V. УЮШМА АЪЗОЛАРИ, УЛАРНИНГ ҲУҚУҚ ВА МАЖБУРИЯТЛАРИ.
5.1. Уюшмага фермер ва деҳқон хўжаликлари, фуқароларнинг ўзини ўзи бошқариш органлари, шунингдек бошқа сув истеъмолчилари уюшманинг аъзоси бўлиши мумкин. Уюшмага аъзо бўлиш ихтиёрийдир.
5.2. Уюшма аъзолигига қабул қилиш, ҳамда аъзолигидан чиқариш умумий тартибда амалга оширилади.
5.3. Уюшма аъзоларининг ҳуқуқлари:
- Уюшманинг раҳбарлик лавозимларига, назорат-тафтиш комиссияси ва бошқа органларига сайлаш ва сайланиш, Уюшманинг раҳбар органига унинг фаолияти билан боғлик масалалар бўйича таклиф киритиш;
- Уюшма томонидан ўтказиладиган семинар, конференция ва давра суҳбатларида иштирок этиш;
- уюшманинг фаолияти, унинг бўлимлари, филиаллари ва бошқа органларининг фаолияти тўғрисида маълумот олиш;
- қонун ҳужжатларида назарда тутилган ҳолларни истисно этганда, сувни истеъмол қилиш тўғрисидаги шартнома бўйича олинмай қолган сув учун компенсация талаб қилиш;
- ўз эҳтиёжларидан келиб чиққан ҳолда сув олиш лимитларини ўзгартириш бўйича таклифлар киритиш;
- уюшма бошқарув органи фаолияти тўғрисида маълумотлар олиш;
- уюшма томонидан бажарилган хизматлар ҳажми ва сифати устидан назорат олиш бориш;
-ўз ҳуқуқлари ва қонуний манфаатларининг бузилиши, шу жумладан белгиланган сув олиш лимитлари ва сув бериш режимига мувофиқ сув олиш ҳуқуқининг бузилиши туфайли етказилган зарарнинг ўрни қонун ҳужжатларида белгиланган тартибда қопланишини талаб қилиш.
Уюшма аъзолари қонун ҳужжатларига мувофиқ бошқа ҳуқуқларга ҳам эга бўлиши мумкин.
5.4. Уюшма аъзоларининг мажбуриятлари:
- Уюшма уставига риоя қилиш;
- уюшма томонидан белгиланган тартибда ва миқдорларда аъзолик бадалларини тўлаб бориш;
- уюшманинг раҳбар органлари қарорларини ўз вақтида бажариш;
- сув ресурсларидан оқилона фойдаланиш, сувнинг мақсадсиз истеъмол қилинишига йўл қўймаслик, сувни тежаб сарфлаш, сувларнинг сифатини тиклаш ва яхшилаш тўғрисида ғамхўрлик қилиш;
- белгиланган сув олиш лимитлари ва сув истеъмоли қоидаларига риоя этиш;
-олинаётган сувнинг ҳисобини юритиш ҳамда олинган сувдан қайси мақсадда фойдаланганлик тўғрисидаги маълумотларни уюшмага ўз вақтида тақдим қилиб бориш;
- сув хўжалиги объектлари ва уюшманинг бошқа асосий воситаларига зарар етказмаслик ва улардан фақат белгиланган тартибда фойдаланиш;
-бошқа сув истеъмолчилари ва сувдан фойдаланувчиларнинг ҳуқуқлари ҳамда қонуний манфаатлари бузилишига, шунингдек сув объектларига, хўжалик объектлари ва табиий ресурсларга (ерлар, ўрмонлар, ҳайвонот дунёси, фойдали қазилмалар ва бошқаларга) зарар етказилишига йўл қўймаслик;
-сув олиш жойларини сувни бошқариш ва ҳисобга олиш воситалари билан жиҳозлаш, ички сув объектлари ва иншоотларини техник жиҳатдан соз ҳолатда сақлаш, улардан фойдаланишнинг белгиланган қоидаларига риоя этиш;
-сувларнинг ва сув объектларининг ҳолатига таъсир этадиган авариялар ва бошқа табиий ҳамда техноген хусусиятли фавқулодда вазиятлар юзага келганда уларни бартараф этиш бўйича ишларни амалга оширишда иштирок этиш;
-Уюшма олдига қўйилган вазифаларнинг ҳал этилишида фаол қатнашиш.
Уюшма аъзоларига қонун ҳужжатларига мувофиқ бошқа мажбуриятлар ҳам юклатилиши мумкин.
Do'stlaringiz bilan baham: |