Давлат солиқ хизмати органлари мансабдор шахсларини уларнинг касбий

ЙИҒМА АХБОРОТ – ТАҲЛИЛ ДЕПАРТАМЕНТИ БЎЙИЧА САВОЛЛАР

51. 
    савол. “Солиқ бўшлиғи” атамасига таъриф беринг?
    

Жавоб: Бу солиқ тўловчи томонидан тўланиши керак бўлган солиқлар миқдори ва тўланган солиқларнинг ҳақиқий миқдори ўртасидаги фарқ.

52. савол. Ташкилот раҳбари ёки бухгалтерини ўзгартирганда солиқ тўловчи (ташкилот) томонидан қандай ҳаракатлар амалга оширилиши керак?

Жавоб: Ташкилот раҳбари ёки бухгалтерини солиқ тўловчининг шахсий кабинетида ўзгартирганда, солиқ тўловчининг шахсий кабинетидан "Юридик шахснинг ҳисобга олиш маълумотларига ўзгартиришлар киритиш" ойнасини орқали янгиланган маълумотлар юборилади.

53. савол. Якка тартибдаги тадбиркор қанча ходимни ёллаши мумкин ва уларни солиқ органларида қандай рўйхатдан ўтказиш керак?

Жавоб: Якка тартибдаги тадбиркорлар фаолият турига қараб 5 нафаргача ишчи ёллаш ҳуқуқига эга (2021-йил 22-ноябрдаги ВМҚ-707-сон- қарори).
Якка тартибдаги тадбиркор ва ходим ўртасида ёзма меҳнат шартномаси тузилади. Шундан сўнг, якка тартибдаги тадбиркор уч иш куни ичида ходимни давлат солиқ хизмати органига рўйхатдан ўтказиш тўғрисида ариза бериши керак. Буни my.soliq.uz веб-сайтидаги шахсий кабинети орқали “Ходимларни рўйхатга олиш” хизмати орқали электрон тарзда амалга ошириш мумкин.

54. савол. "Солиқ текшируви" атамасига таъриф беринг?

Жавоб: Солиқ текшируви - солиқлар ва йиғимларнинг маълум давр учун ҳисобланиши ва тўланишининг тўғрилигини текшириш бўлиб, у юқори хавф даражасига эга бўлган солиқ тўловчилар тоифасига кирувчи солиқ тўловчига нисбатан амалга оширилади.

55. савол. Юридик шахс ва ваколатхона (филиал) тушунчасига таъриф берининг.

Жавоб: Алоҳида мол-мулкка эгалик қилувчи, хўжалик юритувчи ёки оператив бошқарувчи ҳамда ушбу мол-мулк бўйича ўз мажбуриятлари бўйича жавоб берадиган, ўз номидан мулкий ва шахсий номулкий ҳуқуқларга эга бўлиши ва амалга ошириши, мажбуриятлар зиммасида бўлиши мумкин бўлган ташкилот юридик шахс ҳисобланади, судда даъвогар ва жавобгар бўлади.
Ваколатхона (филиал) - юридик шахснинг жойлашган жойидан ташқарида жойлашган алоҳида бўлинмаси (ФКнинг 47-моддаси). Ваколатхоналар ва филиаллар юридик шахс ҳисобланмайди.

56.