Давлат солиқ хизмати органлари мансабдор

55-савол. Юридик шахс ва ваколатхона (филиал) тушунчасига 
таъриф берининг. 
Жавоб: 
Алоҳида мол-мулкка эгалик қилувчи, хўжалик юритувчи ёки 
оператив бошқарувчи ҳамда ушбу мол-мулк бўйича ўз мажбуриятлари бўйича 
жавоб берадиган, ўз номидан мулкий ва шахсий номулкий ҳуқуқларга эга 
бўлиши ва амалга ошириши, мажбуриятлар зиммасида бўлиши мумкин бўлган 
ташкилот юридик шахс ҳисобланади, судда даъвогар ва жавобгар бўлади. 
Ваколатхона (филиал) - юридик шахснинг жойлашган жойидан 
ташқарида жойлашган алоҳида бўлинмаси (ФКнинг 47-моддаси). 
Ваколатхоналар ва филиаллар юридик шахс ҳисобланмайди. 
56-савол. 2022 йилда жисмоний шахсларнинг мол-мулк солиғи 
ставкалари қандай ўзгарди? 
Жавоб:
2021 йилда амалдаги солиқ ставкалари турар-жой объектлари, 
шунингдек, кўп қаватли уй билан узвий боғлиқ бўлган автотураргоҳлар учун 
1,1 баробар индексaция қилинди. 

---

12 
Ўз вақтида қуриб битказилмаган нотураржой қурилиш объектлари учун 
солиқ ставкаси 4 фоиздан 3 фоизга пасайтирилди. 
2022 йилда жисмоний шахслар учун 2018-йилда белгиланган кадастр 
қиймати бўйича ҳисобланган солиқ суммаси 2021 йил учун ҳисобланган солиқ 
суммасидан 1,3 баравардан ортиқ бўлиши мумкин эмас. 
57-савол. Солиқ тўловчиларга ортиқча тўланган солиқларни 
қайтариш қандай амалга оширилади? 
Жавоб:
Солиқ тўловчининг ортиқча тўланган суммаси ёки ундан 
ортиқча ундирилган солиқ суммаси солиқ қарзи бўлмаган тақдирда ушбу 
солиқ тўловчига қайтарилиши ёки худди шу солиқ бўйича келгуси тўловлар 
ҳисобига олиниши керак. 
Ортиқча тўланган солиқ суммасини солиқ қарзини қоплаш ҳисобига 
ҳисобга олиш тўғрисидаги қарор солиқ органи томонидан солиқнинг ортиқча 
тўланганлиги факти аниқлаган кундан эътиборан ёки агар солиқ органи ва 
солиқ тўловчи томонидан у тўлаган солиқларни биргаликда ўзаро 
солиштириш ўтказилган бўлса, бундай биргаликдаги солиштириш 
далолатномаси солиқ органи ва солиқ тўловчи томонидан имзоланган кундан 
эътиборан ёхуд суднинг тегишли қарори қонуний кучга кирган кундан 
эътиборан ўн кун ичида қабул қилинади. 
Агар ортиқча тўланган солиқ суммаси солиқ тўловчига белгиланган 
муддатни бузган ҳолда қайтарилган бўлса (солиқ органига бундай ариза келиб 
тушган кундан бошлаб ўн беш кундан кечиктирмай), солиқ тўловчига 
тўланмаган сумманинг ҳар бир календар куни учун фоизлар ундирилади. (агар 
солиқ тўловчи ортиқча ундириш факти маълум бўлган кундан бошлаб ўттиз 
кун ичида ариза топширса) 
Фоиз ставкаси Ўзбекистон Республикаси Марказий банкининг шу 
кунларда амалдаги қайта молиялаш ставкасига тенг деб ҳисобланади. 
Ортиқча тўланган солиқ суммасини ҳисобга олиш ёки қайтариш 
тўғрисидаги ариза белгиланган сумма тўланган кундан бошлаб беш йил ичида 
берилиши мумкин.