Davlat soliq xizmati organlari faoliyatiga oid savol-javoblar

 
46. Soliq solish ob’ekti haqida gapirib bering. 
Javob:
SKning 70-moddasi. Soliq solish ob’ekti mol-mulk, harakat, harakat natijasi yoki 
qiymat, miqdoriy yoki fizik xususiyatga ega bo‘lgan boshqa holat bo‘lib, u mavjud 
bo‘lganda soliq to‘g‘risidagi qonunchilik soliq to‘lovchida soliq majburiyatini vujudga 
keltiradi. 
Har bir soliq ushbu Kodeksning Maxsus qismiga muvofiq belgilanadigan mustaqil 
soliq solish ob’ektiga ega bo‘ladi. 

---

47. Agar yakka tartibdagi tadbirkor davlat ro‘yxatidan o‘tkazilmagan joyda 
tadbirkorlik faoliyatini amalga oshiradigan bo‘lsa daromad solig‘ining qat’iy 
belgilangan summasini qay tartibda to‘laydi? 
Javob: 
davlat ro‘yxatidan o‘tkazilmagan joyda tadbirkorlik faoliyatini amalga 
oshirsa, soliqni ro‘yxatdan o‘tkazilgan joyda va faoliyatni haqiqatda amalga oshirayotgan 
joyda belgilangan stavkalar orasida eng yuqori stavka bo‘yicha ro‘yxatdan o‘tkazilgan 
joyda to‘laydi. 
48. O‘zbekiston Respublikasi “Davlat soliq xizmati to‘g‘risida”gi qonuni 
qachon qabul qilingan? 
Javob: 
1997 yil 29 avgustda qabul qilingan. 
49. Fuqarolar qonun bilan belgilangan soliqlar va mahalliy yig‘imlarni 
to‘lashga majbur ekanligi qaysi qonun-hujjatida belgilangan? 
Javob:
Konstitutsiyamizning 51-moddasida fuqarolar qonun bilan belgilangan 
soliqlar va mahalliy yig‘imlarni to‘lashga majburligi aytib o‘tilgan. Shuningdek, Soliq 
kodeksida ham, soliq solish majburiylik prinsipiga asoslanishi ko‘rsatilgan. 
50. Transfert narxni belgilash to‘g‘risida gapirib bering. 
Javob: 
O‘zaro aloqador taraflar o‘rtasidagi bitimlarda shakllanadigan va (yoki) mustaqil 
shaxslar o‘rtasida bitimlar tuzilayotganda taqqoslanadigan iqtisodiy sharoitlarda 
qo‘llanilishi mumkin bo‘lgan xolis tarzda shakllanadigan narxdan farq qiladigan narx 
ushbu Kodeks maqsadida transfert narx deb tushuniladi. 
O‘zaro aloqador taraflar faoliyatining mustaqil shaxslar tomonidan 
taqqoslanadigan iqtisodiy sharoitlarda olinishi mumkin bo‘lgan sharoitlar va natijalardan 
farq qiladigan tijoratga oid va (yoki) moliyaviy sharoitlar va (yoki) natijalar ushbu 
Kodeksning maqsadida transfert narxni belgilash deb tushuniladi