Давлат солиқ хизмати органлари мансабдор шахсларини уларнинг касбий

1208-савол. Давлат солиқ хизмати органлари ходимларининг шахси билан боғлиқ тан олинган совғалар энг ками неча киши иштирокида тақдим этилиши лозим ҳамда совғанинг умумий қиймати неча базавий ҳисоблаш микдоридан ошмаслиги керак?

Жавоб: Ушбу совғалар энг ками 3 нафар ходимлар иштирокида берилиши лозим ҳамда совғанинг умумий қиймати 10 (ўн) базавий ҳисоблаш микдоридан ошмаслиги керак

1209-савол. Давлат солиқ хизмати органлари ходимларининг шахси билан боғлиқ тан олинган совғаларга таъриф беринг?

Жавоб: Солиқ органлари жамоаси томонидан ходимларга уларнинг шахси билан боғлиқ байрам кунларида (туғилган кун, никоҳ қуриш, фарзанд тугилиши, Ватан ҳимоячилари куни, Халқаро хотин-цизлар куни ва ҳаказо) берилган, хизмат мажбуриятларини бажаришга боғлиқ бўлмаган совғалар тан олинган совғалар ҳисобланади

1210-савол. Давлат солиқ хизмати органлари мансабдор шахсларига нималар таъқиқланади?

Жавоб:

• 
  бирон-бир тадбиркорлик фаолияти билан шуғулланиш;
  
• 
  ўриндошлик бўйича ишлаш (илмий, ўқитувчилик ва ижодий фаолият билан шуғулланиш бундан мустасно);
  
• 
  ўз хизмат вазифаларини бажарганлик ёки бажармаганлик учун мукофотлар ёки хизматларни қабул қилиш;
  
• 
  қариндошлар, танишлар ва бошқа бегона шахсларнинг илтимосига кўра қонун ҳужжатларига риоя этмаслик;
  
• 
  иш ташлашлар, сиёсий манифестaциялар ва юришларни ташкил этиш ва уларда қатнашиш;
  
• 
  хизмат вазифаларини бажариш чоғида спиртли ичимликлар истеъмол қилиш;
  
• 
  солиқ органлари шаънига доғ туширувчи шахслар билан муносабат ўрнатиш;
  
• 
  солиқ органларида учинчи шахслар иши бўйича ишончли вакиллар ёки вакиллар бўлиш;
  
• 
  моддий-техника ва ахборот билан таъминлаш, молия воситаларидан, давлатнинг бошқа мол-мулкидан, шунингдек, хизмат ахборотларидан лавозим вазифалари билан боғлиқ бўлмаган мақсадларда фойдаланиш.