar buyuk ajdodimiz nomi bilan ataluvchi xiyobonda o‘tkazildi. Samarqandda esa Go‘ri Amir maqbarasi yonida buyuk Amir Temur ruhiga ta’zim bajo keltirish marosimi bo‘lib o‘tdi.

15 may. Oliy Majlis tomonidan 1998 yil 1 mayda qabul qilingan O‘zbekiston Respublikasining "Vijdon erkinligi va diniy tashkilotlar to‘g‘risida"gi Qonuni (yangi tahrirda) e’lon qilindi va kuchga kiritildi.

18 iyun. "Tafakkur" jurnali bosh muharririning savollariga O‘zbekiston Respublikasi Prezidenti Islom Karimovning javoblari e’lon qilindi.

25 iyun. O‘zbekiston Respublikasi Prezidenti I.Karimovning "O‘zbekiston XXI asr bo‘sag‘asida: xavfsizlikka tahdid, barqarorlik shartlari va taraqqiyot kafolatlari" kitobi ivrit tilida nashr etilgani haqida xabar e’lon qilindi. Kitob taqdimoti Tel-Avivda bo‘lib o‘tdi va nafaqat ommaviy axborot vositalari xodimlarining emas, shu bilan birga, iqtisodchi olimlar, jamoat arboblari va diplomatlarining ham e’tiborini qozondi.

24 iyul. O‘zbekiston Respublikasi Vazirlar Mahkamasi "Ma’naviyat va ma’rifat sohasida islohotlarni yanada chuqurlashtirish va ular samardorligini oshirish chora-tadbirlari to‘g‘risida" Qaror qabul qildi.

24 iyul. Temuriylar tarixi Davlat muzeyiga O‘zbekiston Prezidentining sovg‘asini topshirish marosimi bo‘ldi. Bu XV asrda Ibn Arabshoh yozgan va XVII asrda Gollandiyada tarjima qilingan "Temur tarixining mo‘jizaviy taqdiri" kitobidir. Bu g‘oyat qimmatli kitobni Islom Karimovga O‘zbeistonda mehmon bo‘lgan yirik shveytsar kolleksioneri o‘z jamg‘armasidan in’om etdi.

20 avgust. Beruniy shahrida buyuk olim Abu Rayhon Beruniy muzeyi binosining poydevoriga birinchi g‘isht qo‘yish marosimi bo‘lib o‘tdi.

Sentyabr. Tennis bo‘yicha "Prezident kubogi" turniriga bag‘ishlangan pochta markasi "O‘zbekiston markasi" OTAJ tomonidan tayyorlanib, O‘zbekiston Respublikasi pochta va telekommunikatsiyalar agentligi tomonidan muomilaga chiqarildi.

9 oktyabr. Nurota shahrida "Alpomish" dostonining 1000 yilligiga bag‘ashlangan ilmiy-amaliy konferensiya bo‘lib o‘tdi. Unda olimlar va adabiyotshunoslar, o‘qituvchilar, jamoatchilik vakillari ishtirok etdi.

17 oktyabr. "O‘zbekiston" nashriyotida davlatimiz rahbari Islom Karimovning "O‘zbekiston buyuk kelajak sari" kitobi nashr etilgani haqida e’lon qilindi. Kitobga Prezidentimizning kitobxonlar tomonidan xolis baholangan mustaqillik yillaridagi eng dolzarb mavzulardagi asarlari o‘z aksini topgan.

23 oktyabr. Samarqandda buyuk mutafakkir Imom al-Buxoriyning 1225 yilligiga bag‘ishlangan tantanalar bo‘lib o‘tdi. Unda jahonning deyarli 40 mamlakatidan mehmonlar, jumladan, "Yunesko", "Al-Babtiyn" jamg‘armasi kabi nufuzli tashkilotlarning vakillari qatnashdi. "Afrosiyob" mehmonxonasining majlislar zalida "Imom al-Buxoriy va uning jahon madaniyatida tutgan o‘rni" mavzuida Xalqaro konferensiya bo‘lib o‘tdi. Shu kunning o‘zida Chelak tumanining Xartang qishlog‘ida Imom al-Buxoriy yodgorlik majmuining ochilish marosimi bo‘ldi. Uning ochilish marosimida Prezident Islom Karimov nutq so‘zladi.

24 oktyabr. Farg‘onada Ahmad al-Farg‘oniyning 1200 yillik yubiileyiga bag‘ishlangan tantanalar bo‘lib o‘tdi. Yubiley tantanalari "Jahon fanini rivojlantirishda Ahmad al-Farg‘oniyning roli" mavzuidagi Xalqaro konferensiya bilan boshlandi. So‘ngra Prezident Islom Karimov va yubiley ishtirokchilari Quvada bo‘ldilar.

Oktyabr. Almati shahrida Yevroosiyo Xalqaro kinofestivali bo‘lib o‘tdi. Unda o‘zbek kinorejissyori Malik Qayumovning "Go‘ri Amir" filmi MDH va Boltiqbo‘yi davlatlarining maxsus sovriniga sazovor bo‘ldi.

16 noyabr. O‘zbekiston Respublikasi Prezidenti Islom Karimov "Xalqaro Imom al-Buxoriy jamg‘armasini qo‘llab-quvvatlash to‘g‘risida" Farmon chiqardi.

Noyabr. "O‘zbekiston" nashriyotida "Adolat, Vatan va xalq manfaatlari hamma narsadan ustun" nomli yangi to‘plam nashr qilindi. Unga Prezident Islom Karimovning Samarqand va Navoiy viloyatlari xalq deputatlarining Navbatdan tashqari sessiyalarida so‘zlagan nutqlari, Prezidentning O‘zbekiston Respublikasi Teleradiokompaniyasi raisiga bergan intervyusi kiritilgan. To‘plam o‘zbek va rus tillarida chiqarildi.

