Давлат солиқ хизмати органлари мансабдор

1168-савол. Қандай шахслар давлат солиқ хизмати органларига 
ишга қабул қилиниши мумкин? 
Жавоб: 
Солиқ органларида хизматга ўзларининг касб малакаси, 
ишчанлик, шахсий ва маънавий-ахлоқий сифатларига, маълумоти даражасига 
ва саломатлигига кўра солиқ органларига юкланган вазифаларни 
бажарилишини таъминлашга қодир бўлган Ўзбекистон Республикаси 
фуқаролари қабул қилинадилар.
Шунингдек, солиқ органларинг инспекторлар таркиби лавозимлари 
ўрта-махсус даражасидан кам бўлмаган иқтисодиёт, ҳуқуқ, компьютер 
технологиялари ва информатика таълими мутахассисликлари бўйича 
маълумотга эга бўлган шахслар томонидан танлов асосида эгалланади. 
Айрим ҳолларда солиқ органларига хизматга бошқа соҳаларда олий 
маълумотга эга бўлган, корхоналар ва алоҳида тармоқларга солиқ солиш ва 
уларнинг молиявий фаолияти таҳлил қилиш соҳасида зарурий билимларга, 
шунингдек иш тажрибасига эга бўлган ходимлар қабул қилиниши мумкин. 

---

216 
1169-савол. Давлат солиқ хизмати органларига хизматга қандай 
шахслар қабул қилинмайдилар? 
Жавоб: 
Вазирлар Маҳкамасининг 2019 йил 17 апрелдаги 320-сонли 
қарори билан тасдиқланган “Давлат солиқ хизмати органларида хизматни 
ўташ тўғрисида”ги Низомга мувофиқ, солиқ органларига: 
- Ўзбекистон Республикаси фуқароси бўлмаган; 
- жиноят содир этганлиги учун илгари судланган фуқаролар уларга 
нисбатан жазо қўлланилганлигидан, судланганлик ҳолати тугалланганлигидан 
ёки олиб ташланганлигидан ва амнистия акти қўлланилганлигидан қатъий 
назар; 
- белгиланган тартибда ҳуқуқий лаёқатли ёки ҳуқуқий лаёқати 
чекланган деб эътироф этилганлар; 
-меҳнат ҳақидаги қонунларга мувофиқ илгари иш берувчи ташаббуси 
билан давлат солиқ хизмати органларидан бўшатилган (Меҳнат кодексининг 
100-моддаси иккинчи қисмининг 1,2 ва 5-бандлари бўйича бўшатилган 
ҳолатлар бундан мустасно), шунингдек бошқа орган ва ташкилотлардан 
обрўсини тўкадиган ҳатти-ҳаракат содир этганлик учун бўшатилган шахслар 
хизматга қабул қилинмайдилар.