Давлат солиқ хизмати органлари мансабдор шахсларини уларнинг касбий

1228-савол. Солиқ мажбурияти бўйича даъво қилиш муддати неча йилни ташкил қилади?

Жавоб: Беш йил.

1229-савол. Солиқ кодексининг VI- ва VII- бўлимлари қайси санадан бошлаб кучга кирди?

Жавоб: 2022-йил 1-январдан бошлаб.

1230-савол. Солиқ кодексининг қайси моддасида жавобгарликка тортишни истисно этувчи ҳолатлар белгиланган?

Жавоб: 213-модда.

1231-савол. Қўшилган қиймат солиғининг солиқ тўловчи сифатида солиқ органларида ҳисобга қўйишнинг белгиланган тартиби солиқ тўловчи томонидан бузилганлик учун қандай миқдорида жаримани назарда тутилган?

Жавоб: солиқ тўғрисидаги қонун ҳужжатларида назарда тутилган ҳисобга қўйиш санасидан ҳақиқатда ҳисобга қўйилган санагача бўлган даврда олган даромадининг беш фоизи миқдорида, лекин беш миллион сўмдан кам бўлмаган миқдорда жарима солишга сабаб бЎлади.

1232-савол. Давлат солиқ қўмитаси бугунги кунгача дунёнинг нечта давлати билан икки ёқлама солиққа тортишни бартараф этиш тўғрисида халқаро шартномалар имзолаган?

Жавоб: 54 та.

1233-савол. Хорижий мамлакатлар билан солиқ соҳасидаги икки томонлама шартномалар қайси йўналишларда амалиётга татбиқ этиб келинмоқда?

Жавоб: Икки томонлама солиққа тортишга йўл қўймаслик, даромад ва капитал солиғини тўлашдан бош тортишнинг олдини олиш тўғрисидаги шартномалар;
Солиқ қонунчилигига амал қилиш, шунингдек, солиқ қонунчилигини бузишга қарши кураш бўйича ўзаро ёрдам ва ҳамкорлик масалалари ва солиққа тортиш соҳасида ахборот алмашиш тўғрисидаги шартномалар;
Билвосита солиқларни ундириш тамойиллари тўғрисидаги шартномалар.

1234-савол. Қайси ҳолларда икки ёқлама солиққа тортишнинг олдини олиш тўғрисида Битим қоидаларини қўллаш мумкин?

Жавоб:Солиқ резидентлигини тасдиқловчи ҳужжат даромадни тўлаш санасидан кечиктирмай тақдим этилиши шарти билан қўлланилади.

1235-савол. Ўзбекистон Республикасининг халқаро шартномасида назарда тутилган солиқ солишдан озод қилишни ёки норезидент томонидан даромадларни тўлашга асос бўладиган қўшимча шартнома (контракт) ва бошқа ҳужжатлар воситачи орқали ҳақиқий олувчи бўлган ҳар бир шахс бўйича даромад суммаси акс еттирилганда унинг пасайтирилган ставкасини қўллашга ҳақли. Бундай ҳужжатлар ўз ичига нима олиши керак?

Жавоб: жисмоний шахснинг фамилияси, исми, отасининг исмини (агар улар шахсини тасдиқловчи ҳужжатда кўрсатилган бўлса) ёки юридик шахснинг номини
резидентлик мамлакатида солиқ рўйхатидан ўтказилган рақамини ёки шунга монанд ҳужжат рақамини (мавжуд бўлган тақдирда)
резидентлик мамлакатида давлат рўйхатидан ўтказилган рақамини (ёки шунга монанд ҳужжат рақамини).