Давлат солиқ хизмати органлари мансабдор шахсларини уларнинг касбий

1112-савол. Ўзбекистон Республикаси Вазирлар Маҳкамасининг 2019 йил 22 мартда 242-сон қарор билан тасдиқланган Регламенти талаблари бажарилишида қайси давлат органи раҳбарлари сўзсиз амал қилишлари белгиланган?
Жавоб: Ўзбекистон Республикаси Бош вазирининг ўринбосарлари ва маслаҳатчилари, Вазирлар Маҳкамаси аппарати таркибий бўлинмалари раҳбарлари, вазирлар, давлат қўмиталари Раислари, идоралар ва хўжалик бошқаруви органлари раҳбарлари, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари Ўзбекистон Республикаси Вазирлар Маҳкамасининг Регламенти талаблари сўзсиз бажарилишини таъминлашлари шарт эканлиги белгиланган.

1113-савол. “Электрон ҳужжат алмашиш” автоматлаштирилган ахборот тизими (ЭДО) нечанчи йилдан амалиётга жорий этилган?

Жавоб: Давлат солиқ қўмитаси Раисининг 2016 йил 19 майдаги 214-сон буйруқ билан 2016 йилнинг 20 майидан Давлат солиқ қўмитаси марказий аппаратида амалиётга жорий этилган.

1114-савол. “Электрон ҳужжат алмашиш” автоматлаштирилган ахборот тизими (ЭДО) ҳудудий давлат солиқ хизмати органларида қачон амалиётга жорий этилган?

Жавоб: Давлат солиқ қўмитаси Раисининг 2016 йил 19 майдаги 214- сонли буйруғи билан 2016 йил 1 сентябрдан ҳудудий давлат солиқ хизмати органларида амалиётга жорий этилган.

1115-савол. “Электрон ҳужжат алмашиш” автоматлаштирилган ахборот тизими (ЭДО) маълумотлар базасини шакллантириш ва ундан фойдаланишни тартибга солиш бўйича Регламент қачон тасдиқланган?

Жавоб: “Электрон ҳужжат алмашиш” тизими маълумотлар базасини шакллантириш ва ундан фойдаланишни тартибга солиш бўйича Регламент Давлат солиқ қўмитаси ишчи гуруҳининг 2016 йил 1 июлдаги баёни билан тасдиқланган.

1116-савол. “Электрон ҳужжат алмашиш” автоматлаштирилган ахборот тизими (ЭДО) бириктирилган файлларни кўриш учун фойдаланувчининг компьютерида қайси дастурий таъминот ўрнатилган бўлиши керак?

Жавоб: “Электрон ҳужжат алмашиш” дастурида бириктирилган файлларни кўриш учун фойдаланувчининг компьютерида Адобе Реадер дастурий таъминоти ўрнатилган бўлиши керак.