Sog'liqni saqlash. Sport.

5 fevral. Respublikamizda faoliyat ko‘rsatayotgan "Toshfarm Amerikan Interneyshnl" qo‘shma korxonasi yangi infuzion preparatlar ishlab chiqa-rishga kirishdi. Ushbu dori-darmonlar gepatit, oshqozon-ichak anemiyasi kabi og‘ir xastaliklarni da’volashda qo‘llaniladi.

12 mart. O‘zbekiston Respublikasi Prezidenti Islom Karimov "Sa-nitariya qonunlarini buzganlik uchun javobgarlikni kuchaytirish to‘g‘risida" Farmon chiqardi.

14 mart. Gamburgda bo‘lib o‘tgan boks bo‘yicha Jahon birinchiligida tosh kentlik Artur Grigoryan nemis bokseri Marko Rudolfni yengib, jahon boksyorlar tashkiloti fikriga ko‘ra 61 kg gacha bo‘lgan vaznda professional boksyorlar ichida oltinchi marta Jahon chempioni unvoniga sazovor bo‘ldi.

6-9 aprel. Toshkentda "Sog‘liqni saqlash-98" IV Xalqaro ko‘rgazmasi bo‘lib o‘tdi. Ko‘rgazmada 20 ta davlatning yuzga yaqin farnatsevtika firmalari va kompaniyalari o‘z mahsulotlarini namoyish qilishdi.

22 may. O‘zbek alpinistlaridan birinchi bo‘lib Rustam Rajapov Jomolungmu (Everest) tog‘ining eng baland cho‘qqisini zabt etib, u yerda O‘zbekiston bayrog‘ini o‘rnatdi.

22-24 may. "Mustaqil O‘zbekiston Respublikasi Kubogi" uchun erkin va grek-rim kurashi bo‘yicha II Toshkent Xalqaro turniri bo‘lib o‘tdi. Sovrinlar uchun 184 kuchli kurashchi jang olib bordi. O‘zbekistonlik kurashchilar o‘z vazni bo‘yicha erkin kurash usulida 3 ta oltin va grek-rim kurashida esa 2 ta oltin medalni qo‘lga kiritdilar.

May. Toshkentda bolalardagi qandli diabet kasalligi muammolariga bag‘ishlangan Xalqaro seminar bo‘lib o‘tdi. Unda mamlakatimiz va xorijiy davlatlarning endokrinolog va pediatrlari ushbu kasallik diagnostikasi, uni davolash bilan bog‘liq dolzarb masalalarni muhokama qildilar.

13 iyun. O‘zbekiston Respublikasi Prezidenti Islom Karimovning "Sog‘liqni saqlash tizimini isloh qilish bo‘yicha davlat dasturini ishlab chiqish to‘g‘risidagi Farmoyishi e’lon qilindi.

29 iyul. Birlashgan Millatlar Tashkilotining Toshkentdagi vako-latxonasida O‘zbekistonning YUNISEF bilan 2000-2004 yillardagi ham-korlik qilish dasturi strategiyasi muhokamasiga bag‘ishlangan maslahat kengashi bo‘lib o‘tdi. Unda respublika xukumati, onalik va bolalikni muhofaza qilish masalalari bilan shug‘ullanuvchi milliy va xalqaro tash-kilotlarning vakillari ishtirok etdilar.

25 avgust. O‘zbekiston Respublikasi Prezidenti Islom Karimov "O‘zbekiston iftixori" faxriy unvonini ta’sis etish to‘g‘risida" Farmon chiqardi. Ushbu unvon Jahon chempionatlari, Olimpiya o‘yinlari va shu qabildagi yirik musobaqalarda yuksak sport natijalariga erishib, Vatan shon-sharafi, nufuzi va obro‘yini ko‘tarishga o‘z hissalarini qo‘shgan O‘zbekiston Respublikasi fuqarolarini rag‘batlantirish maqsadida ta’sis etildi.

6 sentyabr. Toshkentda kurash bo‘yicha navbatdagi ta’sis kongressi bo‘lib o‘tdi. Jahonning 27 mamlakatidan qatnashgan vakillar yakdillik bilan Xalqaro kurash assotsiatsiyasini tuzishni yoqlab ovoz berdilar. Uning prezidenti qilib Komiljon Yusupov, O‘zbekiston Assotsiatsiyasining fax-riy prezidenti qilib davlatimiz Boshlig‘i Islom Abdug‘aniyevich Karimov saylandi.

6-7 sentyabr. Toshkentda "O‘zbekiston Prezidenti Kubogi" uchun Xalq-aro kurash turniri bo‘lib, unda 20 ta mamlakatdan vakillar ishtirok etdi. O‘zbekiston Prezidenti Bosh sovrinini turkiyalik kurashchi Selim Tatar o‘g‘li qo‘lga kiritdi.

Oktyabr. Birlashgan Millatlar Tashkilotining O‘zbekistondagi va-kolatxonasida "SPIDga qarshi kurashda mamlakatga texnikaviy yordam ko‘rsatish" loyihasining taqdimoti bo‘lib o‘tdi.

10 noyabr. O‘zbekiston Respublikasi Prezidenti Islom Karimov "O‘zbekiston Respublikasida sog‘liqni saqlash tizimini isloh qilish davlat dasturi to‘g‘risida" Farmon chiqardi.